| Library / Tipiṭaka / д̇ибидага • Tipiṭaka / винаяавинижчаяа-уд̇д̇аравинижчаяа • Vinayavinicchaya-uttaravinicchaya |
бхигкувибхан̇г̇о
Bhikkhuvibhaṅgo
баарааж̇игагат̇аа
Pārājikakathā
батамабаарааж̇игагат̇аа
Paṭhamapārājikakathā
6.
6.
д̇ивид̇хз д̇иламад̇д̇амби, маг̇г̇з сзванажзд̇ано;
Tividhe tilamattampi, magge sevanacetano;
ан̇г̇аж̇аад̇ам̣ бавзсзнд̇о, аллогаасз барааж̇ид̇о.
Aṅgajātaṃ pavesento, allokāse parājito.
7.
7.
бавзсанам̣ бавидтам̣ ваа, тид̇амуд̣̇д̇харан̣амби ваа;
Pavesanaṃ paviṭṭhaṃ vā, ṭhitamuddharaṇampi vā;
сасигко саад̣̇ияанд̇о со, табзд̇ваа гирияам̣ жуд̇о.
Sasikkho sādiyanto so, ṭhapetvā kiriyaṃ cuto.
8.
8.
сант̇ад̇знан̇г̇аж̇аад̇зна, сант̇ад̇ам̣ ваа асант̇ад̇ам̣;
Santhatenaṅgajātena, santhataṃ vā asanthataṃ;
маг̇г̇ам̣ бана бавзсзнд̇о, д̇ат̇зваасант̇ад̇зна жа.
Maggaṃ pana pavesento, tathevāsanthatena ca.
9.
9.
убаад̣̇иннзнубаад̣̇иннз, анубаад̣̇иннагзна ваа;
Upādinnenupādinne, anupādinnakena vā;
гхаддид̇з анубаад̣̇иннз, сажз саад̣̇ияад̇зд̇т̇а со.
Ghaṭṭite anupādinne, sace sādiyatettha so.
10.
10.
ход̇и баарааж̇игагкзд̇д̇з, бавидтз д̇у барааж̇ид̇о;
Hoti pārājikakkhette, paviṭṭhe tu parājito;
кзд̇д̇з т̇уллажжаяам̣ д̇асса, д̣̇уггадан̃жа винид̣̇д̣̇исз.
Khette thullaccayaṃ tassa, dukkaṭañca viniddise.
11.
11.
мад̇з агкааяид̇з жааби, язбхуяяагкааяид̇зби жа;
Mate akkhāyite cāpi, yebhuyyakkhāyitepi ca;
мзт̇унам̣ бадисзванд̇о, ход̇и баарааж̇иго наро.
Methunaṃ paṭisevanto, hoti pārājiko naro.
12.
12.
язбхуяяагкааяид̇з жааби, убад̣дхагкааяид̇зби жа;
Yebhuyyakkhāyite cāpi, upaḍḍhakkhāyitepi ca;
ход̇и т̇уллажжаяаабад̇д̇и, сзсз аабад̇д̇и д̣̇уггадам̣.
Hoti thullaccayāpatti, sese āpatti dukkaṭaṃ.
13.
13.
нимид̇д̇амад̇д̇ам̣ сзсзд̇ваа, кааяид̇зби сарийрагз;
Nimittamattaṃ sesetvā, khāyitepi sarīrake;
нимид̇д̇з мзт̇унам̣ д̇асмим̣, сзвад̇оби барааж̇аяо.
Nimitte methunaṃ tasmiṃ, sevatopi parājayo.
14.
14.
уд̣̇д̇хумаад̇аад̣̇исамбад̇д̇з, саб̣б̣ад̇т̇ааби жа д̣̇уггадам̣;
Uddhumātādisampatte, sabbatthāpi ca dukkaṭaṃ;
кааяид̇аагкааяид̇ам̣ наама, саб̣б̣ам̣ мад̇асарийрагз.
Khāyitākkhāyitaṃ nāma, sabbaṃ matasarīrake.
15.
15.
чинд̣̇ид̇ваа бана д̇ажчзд̇ваа, нимид̇д̇уббаадид̇з бана;
Chinditvā pana tacchetvā, nimittuppāṭite pana;
ван̣асан̇кзбад̇о д̇асмим̣, сзвам̣ т̇уллажжаяам̣ пусз.
Vaṇasaṅkhepato tasmiṃ, sevaṃ thullaccayaṃ phuse.
16.
16.
д̇ад̇о мзт̇унарааг̇зна, бад̇ид̇ааяа нимид̇д̇ад̇о;
Tato methunarāgena, patitāya nimittato;
д̇ааяам̣ убаггаманд̇асса, д̣̇уггадам̣ мам̣сабзсияам̣.
Tāyaṃ upakkamantassa, dukkaṭaṃ maṃsapesiyaṃ.
17.
17.
накабидтиббамаан̣зби, мам̣сз нхаарумхи ваа сад̇и;
Nakhapiṭṭhippamāṇepi, maṃse nhārumhi vā sati;
мзт̇унам̣ бадисзванд̇о, ж̇ийвамаанз барааж̇ид̇о.
Methunaṃ paṭisevanto, jīvamāne parājito.
18.
18.
ган̣н̣ажчид̣̇д̣̇агкинаасаасу, вад̇т̇игосз ван̣зсу ваа;
Kaṇṇacchiddakkhināsāsu, vatthikose vaṇesu vā;
ан̇г̇аж̇аад̇ам̣ бавзсзнд̇о, рааг̇аа т̇уллажжаяам̣ пусз.
Aṅgajātaṃ pavesento, rāgā thullaccayaṃ phuse.
19.
19.
авасзсасарийрасмим̣, убагажчууругаад̣̇ису;
Avasesasarīrasmiṃ, upakacchūrukādisu;
васаа мзт̇унарааг̇асса, сзвамаанасса д̣̇уггадам̣.
Vasā methunarāgassa, sevamānassa dukkaṭaṃ.
20.
20.
ассаг̇омахисаад̣̇ийнам̣, одтаг̇ад̣̇рабхад̣̇анд̇инам̣;
Assagomahisādīnaṃ, oṭṭhagadrabhadantinaṃ;
наасаасу вад̇т̇игосзсу, сзвам̣ т̇уллажжаяам̣ пусз.
Nāsāsu vatthikosesu, sevaṃ thullaccayaṃ phuse.
21.
21.
д̇ат̇аа саб̣б̣ад̇иражчаанам̣, агкиган̣н̣аван̣зсуби;
Tathā sabbatiracchānaṃ, akkhikaṇṇavaṇesupi;
авасзсасарийрзсу, сзвамаанасса д̣̇уггадам̣.
Avasesasarīresu, sevamānassa dukkaṭaṃ.
22.
22.
д̇зсам̣ алласарийрзсу, мад̇аанам̣ сзвад̇о бана;
Tesaṃ allasarīresu, matānaṃ sevato pana;
д̇ивид̇хааби сияаабад̇д̇и, кзд̇д̇асмим̣ д̇ивид̇хз сад̇и.
Tividhāpi siyāpatti, khettasmiṃ tividhe sati.
23.
23.
б̣ахи мзт̇унарааг̇зна, нимид̇д̇ам̣ ид̇т̇ияаа бана;
Bahi methunarāgena, nimittaṃ itthiyā pana;
нимид̇д̇зна чубанд̇асса, д̇асса т̇уллажжаяам̣ сияаа.
Nimittena chupantassa, tassa thullaccayaṃ siyā.
24.
24.
гааяасам̣саг̇г̇арааг̇зна, нимид̇д̇зна мукзна ваа;
Kāyasaṃsaggarāgena, nimittena mukhena vā;
нимид̇д̇ам̣ ид̇т̇ияаа д̇асса, чубад̇о г̇аругам̣ сияаа.
Nimittaṃ itthiyā tassa, chupato garukaṃ siyā.
25.
25.
д̇ат̇звобхаяарааг̇зна, нимид̇д̇ам̣ бурисассаби;
Tathevobhayarāgena, nimittaṃ purisassapi;
нимид̇д̇зна чубанд̇асса, ход̇и аабад̇д̇и д̣̇уггадам̣.
Nimittena chupantassa, hoti āpatti dukkaṭaṃ.
26.
26.
нимид̇д̇зна нимид̇д̇ам̣ д̇у, д̇иражчаанаг̇ад̇ид̇т̇ияаа;
Nimittena nimittaṃ tu, tiracchānagatitthiyā;
т̇уллажжаяам̣ чубанд̇асса, ход̇и мзт̇унарааг̇ад̇о.
Thullaccayaṃ chupantassa, hoti methunarāgato.
27.
27.
гааяасам̣саг̇г̇арааг̇зна, д̇иражчаанаг̇ад̇ид̇т̇ияаа;
Kāyasaṃsaggarāgena, tiracchānagatitthiyā;
нимид̇д̇зна нимид̇д̇асса, чубанз д̣̇уггадам̣ мад̇ам̣.
Nimittena nimittassa, chupane dukkaṭaṃ mataṃ.
28.
28.
ан̇г̇аж̇аад̇ам̣ бавзсзд̇ваа, д̇амааваддагад̇з мукз;
Aṅgajātaṃ pavesetvā, tamāvaṭṭakate mukhe;
д̇ад̇т̇аагаасаг̇ад̇ам̣ гад̇ваа, нийхаранд̇асса д̣̇уггадам̣.
Tatthākāsagataṃ katvā, nīharantassa dukkaṭaṃ.
29.
29.
д̇ат̇аа жад̇уухи бассзхи, ид̇т̇ияаа хздтимад̇д̇алам̣;
Tathā catūhi passehi, itthiyā heṭṭhimattalaṃ;
ачубанд̇ам̣ бавзсзд̇ваа, нийхаранд̇асса д̣̇уггадам̣.
Achupantaṃ pavesetvā, nīharantassa dukkaṭaṃ.
30.
30.
уббаадид̇одтамам̣сзсу , б̣ахи нигканд̇агзсу ваа;
Uppāṭitoṭṭhamaṃsesu , bahi nikkhantakesu vā;
д̣̇анд̇зсу вааяаманд̇асса, д̇асса т̇уллажжаяам̣ сияаа.
Dantesu vāyamantassa, tassa thullaccayaṃ siyā.
31.
31.
адтисан̇гхадданам̣ гад̇ваа, маг̇г̇з д̣̇увид̇харааг̇ад̇о;
Aṭṭhisaṅghaṭṭanaṃ katvā, magge duvidharāgato;
суггз муд̇д̇зби ваамуд̇д̇з, вааяаманд̇асса д̣̇уггадам̣.
Sukke muttepi vāmutte, vāyamantassa dukkaṭaṃ.
32.
32.
ид̇т̇им̣ мзт̇унарааг̇зна, аалин̇г̇анд̇асса д̣̇уггадам̣;
Itthiṃ methunarāgena, āliṅgantassa dukkaṭaṃ;
хад̇т̇аг̇г̇аахабараамааса-жумб̣анаад̣̇ийсваяам̣ наяо.
Hatthaggāhaparāmāsa-cumbanādīsvayaṃ nayo.
33.
33.
абад̣̇з ахаяо мажчаа, габод̇аа д̣̇вибад̣̇зби жа;
Apade ahayo macchā, kapotā dvipadepi ca;
г̇од̇хаа жад̇уббад̣̇з хздтаа, вад̇т̇у баарааж̇игассимз.
Godhā catuppade heṭṭhā, vatthu pārājikassime.
34.
34.
сзвзд̇угаамад̇аажид̇д̇ам̣, маг̇г̇з маг̇г̇аббавзсанам̣;
Sevetukāmatācittaṃ, magge maggappavesanaṃ;
ид̣̇аман̇г̇ад̣̇ваяам̣ вуд̇д̇ам̣, батаманд̇имавад̇т̇уно.
Idamaṅgadvayaṃ vuttaṃ, paṭhamantimavatthuno.
35.
35.
д̣̇уггадам̣ батамассзва, сааманд̇амид̇и ван̣н̣ид̇ам̣;
Dukkaṭaṃ paṭhamasseva, sāmantamiti vaṇṇitaṃ;
сзсаанам̣ бана д̇ин̣н̣амби, т̇уллажжаяамуд̣̇ийрид̇ам̣.
Sesānaṃ pana tiṇṇampi, thullaccayamudīritaṃ.
36.
36.
‘‘анаабад̇д̇ий’’д̇и н̃аад̇аб̣б̣ам̣, аж̇аананд̇асса бхигкуно;
‘‘Anāpattī’’ti ñātabbaṃ, ajānantassa bhikkhuno;
д̇ат̇зваасаад̣̇ияанд̇асса, ж̇аананд̇ассаад̣̇игаммино.
Tathevāsādiyantassa, jānantassādikammino.
37.
37.
винаяз анаяуубарамз барамз;
Vinaye anayūparame parame;
суж̇анасса сукаанаяанз наяанз;
Sujanassa sukhānayane nayane;
баду ход̇и бад̇хаанарад̇о на рад̇о;
Paṭu hoti padhānarato na rato;
ид̇ха яо бана саарамад̇з рамад̇з.
Idha yo pana sāramate ramate.
38.
38.
имам̣ хид̇авибхааванам̣ бхааванам̣;
Imaṃ hitavibhāvanaṃ bhāvanaṃ;
авзд̣̇и сурасамбхавам̣ самбхавам̣;
Avedi surasambhavaṃ sambhavaṃ;
са маараб̣ал̣исаасанз саасанз;
Sa mārabaḷisāsane sāsane;
само бхавад̇убаалинаа баалинаа.
Samo bhavatupālinā pālinā.
ид̇и винаяавинижчаяз батамабаарааж̇игагат̇аа нидтид̇аа.
Iti vinayavinicchaye paṭhamapārājikakathā niṭṭhitā.
