| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၁၀. နိဗ္ဗိဒာသုတ္တံ
10. Nibbidāsuttaṃ
၂၀၁. ‘‘သတ္တိမေ , ဘိက္ခဝေ, ဗောဇ္ဈင္ဂာ ဘာဝိတာ ဗဟုလီကတာ ဧကန္တနိဗ္ဗိဒာယ ဝိရာဂာယ နိရောဓာယ ဥပသမာယ အဘိညာယ သမ္ဗောဓာယ နိဗ္ဗာနာယ သံဝတ္တန္တိ။ ကတမေ သတ္တ? သတိသမ္ဗောဇ္ဈင္ဂော။ပေ.။ ဥပေက္ခာသမ္ဗောဇ္ဈင္ဂော – ဣမေ ခော, ဘိက္ခဝေ, သတ္တ ဗောဇ္ဈင္ဂာ ဘာဝိတာ ဗဟုလီကတာ ဧကန္တနိဗ္ဗိဒာယ ဝိရာဂာယ နိရောဓာယ ဥပသမာယ အဘိညာယ သမ္ဗောဓာယ နိဗ္ဗာနာယ သံဝတ္တန္တီ’’တိ။ ဒသမံ။
201. ‘‘Sattime , bhikkhave, bojjhaṅgā bhāvitā bahulīkatā ekantanibbidāya virāgāya nirodhāya upasamāya abhiññāya sambodhāya nibbānāya saṃvattanti. Katame satta? Satisambojjhaṅgo…pe… upekkhāsambojjhaṅgo – ime kho, bhikkhave, satta bojjhaṅgā bhāvitā bahulīkatā ekantanibbidāya virāgāya nirodhāya upasamāya abhiññāya sambodhāya nibbānāya saṃvattantī’’ti. Dasamaṃ.
ဂိလာနဝဂ္ဂော ဒုတိယော။
Gilānavaggo dutiyo.
တသ္သုဒ္ဒာနံ –
Tassuddānaṃ –
ပာဏာ သူရိယူပမာ ဒ္ဝေ၊ ဂိလာနာ အပရေ တယော။
Pāṇā sūriyūpamā dve, gilānā apare tayo;
ပာရင္ဂာမီ ဝိရဒ္ဓော စ၊ အရိယော နိဗ္ဗိဒာယ စာတိ။
Pāraṅgāmī viraddho ca, ariyo nibbidāya cāti.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၄-၁၀. ပဌမဂိလာနသုတ္တာဒိဝဏ္ဏနာ • 4-10. Paṭhamagilānasuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၄-၁၀. ပဌမဂိလာနသုတ္တာဒိဝဏ္ဏနာ • 4-10. Paṭhamagilānasuttādivaṇṇanā
