| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
9. батамабаж̇ж̇уннад̇хийд̇усуд̇д̇ам̣
9. Paṭhamapajjunnadhītusuttaṃ
39. звам̣ мз суд̇ам̣ – згам̣ самаяам̣ бхаг̇аваа взсаалияам̣ вихарад̇и махааванз гуудааг̇аарасаалааяам̣. ат̇а ко гоганад̣̇аа баж̇ж̇уннасса д̇хийд̇аа абхигганд̇ааяа рад̇д̇ияаа абхигганд̇аван̣н̣аа гзвалагаббам̣ махааванам̣ обхаасзд̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇аа ко саа д̣̇звад̇аа гоганад̣̇аа баж̇ж̇уннасса д̇хийд̇аа бхаг̇авад̇о санд̇игз имаа г̇аат̇ааяо абхааси –
39. Evaṃ me sutaṃ – ekaṃ samayaṃ bhagavā vesāliyaṃ viharati mahāvane kūṭāgārasālāyaṃ. Atha kho kokanadā pajjunnassa dhītā abhikkantāya rattiyā abhikkantavaṇṇā kevalakappaṃ mahāvanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhitā kho sā devatā kokanadā pajjunnassa dhītā bhagavato santike imā gāthāyo abhāsi –
‘‘взсаалияам̣ ванз вихаранд̇ам̣, аг̇г̇ам̣ сад̇д̇асса самб̣уд̣̇д̇хам̣;
‘‘Vesāliyaṃ vane viharantaṃ, aggaṃ sattassa sambuddhaṃ;
гоганад̣̇аахамасми абхиванд̣̇з, гоганад̣̇аа баж̇ж̇уннасса д̇хийд̇аа.
Kokanadāhamasmi abhivande, kokanadā pajjunnassa dhītā.
‘‘суд̇амзва бурз ааси, д̇хаммо жагкумад̇аануб̣уд̣̇д̇хо;
‘‘Sutameva pure āsi, dhammo cakkhumatānubuddho;
саахам̣ д̣̇аани сагки ж̇аанаами, мунино д̣̇зсаяад̇о суг̇ад̇асса.
Sāhaṃ dāni sakkhi jānāmi, munino desayato sugatassa.
‘‘яз гзжи арияам̣ д̇хаммам̣, виг̇араханд̇аа жаранд̇и д̣̇уммзд̇хаа;
‘‘Ye keci ariyaṃ dhammaṃ, vigarahantā caranti dummedhā;
убзнд̇и рорувам̣ гхорам̣, жирарад̇д̇ам̣ д̣̇угкам̣ анубхаванд̇и.
Upenti roruvaṃ ghoraṃ, cirarattaṃ dukkhaṃ anubhavanti.
‘‘яз жа ко арияз д̇хаммз, канд̇ияаа убасамзна убзд̇аа;
‘‘Ye ca kho ariye dhamme, khantiyā upasamena upetā;
бахааяа маанусам̣ д̣̇зхам̣, д̣̇звагааяа барибуурзссанд̇ий’’д̇и.
Pahāya mānusaṃ dehaṃ, devakāya paripūressantī’’ti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. батамабаж̇ж̇уннад̇хийд̇усуд̇д̇аван̣н̣анаа • 9. Paṭhamapajjunnadhītusuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. батамабаж̇ж̇уннад̇хийд̇усуд̇д̇аван̣н̣анаа • 9. Paṭhamapajjunnadhītusuttavaṇṇanā
