| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၄-၁၀. ပဌမဂိလာနသုတ္တာဒိဝဏ္ဏနာ
4-10. Paṭhamagilānasuttādivaṇṇanā
၁၉၅-၂၀၁. စတုတ္ထေ တထာ ပဟီနော စာယသ္မတော မဟာကသ္သပသ္သ သော အာဗာဓော အဟောသီတိ ထေရသ္သ ကိရ ဣမံ ဗောဇ္ဈင္ဂဘာဝနံ သာဓုကံ သုဏန္တသ္သ ဧတဒဟောသိ ‘‘မယ္ဟံ ပဗ္ဗဇိတဒိဝသတော သတ္တမေ ဒိဝသေ သစ္စာနိ ပဋိဝိဇ္ဈန္တသ္သ ဣမေ ဗောဇ္ဈင္ဂာ ပာတုဘူတာ’’တိ။ အထသ္သ ‘‘နိယ္ယာနိကံ ဝတ သတ္ထုသာသန’’န္တိ စိန္တယတော လောဟိတံ ပသီဒိ, ဥပာဒာရူပံ ဝိသုဒ္ဓံ အဟောသိ, ပောက္ခရပတ္တေ ပတိတဥဒကဗိန္ဒု ဝိယ သရီရတော ရောဂော ဝိနိဝတ္တိတ္ဝာ ဂတော။ တေန ဝုတ္တံ ‘‘တထာ ပဟီနော စာယသ္မတော မဟာကသ္သပသ္သ သော အာဗာဓော အဟောသီ’’တိ။ ပဉ္စမဆဋ္ဌေသုပိ ဧသေဝ နယော။ ဣမေသံ ပန တိဏ္ဏမ္ပိ ဇနာနံ ပဗ္ဗတပာဒေ ပုပ္ဖိတဝိသရုက္ခဝာတသမ္ဖသ္သေန ဥပ္ပန္နော မန္ဒသီတဇရော အာဗာဓောတိ ဝေဒိတဗ္ဗော။ သေသံ သဗ္ဗတ္ထ ဥတ္တာနမေဝာတိ။
195-201. Catutthe tathā pahīno cāyasmato mahākassapassa so ābādho ahosīti therassa kira imaṃ bojjhaṅgabhāvanaṃ sādhukaṃ suṇantassa etadahosi ‘‘mayhaṃ pabbajitadivasato sattame divase saccāni paṭivijjhantassa ime bojjhaṅgā pātubhūtā’’ti. Athassa ‘‘niyyānikaṃ vata satthusāsana’’nti cintayato lohitaṃ pasīdi, upādārūpaṃ visuddhaṃ ahosi, pokkharapatte patitaudakabindu viya sarīrato rogo vinivattitvā gato. Tena vuttaṃ ‘‘tathā pahīno cāyasmato mahākassapassa so ābādho ahosī’’ti. Pañcamachaṭṭhesupi eseva nayo. Imesaṃ pana tiṇṇampi janānaṃ pabbatapāde pupphitavisarukkhavātasamphassena uppanno mandasītajaro ābādhoti veditabbo. Sesaṃ sabbattha uttānamevāti.
ဂိလာနဝဂ္ဂော။
Gilānavaggo.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya
၄. ပဌမဂိလာနသုတ္တံ • 4. Paṭhamagilānasuttaṃ
၅. ဒုတိယဂိလာနသုတ္တံ • 5. Dutiyagilānasuttaṃ
၆. တတိယဂိလာနသုတ္တံ • 6. Tatiyagilānasuttaṃ
၇. ပာရင္ဂမသုတ္တံ • 7. Pāraṅgamasuttaṃ
၈. ဝိရဒ္ဓသုတ္တံ • 8. Viraddhasuttaṃ
၉. အရိယသုတ္တံ • 9. Ariyasuttaṃ
၁၀. နိဗ္ဗိဒာသုတ္တံ • 10. Nibbidāsuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၄-၁၀. ပဌမဂိလာနသုတ္တာဒိဝဏ္ဏနာ • 4-10. Paṭhamagilānasuttādivaṇṇanā
