| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੯. ਪਠਮਪਜ੍ਜੁਨ੍ਨਧੀਤੁਸੁਤ੍ਤવਣ੍ਣਨਾ
9. Paṭhamapajjunnadhītusuttavaṇṇanā
੩੯. ਚਾਤੁਮਹਾਰਾਜਿਕਸ੍ਸਾਤਿ ਚਾਤੁਮਹਾਰਾਜਿਕਕਾਯਿਕਸ੍ਸ। ਧਮ੍ਮੋ ਅਨੁਬੁਦ੍ਧੋਤਿ ਚਤੁਸਚ੍ਚਧਮ੍ਮੋ ਪਰਿਞ੍ਞੇਯ੍ਯਾਦਿਭਾવਸ੍ਸ ਅਨੁਰੂਪਤੋ ਬੁਦ੍ਧੋ। ਪਚ੍ਚਕ੍ਖਮੇવਾਤਿ ਪਰਪਤ੍ਤਿਯਾ ਅਹੁਤ੍વਾ ਅਤ੍ਤਪਚ੍ਚਕ੍ਖਮੇવ ਕਤ੍વਾ ਜਾਨਾਮਿ। ਧਮ੍ਮਂ ਗਰਹਨ੍ਤਾ ਨਾਮ ਸਦ੍ਦਦੋਸવਸੇਨ વਾ ਅਤ੍ਥਦੋਸવਸੇਨ વਾ ਗਰਹੇਯ੍ਯੁਨ੍ਤਿ ਤਂ ਦਸ੍ਸੇਨ੍ਤੋ ‘‘ਹੀਨਕ੍ਖਰ…ਪੇ॰… ਕੋਤਿવਾ’’ਤਿ ਆਹ। ਸਾ ਪਨ ‘‘ਤੇਸਂ વਿਗਰਹਾ ਦੁਮ੍ਮੇਧਤਾਯ ਮਹਾਨਤ੍ਥਾવਹਾવਾ’’ਤਿ ਦਸ੍ਸੇਨ੍ਤੀ ਦੇવਤਾ ਆਹ ‘‘ਦੁਮ੍ਮੇਧਾ ਉਪੇਨ੍ਤਿ ਰੋਰੁવ’’ਨ੍ਤਿ। વਿਸੁਂ ਹੋਤੀਤਿ ਅવੀਚਿਮਹਾਨਿਰਯਤੋ વਿਸੁਂ ਏવ ਹੋਤਿ। ਖਨ੍ਤਿਯਾਤਿ ਞਾਣਖਨ੍ਤਿਯਾ। ਉਪਸਮੇਨਾਤਿ ਰਾਗਾਦੀਨਂ ਸਬ੍ਬਸੋ વੂਪਸਮੇਨ। ਤੇਨਾਹ ‘‘ਰੁਚ੍ਚਿਤ੍વਾ’’ਤਿਆਦਿ।
39.Cātumahārājikassāti cātumahārājikakāyikassa. Dhammo anubuddhoti catusaccadhammo pariññeyyādibhāvassa anurūpato buddho. Paccakkhamevāti parapattiyā ahutvā attapaccakkhameva katvā jānāmi. Dhammaṃ garahantā nāma saddadosavasena vā atthadosavasena vā garaheyyunti taṃ dassento ‘‘hīnakkhara…pe… kotivā’’ti āha. Sā pana ‘‘tesaṃ vigarahā dummedhatāya mahānatthāvahāvā’’ti dassentī devatā āha ‘‘dummedhā upenti roruva’’nti. Visuṃ hotīti avīcimahānirayato visuṃ eva hoti. Khantiyāti ñāṇakhantiyā. Upasamenāti rāgādīnaṃ sabbaso vūpasamena. Tenāha ‘‘ruccitvā’’tiādi.
ਪਠਮਪਜ੍ਜੁਨ੍ਨਧੀਤੁਸੁਤ੍ਤવਣ੍ਣਨਾ ਨਿਟ੍ਠਿਤਾ।
Paṭhamapajjunnadhītusuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੯. ਪਠਮਪਜ੍ਜੁਨ੍ਨਧੀਤੁਸੁਤ੍ਤਂ • 9. Paṭhamapajjunnadhītusuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੯. ਪਠਮਪਜ੍ਜੁਨ੍ਨਧੀਤੁਸੁਤ੍ਤવਣ੍ਣਨਾ • 9. Paṭhamapajjunnadhītusuttavaṇṇanā
