| Library / Tipiṭaka / តិបិដក • Tipiṭaka / បេតវត្ថុបាឡិ • Petavatthupāḷi |
១១. បាដលិបុត្តបេតវត្ថុ
11. Pāṭaliputtapetavatthu
៧៩៣.
793.
‘‘ទិដ្ឋា តយា និរយា តិរច្ឆានយោនិ,
‘‘Diṭṭhā tayā nirayā tiracchānayoni,
បេតា អសុរា អថវាបិ មានុសា ទេវា; សយមទ្ទស កម្មវិបាកមត្តនោ,
Petā asurā athavāpi mānusā devā; Sayamaddasa kammavipākamattano,
នេស្សាមិ តំ បាដលិបុត្តមក្ខតំ; តត្ថ គន្ត្វា កុសលំ ករោហិ កម្មំ’’។
Nessāmi taṃ pāṭaliputtamakkhataṃ; Tattha gantvā kusalaṃ karohi kammaṃ’’.
៧៩៤.
794.
‘‘អត្ថកាមោសិ មេ យក្ខ, ហិតកាមោសិ ទេវតេ;
‘‘Atthakāmosi me yakkha, hitakāmosi devate;
ករោមិ តុយ្ហំ វចនំ, ត្វំសិ អាចរិយោ មម។
Karomi tuyhaṃ vacanaṃ, tvaṃsi ācariyo mama.
៧៩៥.
795.
‘‘ទិដ្ឋា មយា និរយា តិរច្ឆានយោនិ, បេតា អសុរា អថវាបិ មានុសា ទេវា;
‘‘Diṭṭhā mayā nirayā tiracchānayoni, petā asurā athavāpi mānusā devā;
សយមទ្ទសំ កម្មវិបាកមត្តនោ, កាហាមិ បុញ្ញានិ អនប្បកានី’’តិ។
Sayamaddasaṃ kammavipākamattano, kāhāmi puññāni anappakānī’’ti.
បាដលិបុត្តបេតវត្ថុ ឯកាទសមំ។
Pāṭaliputtapetavatthu ekādasamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / បេតវត្ថុ-អដ្ឋកថា • Petavatthu-aṭṭhakathā / ១១. បាដលិបុត្តបេតវត្ថុវណ្ណនា • 11. Pāṭaliputtapetavatthuvaṇṇanā
