| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၂. ဒုတိယဒီဃစာရိကသုတ္တံ
2. Dutiyadīghacārikasuttaṃ
၂၂၂. ‘‘ပဉ္စိမေ , ဘိက္ခဝေ, အာဒီနဝာ ဒီဃစာရိကံ အနဝတ္ထစာရိကံ အနုယုတ္တသ္သ ဝိဟရတော။ ကတမေ ပဉ္စ? အနဓိဂတံ နာဓိဂစ္ဆတိ, အဓိဂတာ ပရိဟာယတိ, အဓိဂတေနေကစ္စေန အဝိသာရဒော ဟောတိ, ဂာဠ္ဟံ ရောဂာတင္ကံ ဖုသတိ, န စ မိတ္တဝာ ဟောတိ။ ဣမေ ခော, ဘိက္ခဝေ, ပဉ္စ အာဒီနဝာ ဒီဃစာရိကံ အနဝတ္ထစာရိကံ အနုယုတ္တသ္သ ဝိဟရတော။
222. ‘‘Pañcime , bhikkhave, ādīnavā dīghacārikaṃ anavatthacārikaṃ anuyuttassa viharato. Katame pañca? Anadhigataṃ nādhigacchati, adhigatā parihāyati, adhigatenekaccena avisārado hoti, gāḷhaṃ rogātaṅkaṃ phusati, na ca mittavā hoti. Ime kho, bhikkhave, pañca ādīnavā dīghacārikaṃ anavatthacārikaṃ anuyuttassa viharato.
‘‘ပဉ္စိမေ, ဘိက္ခဝေ, အာနိသံသာ သမဝတ္ထစာရေ။ ကတမေ ပဉ္စ? အနဓိဂတံ အဓိဂစ္ဆတိ, အဓိဂတာ န ပရိဟာယတိ, အဓိဂတေနေကစ္စေန ဝိသာရဒော ဟောတိ, န ဂာဠ္ဟံ ရောဂာတင္ကံ ဖုသတိ, မိတ္တဝာ စ ဟောတိ။ ဣမေ ခော, ဘိက္ခဝေ, ပဉ္စ အာနိသံသာ သမဝတ္ထစာရေ’’တိ။ ဒုတိယံ။
‘‘Pañcime, bhikkhave, ānisaṃsā samavatthacāre. Katame pañca? Anadhigataṃ adhigacchati, adhigatā na parihāyati, adhigatenekaccena visārado hoti, na gāḷhaṃ rogātaṅkaṃ phusati, mittavā ca hoti. Ime kho, bhikkhave, pañca ānisaṃsā samavatthacāre’’ti. Dutiyaṃ.
Related texts:
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၁၀. ပဌမဒီဃစာရိကသုတ္တာဒိဝဏ္ဏနာ • 1-10. Paṭhamadīghacārikasuttādivaṇṇanā
