| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༩. པཋམསམཡཝིམུཏྟསུཏྟཾ
9. Paṭhamasamayavimuttasuttaṃ
༡༤༩. ‘‘པཉྩིམེ , བྷིཀྑཝེ, དྷམྨཱ སམཡཝིམུཏྟསྶ བྷིཀྑུནོ པརིཧཱནཱཡ སཾཝཏྟནྟི། ཀཏམེ པཉྩ? ཀམྨཱརཱམཏཱ, བྷསྶཱརཱམཏཱ, ནིདྡཱརཱམཏཱ , སངྒཎིཀཱརཱམཏཱ, ཡཐཱཝིམུཏྟཾ ཙིཏྟཾ ན པཙྩཝེཀྑཏི། ཨིམེ ཁོ, བྷིཀྑཝེ, པཉྩ དྷམྨཱ སམཡཝིམུཏྟསྶ བྷིཀྑུནོ པརིཧཱནཱཡ སཾཝཏྟནྟི།
149. ‘‘Pañcime , bhikkhave, dhammā samayavimuttassa bhikkhuno parihānāya saṃvattanti. Katame pañca? Kammārāmatā, bhassārāmatā, niddārāmatā , saṅgaṇikārāmatā, yathāvimuttaṃ cittaṃ na paccavekkhati. Ime kho, bhikkhave, pañca dhammā samayavimuttassa bhikkhuno parihānāya saṃvattanti.
‘‘པཉྩིམེ, བྷིཀྑཝེ, དྷམྨཱ སམཡཝིམུཏྟསྶ བྷིཀྑུནོ ཨཔརིཧཱནཱཡ སཾཝཏྟནྟི། ཀཏམེ པཉྩ? ན ཀམྨཱརཱམཏཱ, ན བྷསྶཱརཱམཏཱ, ན ནིདྡཱརཱམཏཱ, ན སངྒཎིཀཱརཱམཏཱ, ཡཐཱཝིམུཏྟཾ ཙིཏྟཾ པཙྩཝེཀྑཏི། ཨིམེ ཁོ, བྷིཀྑཝེ, པཉྩ དྷམྨཱ སམཡཝིམུཏྟསྶ བྷིཀྑུནོ ཨཔརིཧཱནཱཡ སཾཝཏྟནྟཱི’’ཏི། ནཝམཾ།
‘‘Pañcime, bhikkhave, dhammā samayavimuttassa bhikkhuno aparihānāya saṃvattanti. Katame pañca? Na kammārāmatā, na bhassārāmatā, na niddārāmatā, na saṅgaṇikārāmatā, yathāvimuttaṃ cittaṃ paccavekkhati. Ime kho, bhikkhave, pañca dhammā samayavimuttassa bhikkhuno aparihānāya saṃvattantī’’ti. Navamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༩. པཋམསམཡཝིམུཏྟསུཏྟཝཎྞནཱ • 9. Paṭhamasamayavimuttasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༧-༡༠. ཨསཔྤུརིསདཱནསུཏྟཱདིཝཎྞནཱ • 7-10. Asappurisadānasuttādivaṇṇanā
