| Library / Tipiṭaka / តិបិដក • Tipiṭaka / ថេរីគាថាបាឡិ • Therīgāthāpāḷi |
១០. បដាចារាថេរីគាថា
10. Paṭācārātherīgāthā
១១២.
112.
‘‘នង្គលេហិ កសំ ខេត្តំ, ពីជានិ បវបំ ឆមា;
‘‘Naṅgalehi kasaṃ khettaṃ, bījāni pavapaṃ chamā;
បុត្តទារានិ បោសេន្តា, ធនំ វិន្ទន្តិ មាណវា។
Puttadārāni posentā, dhanaṃ vindanti māṇavā.
១១៣.
113.
‘‘កិមហំ សីលសម្បន្នា, សត្ថុសាសនការិកា;
‘‘Kimahaṃ sīlasampannā, satthusāsanakārikā;
និព្ពានំ នាធិគច្ឆាមិ, អកុសីតា អនុទ្ធតា។
Nibbānaṃ nādhigacchāmi, akusītā anuddhatā.
១១៤.
114.
‘‘បាទេ បក្ខាលយិត្វាន, ឧទកេសុ ករោមហំ;
‘‘Pāde pakkhālayitvāna, udakesu karomahaṃ;
បាទោទកញ្ច ទិស្វាន, ថលតោ និន្នមាគតំ។
Pādodakañca disvāna, thalato ninnamāgataṃ.
១១៥.
115.
‘‘តតោ ចិត្តំ សមាធេសិំ, អស្សំ ភទ្រំវជានិយំ;
‘‘Tato cittaṃ samādhesiṃ, assaṃ bhadraṃvajāniyaṃ;
តតោ ទីបំ គហេត្វាន, វិហារំ បាវិសិំ អហំ;
Tato dīpaṃ gahetvāna, vihāraṃ pāvisiṃ ahaṃ;
សេយ្យំ ឱលោកយិត្វាន, មញ្ចកម្ហិ ឧបាវិសិំ។
Seyyaṃ olokayitvāna, mañcakamhi upāvisiṃ.
១១៦.
116.
‘‘តតោ សូចិំ គហេត្វាន, វដ្ដិំ ឱកស្សយាមហំ;
‘‘Tato sūciṃ gahetvāna, vaṭṭiṃ okassayāmahaṃ;
បទីបស្សេវ និព្ពានំ, វិមោក្ខោ អហុ ចេតសោ’’តិ។
Padīpasseva nibbānaṃ, vimokkho ahu cetaso’’ti.
… បដាចារា ថេរី…។
… Paṭācārā therī….
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ថេរីគាថា-អដ្ឋកថា • Therīgāthā-aṭṭhakathā / ១០. បដាចារាថេរីគាថាវណ្ណនា • 10. Paṭācārātherīgāthāvaṇṇanā
