| Library / Tipiṭaka / ਤਿਪਿਟਕ • Tipiṭaka / વਿਮਾਨવਤ੍ਥੁਪਾਲ਼ਿ • Vimānavatthupāḷi |
੧੦. ਪਠਮਨਾਗવਿਮਾਨવਤ੍ਥੁ
10. Paṭhamanāgavimānavatthu
੯੬੧.
961.
‘‘ਸੁਸੁਕ੍ਕਖਨ੍ਧਂ ਅਭਿਰੁਯ੍ਹ ਨਾਗਂ, ਅਕਾਚਿਨਂ ਦਨ੍ਤਿਂ ਬਲਿਂ ਮਹਾਜવਂ।
‘‘Susukkakhandhaṃ abhiruyha nāgaṃ, akācinaṃ dantiṃ baliṃ mahājavaṃ;
ਅਭਿਰੁਯ੍ਹ ਗਜવਰਂ 1 ਸੁਕਪ੍ਪਿਤਂ, ਇਧਾਗਮਾ વੇਹਾਯਸਂ ਅਨ੍ਤਲਿਕ੍ਖੇ॥
Abhiruyha gajavaraṃ 2 sukappitaṃ, idhāgamā vehāyasaṃ antalikkhe.
੯੬੨.
962.
‘‘ਨਾਗਸ੍ਸ ਦਨ੍ਤੇਸੁ ਦੁવੇਸੁ ਨਿਮ੍ਮਿਤਾ, ਅਚ੍ਛੋਦਕਾ ਪਦੁਮਿਨਿਯੋ ਸੁਫੁਲ੍ਲਾ।
‘‘Nāgassa dantesu duvesu nimmitā, acchodakā paduminiyo suphullā;
ਪਦੁਮੇਸੁ ਚ ਤੁਰਿਯਗਣਾ ਪવਜ੍ਜਰੇ, ਇਮਾ ਚ ਨਚ੍ਚਨ੍ਤਿ ਮਨੋਹਰਾਯੋ॥
Padumesu ca turiyagaṇā pavajjare, imā ca naccanti manoharāyo.
੯੬੩.
963.
‘‘ਦੇવਿਦ੍ਧਿਪਤ੍ਤੋਸਿ ਮਹਾਨੁਭਾવੋ, ਮਨੁਸ੍ਸਭੂਤੋ ਕਿਮਕਾਸਿ ਪੁਞ੍ਞਂ।
‘‘Deviddhipattosi mahānubhāvo, manussabhūto kimakāsi puññaṃ;
ਕੇਨਾਸਿ ਏવਂ ਜਲਿਤਾਨੁਭਾવੋ, વਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ॥
Kenāsi evaṃ jalitānubhāvo, vaṇṇo ca te sabbadisā pabhāsatī’’ti.
੯੬੪.
964.
ਸੋ ਦੇવਪੁਤ੍ਤੋ ਅਤ੍ਤਮਨੋ, ਮੋਗ੍ਗਲ੍ਲਾਨੇਨ ਪੁਚ੍ਛਿਤੋ।
So devaputto attamano, moggallānena pucchito;
ਪਞ੍ਹਂ ਪੁਟ੍ਠੋ વਿਯਾਕਾਸਿ, ਯਸ੍ਸ ਕਮ੍ਮਸ੍ਸਿਦਂ ਫਲਂ॥
Pañhaṃ puṭṭho viyākāsi, yassa kammassidaṃ phalaṃ.
੯੬੫.
965.
ਥੂਪਸ੍ਮਿਂ ਅਭਿਰੋਪੇਸਿਂ, ਪਸਨ੍ਨੋ ਸੇਹਿ ਪਾਣਿਭਿ॥
Thūpasmiṃ abhiropesiṃ, pasanno sehi pāṇibhi.
੯੬੬.
966.
‘‘ਤੇਨ ਮੇਤਾਦਿਸੋ વਣ੍ਣੋ…ਪੇ॰…વਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ॥
‘‘Tena metādiso vaṇṇo…pe…vaṇṇo ca me sabbadisā pabhāsatī’’ti.
ਪਠਮਨਾਗવਿਮਾਨਂ ਦਸਮਂ।
Paṭhamanāgavimānaṃ dasamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / વਿਮਾਨવਤ੍ਥੁ-ਅਟ੍ਠਕਥਾ • Vimānavatthu-aṭṭhakathā / ੧੦. ਪਠਮਨਾਗવਿਮਾਨવਣ੍ਣਨਾ • 10. Paṭhamanāgavimānavaṇṇanā
