| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
(၂၃) ၃. ဒီဃစာရိကဝဂ္ဂော
(23) 3. Dīghacārikavaggo
၁. ပဌမဒီဃစာရိကသုတ္တံ
1. Paṭhamadīghacārikasuttaṃ
၂၂၁. ‘‘ပဉ္စိမေ , ဘိက္ခဝေ, အာဒီနဝာ ဒီဃစာရိကံ အနဝတ္ထစာရိကံ အနုယုတ္တသ္သ ဝိဟရတော။ ကတမေ ပဉ္စ? အသ္သုတံ န သုဏာတိ, သုတံ န ပရိယောဒာပေတိ, သုတေနေကစ္စေန အဝိသာရဒော ဟောတိ, ဂာဠ္ဟံ 1 ရောဂာတင္ကံ ဖုသတိ, န စ မိတ္တဝာ ဟောတိ။ ဣမေ ခော, ဘိက္ခဝေ, ပဉ္စ အာဒီနဝာ ဒီဃစာရိကံ အနဝတ္ထစာရိကံ အနုယုတ္တသ္သ ဝိဟရတော။
221. ‘‘Pañcime , bhikkhave, ādīnavā dīghacārikaṃ anavatthacārikaṃ anuyuttassa viharato. Katame pañca? Assutaṃ na suṇāti, sutaṃ na pariyodāpeti, sutenekaccena avisārado hoti, gāḷhaṃ 2 rogātaṅkaṃ phusati, na ca mittavā hoti. Ime kho, bhikkhave, pañca ādīnavā dīghacārikaṃ anavatthacārikaṃ anuyuttassa viharato.
‘‘ပဉ္စိမေ, ဘိက္ခဝေ, အာနိသံသာ သမဝတ္ထစာရေ။ ကတမေ ပဉ္စ? အသ္သုတံ သုဏာတိ, သုတံ ပရိယောဒာပေတိ, သုတေနေကစ္စေန ဝိသာရဒော ဟောတိ, န ဂာဠ္ဟံ ရောဂာတင္ကံ ဖုသတိ, မိတ္တဝာ စ ဟောတိ။ ဣမေ ခော, ဘိက္ခဝေ, ပဉ္စ အာနိသံသာ သမဝတ္ထစာရေ’’တိ။ ပဌမံ။
‘‘Pañcime, bhikkhave, ānisaṃsā samavatthacāre. Katame pañca? Assutaṃ suṇāti, sutaṃ pariyodāpeti, sutenekaccena visārado hoti, na gāḷhaṃ rogātaṅkaṃ phusati, mittavā ca hoti. Ime kho, bhikkhave, pañca ānisaṃsā samavatthacāre’’ti. Paṭhamaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၁. ပဌမဒီဃစာရိကသုတ္တဝဏ္ဏနာ • 1. Paṭhamadīghacārikasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၁၀. ပဌမဒီဃစာရိကသုတ္တာဒိဝဏ္ဏနာ • 1-10. Paṭhamadīghacārikasuttādivaṇṇanā
