| Library / Tipiṭaka / তিপিটক • Tipiṭaka / ইতিৰুত্তকপাল়ি • Itivuttakapāḷi |
৭. পঠমআসৰসুত্তং
7. Paṭhamaāsavasuttaṃ
৫৬. ৰুত্তঞ্হেতং ভগৰতা, ৰুত্তমরহতাতি মে সুতং –
56. Vuttañhetaṃ bhagavatā, vuttamarahatāti me sutaṃ –
‘‘তযোমে, ভিক্খৰে, আসৰা। কতমে তযো? কামাসৰো, ভৰাসৰো, অৰিজ্জাসৰো – ইমে খো, ভিক্খৰে, তযো আসৰা’’তি। এতমত্থং ভগৰা অৰোচ। তত্থেতং ইতি ৰুচ্চতি –
‘‘Tayome, bhikkhave, āsavā. Katame tayo? Kāmāsavo, bhavāsavo, avijjāsavo – ime kho, bhikkhave, tayo āsavā’’ti. Etamatthaṃ bhagavā avoca. Tatthetaṃ iti vuccati –
‘‘সমাহিতো সম্পজানো, সতো বুদ্ধস্স সাৰকো।
‘‘Samāhito sampajāno, sato buddhassa sāvako;
আসৰে চ পজানাতি, আসৰানঞ্চ সম্ভৰং॥
Āsave ca pajānāti, āsavānañca sambhavaṃ.
‘‘যত্থ চেতা নিরুজ্ঝন্তি, মগ্গঞ্চ খযগামিনং।
‘‘Yattha cetā nirujjhanti, maggañca khayagāminaṃ;
আসৰানং খযা ভিক্খু, নিচ্ছাতো পরিনিব্বুতো’’তি॥
Āsavānaṃ khayā bhikkhu, nicchāto parinibbuto’’ti.
অযম্পি অত্থো ৰুত্তো ভগৰতা, ইতি মে সুতন্তি। সত্তমং।
Ayampi attho vutto bhagavatā, iti me sutanti. Sattamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / ইতিৰুত্তক-অট্ঠকথা • Itivuttaka-aṭṭhakathā / ৭-৮. আসৰসুত্তদ্ৰযৰণ্ণনা • 7-8. Āsavasuttadvayavaṇṇanā
