| Library / Tipiṭaka / তিপিটক • Tipiṭaka / পটিসম্ভিদামগ্গপাল়ি • Paṭisambhidāmaggapāḷi |
৪২. পরিযোগাহণঞাণনিদ্দেসো
42. Pariyogāhaṇañāṇaniddeso
৯৩. কথং ফুট্ঠত্তা পঞ্ঞা পরিযোগাহণে ঞাণং? রূপং অনিচ্চতো ফুসতি, রূপং দুক্খতো ফুসতি, রূপং অনত্ততো ফুসতি। যং যং ফুসতি তং তং পরিযোগাহতীতি – ফুট্ঠত্তা পঞ্ঞা পরিযোগাহণে ঞাণং। ৰেদনং…পে॰… সঞ্ঞং… সঙ্খারে… ৰিঞ্ঞাণং… চক্খুং…পে॰… জরামরণং অনিচ্চতো ফুসতি, দুক্খতো ফুসতি, অনত্ততো ফুসতি। যং যং ফুসতি তং তং পরিযোগাহতীতি – ফুট্ঠত্তা পঞ্ঞা পরিযোগাহণে ঞাণং। তং ঞাতট্ঠেন ঞাণং, পজাননট্ঠেন পঞ্ঞা। তেন ৰুচ্চতি – ‘‘ফুট্ঠত্তা পঞ্ঞা পরিযোগাহণে ঞাণং’’।
93. Kathaṃ phuṭṭhattā paññā pariyogāhaṇe ñāṇaṃ? Rūpaṃ aniccato phusati, rūpaṃ dukkhato phusati, rūpaṃ anattato phusati. Yaṃ yaṃ phusati taṃ taṃ pariyogāhatīti – phuṭṭhattā paññā pariyogāhaṇe ñāṇaṃ. Vedanaṃ…pe… saññaṃ… saṅkhāre… viññāṇaṃ… cakkhuṃ…pe… jarāmaraṇaṃ aniccato phusati, dukkhato phusati, anattato phusati. Yaṃ yaṃ phusati taṃ taṃ pariyogāhatīti – phuṭṭhattā paññā pariyogāhaṇe ñāṇaṃ. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘phuṭṭhattā paññā pariyogāhaṇe ñāṇaṃ’’.
পরিযোগাহণঞাণনিদ্দেসো দ্ৰেচত্তালীসমো।
Pariyogāhaṇañāṇaniddeso dvecattālīsamo.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / পটিসম্ভিদামগ্গ-অট্ঠকথা • Paṭisambhidāmagga-aṭṭhakathā / ৪১-৪২. খন্তিঞাণপরিযোগাহণঞাণনিদ্দেসৰণ্ণনা • 41-42. Khantiñāṇapariyogāhaṇañāṇaniddesavaṇṇanā
