| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៩. បឋមបជ្ជុន្នធីតុសុត្តវណ្ណនា
9. Paṭhamapajjunnadhītusuttavaṇṇanā
៣៩. ចាតុមហារាជិកស្សាតិ ចាតុមហារាជិកកាយិកស្ស។ ធម្មោ អនុពុទ្ធោតិ ចតុសច្ចធម្មោ បរិញ្ញេយ្យាទិភាវស្ស អនុរូបតោ ពុទ្ធោ។ បច្ចក្ខមេវាតិ បរបត្តិយា អហុត្វា អត្តបច្ចក្ខមេវ កត្វា ជានាមិ។ ធម្មំ គរហន្តា នាម សទ្ទទោសវសេន វា អត្ថទោសវសេន វា គរហេយ្យុន្តិ តំ ទស្សេន្តោ ‘‘ហីនក្ខរ…បេ.… កោតិវា’’តិ អាហ។ សា បន ‘‘តេសំ វិគរហា ទុម្មេធតាយ មហានត្ថាវហាវា’’តិ ទស្សេន្តី ទេវតា អាហ ‘‘ទុម្មេធា ឧបេន្តិ រោរុវ’’ន្តិ។ វិសុំ ហោតីតិ អវីចិមហានិរយតោ វិសុំ ឯវ ហោតិ។ ខន្តិយាតិ ញាណខន្តិយា។ ឧបសមេនាតិ រាគាទីនំ សព្ពសោ វូបសមេន។ តេនាហ ‘‘រុច្ចិត្វា’’តិអាទិ។
39.Cātumahārājikassāti cātumahārājikakāyikassa. Dhammo anubuddhoti catusaccadhammo pariññeyyādibhāvassa anurūpato buddho. Paccakkhamevāti parapattiyā ahutvā attapaccakkhameva katvā jānāmi. Dhammaṃ garahantā nāma saddadosavasena vā atthadosavasena vā garaheyyunti taṃ dassento ‘‘hīnakkhara…pe… kotivā’’ti āha. Sā pana ‘‘tesaṃ vigarahā dummedhatāya mahānatthāvahāvā’’ti dassentī devatā āha ‘‘dummedhā upenti roruva’’nti. Visuṃ hotīti avīcimahānirayato visuṃ eva hoti. Khantiyāti ñāṇakhantiyā. Upasamenāti rāgādīnaṃ sabbaso vūpasamena. Tenāha ‘‘ruccitvā’’tiādi.
បឋមបជ្ជុន្នធីតុសុត្តវណ្ណនា និដ្ឋិតា។
Paṭhamapajjunnadhītusuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៩. បឋមបជ្ជុន្នធីតុសុត្តំ • 9. Paṭhamapajjunnadhītusuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៩. បឋមបជ្ជុន្នធីតុសុត្តវណ្ណនា • 9. Paṭhamapajjunnadhītusuttavaṇṇanā
