| Library / Tipiṭaka / ติปิฎก • Tipiṭaka / เถรีคาถาปาฬิ • Therīgāthāpāḷi |
๑๐. ปฎาจาราเถรีคาถา
10. Paṭācārātherīgāthā
๑๑๒.
112.
‘‘นงฺคเลหิ กสํ เขตฺตํ, พีชานิ ปวปํ ฉมา;
‘‘Naṅgalehi kasaṃ khettaṃ, bījāni pavapaṃ chamā;
ปุตฺตทารานิ โปเสนฺตา, ธนํ วินฺทนฺติ มาณวาฯ
Puttadārāni posentā, dhanaṃ vindanti māṇavā.
๑๑๓.
113.
‘‘กิมหํ สีลสมฺปนฺนา, สตฺถุสาสนการิกา;
‘‘Kimahaṃ sīlasampannā, satthusāsanakārikā;
นิพฺพานํ นาธิคจฺฉามิ, อกุสีตา อนุทฺธตาฯ
Nibbānaṃ nādhigacchāmi, akusītā anuddhatā.
๑๑๔.
114.
‘‘ปาเท ปกฺขาลยิตฺวาน, อุทเกสุ กโรมหํ;
‘‘Pāde pakkhālayitvāna, udakesu karomahaṃ;
ปาโททกญฺจ ทิสฺวาน, ถลโต นินฺนมาคตํฯ
Pādodakañca disvāna, thalato ninnamāgataṃ.
๑๑๕.
115.
‘‘ตโต จิตฺตํ สมาเธสิํ, อสฺสํ ภทฺรํวชานิยํ;
‘‘Tato cittaṃ samādhesiṃ, assaṃ bhadraṃvajāniyaṃ;
ตโต ทีปํ คเหตฺวาน, วิหารํ ปาวิสิํ อหํ;
Tato dīpaṃ gahetvāna, vihāraṃ pāvisiṃ ahaṃ;
เสยฺยํ โอโลกยิตฺวาน, มญฺจกมฺหิ อุปาวิสิํฯ
Seyyaṃ olokayitvāna, mañcakamhi upāvisiṃ.
๑๑๖.
116.
‘‘ตโต สูจิํ คเหตฺวาน, วฎฺฎิํ โอกสฺสยามหํ;
‘‘Tato sūciṃ gahetvāna, vaṭṭiṃ okassayāmahaṃ;
ปทีปเสฺสว นิพฺพานํ, วิโมโกฺข อหุ เจตโส’’ติฯ
Padīpasseva nibbānaṃ, vimokkho ahu cetaso’’ti.
… ปฎาจารา เถรี…ฯ
… Paṭācārā therī….
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / เถรีคาถา-อฎฺฐกถา • Therīgāthā-aṭṭhakathā / ๑๐. ปฎาจาราเถรีคาถาวณฺณนา • 10. Paṭācārātherīgāthāvaṇṇanā
