| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ • Saṃyuttanikāya |
೪. ಪಠಮದೇವಪದಸುತ್ತಂ
4. Paṭhamadevapadasuttaṃ
೧೦೩೦. ಸಾವತ್ಥಿನಿದಾನಂ । ಚತ್ತಾರಿಮಾನಿ, ಭಿಕ್ಖವೇ, ದೇವಾನಂ ದೇವಪದಾನಿ ಅವಿಸುದ್ಧಾನಂ ಸತ್ತಾನಂ ವಿಸುದ್ಧಿಯಾ ಅಪರಿಯೋದಾತಾನಂ ಸತ್ತಾನಂ ಪರಿಯೋದಪನಾಯ।
1030. Sāvatthinidānaṃ . Cattārimāni, bhikkhave, devānaṃ devapadāni avisuddhānaṃ sattānaṃ visuddhiyā apariyodātānaṃ sattānaṃ pariyodapanāya.
ಕತಮಾನಿ ಚತ್ತಾರಿ? ಇಧ, ಭಿಕ್ಖವೇ, ಅರಿಯಸಾವಕೋ ಬುದ್ಧೇ ಅವೇಚ್ಚಪ್ಪಸಾದೇನ ಸಮನ್ನಾಗತೋ ಹೋತಿ – ಇತಿಪಿ ಸೋ ಭಗವಾ…ಪೇ॰… ಸತ್ಥಾ ದೇವಮನುಸ್ಸಾನಂ ಬುದ್ಧೋ ಭಗವಾತಿ। ಇದಂ ಪಠಮಂ ದೇವಾನಂ ದೇವಪದಂ ಅವಿಸುದ್ಧಾನಂ ಸತ್ತಾನಂ ವಿಸುದ್ಧಿಯಾ ಅಪರಿಯೋದಾತಾನಂ ಸತ್ತಾನಂ ಪರಿಯೋದಪನಾಯ।
Katamāni cattāri? Idha, bhikkhave, ariyasāvako buddhe aveccappasādena samannāgato hoti – itipi so bhagavā…pe… satthā devamanussānaṃ buddho bhagavāti. Idaṃ paṭhamaṃ devānaṃ devapadaṃ avisuddhānaṃ sattānaṃ visuddhiyā apariyodātānaṃ sattānaṃ pariyodapanāya.
‘‘ಪುನ ಚಪರಂ, ಭಿಕ್ಖವೇ, ಅರಿಯಸಾವಕೋ ಧಮ್ಮೇ…ಪೇ॰… ಸಙ್ಘೇ…ಪೇ॰…।
‘‘Puna caparaṃ, bhikkhave, ariyasāvako dhamme…pe… saṅghe…pe….
‘‘ಪುನ ಚಪರಂ, ಭಿಕ್ಖವೇ, ಅರಿಯಸಾವಕೋ ಅರಿಯಕನ್ತೇಹಿ ಸೀಲೇಹಿ ಸಮನ್ನಾಗತೋ ಹೋತಿ ಅಖಣ್ಡೇಹಿ…ಪೇ॰… ಸಮಾಧಿಸಂವತ್ತನಿಕೇಹಿ। ಇದಂ ಚತುತ್ಥಂ ದೇವಾನಂ ದೇವಪದಂ ಅವಿಸುದ್ಧಾನಂ ಸತ್ತಾನಂ ವಿಸುದ್ಧಿಯಾ ಅಪರಿಯೋದಾತಾನಂ ಸತ್ತಾನಂ ಪರಿಯೋದಪನಾಯ। ಇಮಾನಿ ಖೋ, ಭಿಕ್ಖವೇ, ಚತ್ತಾರಿ ದೇವಾನಂ ದೇವಪದಾನಿ ಅವಿಸುದ್ಧಾನಂ ಸತ್ತಾನಂ ವಿಸುದ್ಧಿಯಾ ಅಪರಿಯೋದಾತಾನಂ ಸತ್ತಾನಂ ಪರಿಯೋದಪನಾಯಾ’’ತಿ। ಚತುತ್ಥಂ।
‘‘Puna caparaṃ, bhikkhave, ariyasāvako ariyakantehi sīlehi samannāgato hoti akhaṇḍehi…pe… samādhisaṃvattanikehi. Idaṃ catutthaṃ devānaṃ devapadaṃ avisuddhānaṃ sattānaṃ visuddhiyā apariyodātānaṃ sattānaṃ pariyodapanāya. Imāni kho, bhikkhave, cattāri devānaṃ devapadāni avisuddhānaṃ sattānaṃ visuddhiyā apariyodātānaṃ sattānaṃ pariyodapanāyā’’ti. Catutthaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೪. ಪಠಮದೇವಪದಸುತ್ತವಣ್ಣನಾ • 4. Paṭhamadevapadasuttavaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೪. ಪಠಮದೇವಪದಸುತ್ತವಣ್ಣನಾ • 4. Paṭhamadevapadasuttavaṇṇanā
