| Library / Tipiṭaka / តិបិដក • Tipiṭaka / បដិសម្ភិទាមគ្គបាឡិ • Paṭisambhidāmaggapāḷi |
៤២. បរិយោគាហណញាណនិទ្ទេសោ
42. Pariyogāhaṇañāṇaniddeso
៩៣. កថំ ផុដ្ឋត្តា បញ្ញា បរិយោគាហណេ ញាណំ? រូបំ អនិច្ចតោ ផុសតិ, រូបំ ទុក្ខតោ ផុសតិ, រូបំ អនត្តតោ ផុសតិ។ យំ យំ ផុសតិ តំ តំ បរិយោគាហតីតិ – ផុដ្ឋត្តា បញ្ញា បរិយោគាហណេ ញាណំ។ វេទនំ…បេ.… សញ្ញំ… សង្ខារេ… វិញ្ញាណំ… ចក្ខុំ…បេ.… ជរាមរណំ អនិច្ចតោ ផុសតិ, ទុក្ខតោ ផុសតិ, អនត្តតោ ផុសតិ។ យំ យំ ផុសតិ តំ តំ បរិយោគាហតីតិ – ផុដ្ឋត្តា បញ្ញា បរិយោគាហណេ ញាណំ។ តំ ញាតដ្ឋេន ញាណំ, បជាននដ្ឋេន បញ្ញា។ តេន វុច្ចតិ – ‘‘ផុដ្ឋត្តា បញ្ញា បរិយោគាហណេ ញាណំ’’។
93. Kathaṃ phuṭṭhattā paññā pariyogāhaṇe ñāṇaṃ? Rūpaṃ aniccato phusati, rūpaṃ dukkhato phusati, rūpaṃ anattato phusati. Yaṃ yaṃ phusati taṃ taṃ pariyogāhatīti – phuṭṭhattā paññā pariyogāhaṇe ñāṇaṃ. Vedanaṃ…pe… saññaṃ… saṅkhāre… viññāṇaṃ… cakkhuṃ…pe… jarāmaraṇaṃ aniccato phusati, dukkhato phusati, anattato phusati. Yaṃ yaṃ phusati taṃ taṃ pariyogāhatīti – phuṭṭhattā paññā pariyogāhaṇe ñāṇaṃ. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘phuṭṭhattā paññā pariyogāhaṇe ñāṇaṃ’’.
បរិយោគាហណញាណនិទ្ទេសោ ទ្វេចត្តាលីសមោ។
Pariyogāhaṇañāṇaniddeso dvecattālīsamo.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / បដិសម្ភិទាមគ្គ-អដ្ឋកថា • Paṭisambhidāmagga-aṭṭhakathā / ៤១-៤២. ខន្តិញាណបរិយោគាហណញាណនិទ្ទេសវណ្ណនា • 41-42. Khantiñāṇapariyogāhaṇañāṇaniddesavaṇṇanā
