| Library / Tipiṭaka / তিপিটক • Tipiṭaka / ইতিৰুত্তকপাল়ি • Itivuttakapāḷi |
৮. দুতিযআসৰসুত্তং
8. Dutiyaāsavasuttaṃ
৫৭. ৰুত্তঞ্হেতং ভগৰতা, ৰুত্তমরহতাতি মে সুতং –
57. Vuttañhetaṃ bhagavatā, vuttamarahatāti me sutaṃ –
‘‘তযোমে, ভিক্খৰে, আসৰা। কতমে তযো? কামাসৰো, ভৰাসৰো, অৰিজ্জাসৰো – ইমে খো, ভিক্খৰে, তযো আসৰা’’তি। এতমত্থং ভগৰা অৰোচ। তত্থেতং ইতি ৰুচ্চতি –
‘‘Tayome, bhikkhave, āsavā. Katame tayo? Kāmāsavo, bhavāsavo, avijjāsavo – ime kho, bhikkhave, tayo āsavā’’ti. Etamatthaṃ bhagavā avoca. Tatthetaṃ iti vuccati –
‘‘যস্স কামাসৰো খীণো, অৰিজ্জা চ ৰিরাজিতা।
‘‘Yassa kāmāsavo khīṇo, avijjā ca virājitā;
ভৰাসৰো পরিক্খীণো, ৰিপ্পমুত্তো নিরূপধি।
Bhavāsavo parikkhīṇo, vippamutto nirūpadhi;
ধারেতি অন্তিমং দেহং, জেত্ৰা মারং সৰাহিনি’’ন্তি 1॥
Dhāreti antimaṃ dehaṃ, jetvā māraṃ savāhini’’nti 2.
অযম্পি অত্থো ৰুত্তো ভগৰতা, ইতি মে সুতন্তি। অট্ঠমং।
Ayampi attho vutto bhagavatā, iti me sutanti. Aṭṭhamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / ইতিৰুত্তক-অট্ঠকথা • Itivuttaka-aṭṭhakathā / ৭-৮. আসৰসুত্তদ্ৰযৰণ্ণনা • 7-8. Āsavasuttadvayavaṇṇanā
