| Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā |
ကောဋိဂာမေသစ္စကထာဝဏ္ဏနာ
Koṭigāmesaccakathāvaṇṇanā
၂၈၇. ပာဠိယံ သန္ဓာဝိတန္တိ ဘဝတော ဘဝံ ပဋိသန္ဓိဂ္ဂဟဏဝသေန သန္ဓာဝနံ ကတံ။ သံသရိတန္တိ တသ္သေဝ ဝေဝစနံ။ မမဉ္စေဝ တုမ္ဟာကဉ္စာတိ မယာ စ တုမ္ဟေဟိ စ, သာမိဝသေနေဝ ဝာ မမ စ တုမ္ဟာကဉ္စ သန္ဓာဝနံ အဟောသီတိ အတ္ထော ဂဟေတဗ္ဗော။ သံသရိတန္တိ သံသရိ။ ဘဝတဏ္ဟာ ဧဝ ဘဝတော ဘဝံ နေတီတိ ဘဝနေတ္တီတိ ဝုတ္တာ။
287. Pāḷiyaṃ sandhāvitanti bhavato bhavaṃ paṭisandhiggahaṇavasena sandhāvanaṃ kataṃ. Saṃsaritanti tasseva vevacanaṃ. Mamañceva tumhākañcāti mayā ca tumhehi ca, sāmivaseneva vā mama ca tumhākañca sandhāvanaṃ ahosīti attho gahetabbo. Saṃsaritanti saṃsari. Bhavataṇhā eva bhavato bhavaṃ netīti bhavanettīti vuttā.
၂၈၉. ‘‘နီလာ ဟောန္တီ’’တိ ဝုတ္တမေဝတ္ထံ ဝိဝရိတုံ ‘‘နီလဝဏ္ဏာ’’တိအာဒိ ဝုတ္တံ။ နီလဝဏ္ဏာတိ နီလဝိလေပနာ။ ဧသ နယော သဗ္ဗတ္ထ။ ပဋိဝဋ္ဋေသီတိ ပဟရိ။ အမ္ဗကာယာတိ အမ္ဗာယ။ ဥပစာရဝစနဉ္ဟေတံ, မာတုဂာမေနာတိ အတ္ထော။ ဥပသံဟရထာတိ ဥပနေထ, ‘‘ဤဒိသာ တာဝတိံသာ’’တိ ပရိကပ္ပေထာတိ အတ္ထော။ ဣဒဉ္စ ဘိက္ခူနံ သံဝေဂဇနနတ္ထံ ဝုတ္တံ, န နိမိတ္တဂ္ဂာဟတ္ထံ။ လိစ္ဆဝိရာဇာနော ဟိ သဗ္ဗေ န စိရသ္သေဝ အဇာတသတ္တုနာ ဝိနာသံ ပာပုဏိသ္သန္တိ။
289. ‘‘Nīlā hontī’’ti vuttamevatthaṃ vivarituṃ ‘‘nīlavaṇṇā’’tiādi vuttaṃ. Nīlavaṇṇāti nīlavilepanā. Esa nayo sabbattha. Paṭivaṭṭesīti pahari. Ambakāyāti ambāya. Upacāravacanañhetaṃ, mātugāmenāti attho. Upasaṃharathāti upanetha, ‘‘īdisā tāvatiṃsā’’ti parikappethāti attho. Idañca bhikkhūnaṃ saṃvegajananatthaṃ vuttaṃ, na nimittaggāhatthaṃ. Licchavirājāno hi sabbe na cirasseva ajātasattunā vināsaṃ pāpuṇissanti.
ကောဋိဂာမေသစ္စကထာဝဏ္ဏနာ နိဋ္ဌိတာ။
Koṭigāmesaccakathāvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi
၁၇၅. ကောဋိဂာမေ သစ္စကထာ • 175. Koṭigāme saccakathā
၁၇၇. လိစ္ဆဝီဝတ္ထု • 177. Licchavīvatthu
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / ပာဋလိဂာမဝတ္ထုကထာ • Pāṭaligāmavatthukathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā
ကောဋိဂာမေ သစ္စကထာဝဏ္ဏနာ • Koṭigāme saccakathāvaṇṇanā
လိစ္ဆဝီဝတ္ထုကထာဝဏ္ဏနာ • Licchavīvatthukathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၁၇၃. ပာဋလိဂာမဝတ္ထုကထာ • 173. Pāṭaligāmavatthukathā
