| Library / Tipiṭaka / তিপিটক • Tipiṭaka / পটিসম্ভিদামগ্গ-অট্ঠকথা • Paṭisambhidāmagga-aṭṭhakathā |
৪১-৪২. খন্তিঞাণপরিযোগাহণঞাণনিদ্দেসৰণ্ণনা
41-42. Khantiñāṇapariyogāhaṇañāṇaniddesavaṇṇanā
৯২-৯৩. খন্তিঞাণপরিযোগাহণঞাণনিদ্দেসেসু রূপং অনিচ্চতো ৰিদিতন্তি অনিচ্চানুপস্সনায অনিচ্চন্তি ঞাতং। রূপং দুক্খতো ৰিদিতন্তি দুক্খানুপস্সনায দুক্খন্তি ঞাতং। রূপং অনত্ততো ৰিদিতন্তি অনত্তানুপস্সনায অনত্তাতি ঞাতং। যং যং ৰিদিতং, তং তং খমতীতি যং যং রূপং অনিচ্চাদিতো ৰিদিতং, তং তং রূপং অনিচ্চাদিতো খমতি রুচ্চতি। ‘‘রূপং অনিচ্চতো ৰিদিতং, যং যং ৰিদিতং, তং তং খমতী’’তি ৰিসুং ৰিসুঞ্চ কত্ৰা কেসুচি পোত্থকেসু লিখিতং। ‘‘ৰেদনা সঞ্ঞা সঙ্খারা অনিচ্চতো ৰিদিতা’’তিআদিনা লিঙ্গৰচনানি পরিৰত্তেত্ৰা যোজেতব্বানি। ফুসতীতি ৰিপস্সনাঞাণফুসনেন ফুসতি ফরতি। পরিযোগহতীতি ৰিপস্সনাঞাণেন পৰিসতি। পরিযোগাহতীতিপি পাঠো।
92-93. Khantiñāṇapariyogāhaṇañāṇaniddesesu rūpaṃ aniccato viditanti aniccānupassanāya aniccanti ñātaṃ. Rūpaṃ dukkhato viditanti dukkhānupassanāya dukkhanti ñātaṃ. Rūpaṃ anattato viditanti anattānupassanāya anattāti ñātaṃ. Yaṃ yaṃ viditaṃ, taṃ taṃ khamatīti yaṃ yaṃ rūpaṃ aniccādito viditaṃ, taṃ taṃ rūpaṃ aniccādito khamati ruccati. ‘‘Rūpaṃ aniccato viditaṃ, yaṃ yaṃ viditaṃ, taṃ taṃ khamatī’’ti visuṃ visuñca katvā kesuci potthakesu likhitaṃ. ‘‘Vedanā saññā saṅkhārā aniccato viditā’’tiādinā liṅgavacanāni parivattetvā yojetabbāni. Phusatīti vipassanāñāṇaphusanena phusati pharati. Pariyogahatīti vipassanāñāṇena pavisati. Pariyogāhatītipi pāṭho.
খন্তিঞাণপরিযোগাহণঞাণনিদ্দেসৰণ্ণনা নিট্ঠিতা।
Khantiñāṇapariyogāhaṇañāṇaniddesavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / খুদ্দকনিকায • Khuddakanikāya / পটিসম্ভিদামগ্গপাল়ি • Paṭisambhidāmaggapāḷi
৪১. খন্তিঞাণনিদ্দেসো • 41. Khantiñāṇaniddeso
৪২. পরিযোগাহণঞাণনিদ্দেসো • 42. Pariyogāhaṇañāṇaniddeso
