| Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā |
ပာဋလိဂာမဝတ္ထုကထာဝဏ္ဏနာ
Pāṭaligāmavatthukathāvaṇṇanā
၂၈၆. ပာဋလိဂာမေ နဂရံ မာပေန္တီတိ ပာဋလိဂာမသ္သ သမီပေ တသ္သေဝ ဂာမခေတ္တဘူတေ မဟန္တေ အရညပ္ပဒေသေ ပာဋလိပုတ္တံ နာမ နဂရံ မာပေန္တိ။ ယာဝတာ အရိယံ အာယတနန္တိ ယတ္တကံ အရိယမနုသ္သာနံ ဩသရဏဋ္ဌာနံ။ ယာဝတာ ဝဏိပ္ပထောတိ ယတ္တကံ ဝာဏိဇာနံ ဘဏ္ဍဝိက္ကီဏနဋ္ဌာနံ, ဝသနဋ္ဌာနံ ဝာ, ဣဒံ တေသံ သဗ္ဗေသံ အဂ္ဂနဂရံ ဘဝိသ္သတီတိ အတ္ထော။ ပုဋဘေဒနန္တိ သကဋာဒီဟိ နာနာဒေသတော အာဟဋာနံ ဘဏ္ဍပုဋာနံ ဝိက္ကီဏနတ္ထာယ မောစနဋ္ဌာနံ။ သရန္တိ တဠာကာဒီသုပိ ဝတ္တတိ , တန္နိဝတ္တနတ္ထံ ‘‘သရန္တိ ဣဓ နဒီ အဓိပ္ပေတာ’’တိ ဝုတ္တံ သရတိ သန္ဒတီတိ ကတ္ဝာ။ ဝိနာ ဧဝ ကုလ္လေန တိဏ္ဏာတိ ဣဒံ အပ္ပမတ္တကဥဒကမ္ပိ အဖုသိတ္ဝာ ဝိနာ ကုလ္လေန ပာရပ္ပတ္တာ။
286.Pāṭaligāme nagaraṃ māpentīti pāṭaligāmassa samīpe tasseva gāmakhettabhūte mahante araññappadese pāṭaliputtaṃ nāma nagaraṃ māpenti. Yāvatā ariyaṃ āyatananti yattakaṃ ariyamanussānaṃ osaraṇaṭṭhānaṃ. Yāvatā vaṇippathoti yattakaṃ vāṇijānaṃ bhaṇḍavikkīṇanaṭṭhānaṃ, vasanaṭṭhānaṃ vā, idaṃ tesaṃ sabbesaṃ agganagaraṃ bhavissatīti attho. Puṭabhedananti sakaṭādīhi nānādesato āhaṭānaṃ bhaṇḍapuṭānaṃ vikkīṇanatthāya mocanaṭṭhānaṃ. Saranti taḷākādīsupi vattati , tannivattanatthaṃ ‘‘saranti idha nadī adhippetā’’ti vuttaṃ sarati sandatīti katvā. Vinā eva kullena tiṇṇāti idaṃ appamattakaudakampi aphusitvā vinā kullena pārappattā.
ပာဋလိဂာမဝတ္ထုကထာဝဏ္ဏနာ နိဋ္ဌိတာ။
Pāṭaligāmavatthukathāvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၁၇၄. သုနိဓဝသ္သကာရဝတ္ထု • 174. Sunidhavassakāravatthu
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / ပာဋလိဂာမဝတ္ထုကထာ • Pāṭaligāmavatthukathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / သုနိဓဝသ္သကာရဝတ္ထုကထာဝဏ္ဏနာ • Sunidhavassakāravatthukathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၁၇၃. ပာဋလိဂာမဝတ္ထုကထာ • 173. Pāṭaligāmavatthukathā
