| Library / Tipiṭaka / তিপিটক • Tipiṭaka / ইতিৰুত্তকপাল়ি • Itivuttakapāḷi |
৯. তণ্হাসুত্তং
9. Taṇhāsuttaṃ
৫৮. ৰুত্তঞ্হেতং ভগৰতা, ৰুত্তমরহতাতি মে সুতং –
58. Vuttañhetaṃ bhagavatā, vuttamarahatāti me sutaṃ –
‘‘তিস্সো ইমা, ভিক্খৰে, তণ্হা। কতমা তিস্সো? কামতণ্হা, ভৰতণ্হা, ৰিভৰতণ্হা – ইমা খো, ভিক্খৰে, তিস্সো তণ্হা’’তি। এতমত্থং ভগৰা অৰোচ। তত্থেতং ইতি ৰুচ্চতি –
‘‘Tisso imā, bhikkhave, taṇhā. Katamā tisso? Kāmataṇhā, bhavataṇhā, vibhavataṇhā – imā kho, bhikkhave, tisso taṇhā’’ti. Etamatthaṃ bhagavā avoca. Tatthetaṃ iti vuccati –
‘‘তণ্হাযোগেন সংযুত্তা, রত্তচিত্তা ভৰাভৰে।
‘‘Taṇhāyogena saṃyuttā, rattacittā bhavābhave;
তে যোগযুত্তা মারস্স, অযোগক্খেমিনো জনা।
Te yogayuttā mārassa, ayogakkhemino janā;
সত্তা গচ্ছন্তি সংসারং, জাতীমরণগামিনো॥
Sattā gacchanti saṃsāraṃ, jātīmaraṇagāmino.
অযম্পি অত্থো ৰুত্তো ভগৰতা, ইতি মে সুতন্তি। নৰমং।
Ayampi attho vutto bhagavatā, iti me sutanti. Navamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / ইতিৰুত্তক-অট্ঠকথা • Itivuttaka-aṭṭhakathā / ৯. তণ্হাসুত্তৰণ্ণনা • 9. Taṇhāsuttavaṇṇanā
