| Library / Tipiṭaka / तिपिटक • Tipiṭaka / इतिवुत्तकपाळि • Itivuttakapāḷi |
५. पठमएसनासुत्तं
5. Paṭhamaesanāsuttaṃ
५४. वुत्तञ्हेतं भगवता, वुत्तमरहताति मे सुतं –
54. Vuttañhetaṃ bhagavatā, vuttamarahatāti me sutaṃ –
‘‘तिस्सो इमा, भिक्खवे, एसना। कतमा तिस्सो? कामेसना, भवेसना, ब्रह्मचरियेसना – इमा खो, भिक्खवे, तिस्सो एसना’’ति। एतमत्थं भगवा अवोच। तत्थेतं इति वुच्चति –
‘‘Tisso imā, bhikkhave, esanā. Katamā tisso? Kāmesanā, bhavesanā, brahmacariyesanā – imā kho, bhikkhave, tisso esanā’’ti. Etamatthaṃ bhagavā avoca. Tatthetaṃ iti vuccati –
‘‘समाहितो सम्पजानो, सतो बुद्धस्स सावको।
‘‘Samāhito sampajāno, sato buddhassa sāvako;
एसना च पजानाति, एसनानञ्च सम्भवं॥
Esanā ca pajānāti, esanānañca sambhavaṃ.
‘‘यत्थ चेता निरुज्झन्ति, मग्गञ्च खयगामिनं।
‘‘Yattha cetā nirujjhanti, maggañca khayagāminaṃ;
एसनानं खया भिक्खु, निच्छातो परिनिब्बुतो’’ति॥
Esanānaṃ khayā bhikkhu, nicchāto parinibbuto’’ti.
अयम्पि अत्थो वुत्तो भगवता, इति मे सुतन्ति। पञ्चमं।
Ayampi attho vutto bhagavatā, iti me sutanti. Pañcamaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / इतिवुत्तक-अट्ठकथा • Itivuttaka-aṭṭhakathā / ५. पठमएसनासुत्तवण्णना • 5. Paṭhamaesanāsuttavaṇṇanā
