| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၉. ပဌမပဇ္ဇုန္နဓီတုသုတ္တဝဏ္ဏနာ
9. Paṭhamapajjunnadhītusuttavaṇṇanā
၃၉. စာတုမဟာရာဇိကသ္သာတိ စာတုမဟာရာဇိကကာယိကသ္သ။ ဓမ္မော အနုဗုဒ္ဓောတိ စတုသစ္စဓမ္မော ပရိညေယ္ယာဒိဘာဝသ္သ အနုရူပတော ဗုဒ္ဓော။ ပစ္စက္ခမေဝာတိ ပရပတ္တိယာ အဟုတ္ဝာ အတ္တပစ္စက္ခမေဝ ကတ္ဝာ ဇာနာမိ။ ဓမ္မံ ဂရဟန္တာ နာမ သဒ္ဒဒောသဝသေန ဝာ အတ္ထဒောသဝသေန ဝာ ဂရဟေယ္ယုန္တိ တံ ဒသ္သေန္တော ‘‘ဟီနက္ခရ။ပေ.။ ကောတိဝာ’’တိ အာဟ။ သာ ပန ‘‘တေသံ ဝိဂရဟာ ဒုမ္မေဓတာယ မဟာနတ္ထာဝဟာဝာ’’တိ ဒသ္သေန္တီ ဒေဝတာ အာဟ ‘‘ဒုမ္မေဓာ ဥပေန္တိ ရောရုဝ’’န္တိ။ ဝိသုံ ဟောတီတိ အဝီစိမဟာနိရယတော ဝိသုံ ဧဝ ဟောတိ။ ခန္တိယာတိ ဉာဏခန္တိယာ။ ဥပသမေနာတိ ရာဂာဒီနံ သဗ္ဗသော ဝူပသမေန။ တေနာဟ ‘‘ရုစ္စိတ္ဝာ’’တိအာဒိ။
39.Cātumahārājikassāti cātumahārājikakāyikassa. Dhammo anubuddhoti catusaccadhammo pariññeyyādibhāvassa anurūpato buddho. Paccakkhamevāti parapattiyā ahutvā attapaccakkhameva katvā jānāmi. Dhammaṃ garahantā nāma saddadosavasena vā atthadosavasena vā garaheyyunti taṃ dassento ‘‘hīnakkhara…pe… kotivā’’ti āha. Sā pana ‘‘tesaṃ vigarahā dummedhatāya mahānatthāvahāvā’’ti dassentī devatā āha ‘‘dummedhā upenti roruva’’nti. Visuṃ hotīti avīcimahānirayato visuṃ eva hoti. Khantiyāti ñāṇakhantiyā. Upasamenāti rāgādīnaṃ sabbaso vūpasamena. Tenāha ‘‘ruccitvā’’tiādi.
ပဌမပဇ္ဇုန္နဓီတုသုတ္တဝဏ္ဏနာ နိဋ္ဌိတာ။
Paṭhamapajjunnadhītusuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၉. ပဌမပဇ္ဇုန္နဓီတုသုတ္တံ • 9. Paṭhamapajjunnadhītusuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၉. ပဌမပဇ္ဇုန္နဓီတုသုတ္တဝဏ္ဏနာ • 9. Paṭhamapajjunnadhītusuttavaṇṇanā
