| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༩. པཋམདྭཡསུཏྟཾ
9. Paṭhamadvayasuttaṃ
༩༢. ‘‘དྭཡཾ ཝོ, བྷིཀྑཝེ, དེསེསྶཱམི། ཏཾ སུཎཱཐ། ཀིཉྩ, བྷིཀྑཝེ, དྭཡཾ? ཙཀྑུཉྩེཝ རཱུཔཱ ཙ, སོཏཉྩེཝ སདྡཱ ཙ, གྷཱནཉྩེཝ གནྡྷཱ ཙ, ཛིཝ྄ཧཱ ཙེཝ རསཱ ཙ, ཀཱཡོ ཙེཝ ཕོཊྛབྦཱ ཙ , མནོ ཙེཝ དྷམྨཱ ཙ – ཨིདཾ ཝུཙྩཏི, བྷིཀྑཝེ, དྭཡཾ།
92. ‘‘Dvayaṃ vo, bhikkhave, desessāmi. Taṃ suṇātha. Kiñca, bhikkhave, dvayaṃ? Cakkhuñceva rūpā ca, sotañceva saddā ca, ghānañceva gandhā ca, jivhā ceva rasā ca, kāyo ceva phoṭṭhabbā ca , mano ceva dhammā ca – idaṃ vuccati, bhikkhave, dvayaṃ.
‘‘ཡོ, བྷིཀྑཝེ, ཨེཝཾ ཝདེཡྻ – ‘ཨཧམེཏཾ དྭཡཾ པཙྩཀྑཱཡ ཨཉྙཾ དྭཡཾ པཉྙཔེསྶཱམཱི’ཏི, ཏསྶ ཝཱཙཱཝཏྠུཀམེཝསྶ། པུཊྛོ ཙ ན སམྤཱཡེཡྻ། ཨུཏྟརིཉྩ ཝིགྷཱཏཾ ཨཱཔཛྫེཡྻ། ཏཾ ཀིསྶ ཧེཏུ? ཡཐཱ ཏཾ, བྷིཀྑཝེ, ཨཝིསཡསྨི’’ནྟི། ནཝམཾ།
‘‘Yo, bhikkhave, evaṃ vadeyya – ‘ahametaṃ dvayaṃ paccakkhāya aññaṃ dvayaṃ paññapessāmī’ti, tassa vācāvatthukamevassa. Puṭṭho ca na sampāyeyya. Uttariñca vighātaṃ āpajjeyya. Taṃ kissa hetu? Yathā taṃ, bhikkhave, avisayasmi’’nti. Navamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༩-༡༠. པཋམདྭཡསུཏྟཱདིཝཎྞནཱ • 9-10. Paṭhamadvayasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༩-༡༠. པཋམདྭཡསུཏྟཱདིཝཎྞནཱ • 9-10. Paṭhamadvayasuttādivaṇṇanā
