| Library / Tipiṭaka / তিপিটক • Tipiṭaka / ভিক্খুনীৰিভঙ্গ-অট্ঠকথা • Bhikkhunīvibhaṅga-aṭṭhakathā |
৩. নিস্সগ্গিযকণ্ডং (ভিক্খুনীৰিভঙ্গৰণ্ণনা)
3. Nissaggiyakaṇḍaṃ (bhikkhunīvibhaṅgavaṇṇanā)
পঠমনিস্সগ্গিযপাচিত্তিযসিক্খাপদৰণ্ণনা
Paṭhamanissaggiyapācittiyasikkhāpadavaṇṇanā
তিংস নিস্সগ্গিযা ধম্মা, ভিক্খুনীনং পকাসিতা।
Tiṃsa nissaggiyā dhammā, bhikkhunīnaṃ pakāsitā;
যে তেসং দানি ভৰতি, অযং সংৰণ্ণনাক্কমো॥
Ye tesaṃ dāni bhavati, ayaṃ saṃvaṇṇanākkamo.
৭৩৩. আমত্তিকাপণন্তি অমত্তানি ৰুচ্চন্তি ভাজনানি; তানি যে ৰিক্কিণন্তি, তে ৰুচ্চন্তি আমত্তিকা; তেসং আপণো আমত্তিকাপণো; তং ৰা পসারেস্সন্তীতি অত্থো।
733.Āmattikāpaṇanti amattāni vuccanti bhājanāni; tāni ye vikkiṇanti, te vuccanti āmattikā; tesaṃ āpaṇo āmattikāpaṇo; taṃ vā pasāressantīti attho.
৭৩৪. পত্তসন্নিচযং করেয্যাতি পত্তসন্নিধিং করেয্য; একাহং অনধিট্ঠহিত্ৰা ৰা অৰিকপ্পেত্ৰা ৰা পত্তং ঠপেয্যাতি অত্থো। সেসং মহাৰিভঙ্গে ৰুত্তনযেনেৰ ৰেদিতব্বং। অযমেৰ হি ৰিসেসো – তত্থ দসাহং পরিহারো, ইধ একাহম্পি নত্থি। সেসং তাদিসমেৰ।
734.Pattasannicayaṃ kareyyāti pattasannidhiṃ kareyya; ekāhaṃ anadhiṭṭhahitvā vā avikappetvā vā pattaṃ ṭhapeyyāti attho. Sesaṃ mahāvibhaṅge vuttanayeneva veditabbaṃ. Ayameva hi viseso – tattha dasāhaṃ parihāro, idha ekāhampi natthi. Sesaṃ tādisameva.
ইদম্পি কথিনসমুট্ঠানং – কাযৰাচতো কাযৰাচাচিত্ততো চ সমুট্ঠাতি, অকিরিযং, নোসঞ্ঞাৰিমোক্খং, অচিত্তকং, পণ্ণত্তিৰজ্জং, কাযকম্মং, ৰচীকম্মং, তিচিত্তং, তিৰেদনন্তি।
Idampi kathinasamuṭṭhānaṃ – kāyavācato kāyavācācittato ca samuṭṭhāti, akiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
পঠমসিক্খাপদং।
Paṭhamasikkhāpadaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / ভিক্খুনীৰিভঙ্গ • Bhikkhunīvibhaṅga / ১. পঠমসিক্খাপদং • 1. Paṭhamasikkhāpadaṃ
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৩. নিস্সগ্গিযকণ্ডং (ভিক্খুনীৰিভঙ্গৰণ্ণনা) • 3. Nissaggiyakaṇḍaṃ (bhikkhunīvibhaṅgavaṇṇanā)
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ১. পঠমনিস্সগ্গিযপাচিত্তিযসিক্খাপদৰণ্ণনা • 1. Paṭhamanissaggiyapācittiyasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ২. দুতিযনিস্সগ্গিযাদিপাচিত্তিযসিক্খাপদৰণ্ণনা • 2. Dutiyanissaggiyādipācittiyasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ১. পঠমনিস্সগ্গিযপাচিত্তিযসিক্খাপদ-অত্থযোজনা • 1. Paṭhamanissaggiyapācittiyasikkhāpada-atthayojanā
