| Library / Tipiṭaka / તિપિટક • Tipiṭaka / પઞ્ચપકરણ-અટ્ઠકથા • Pañcapakaraṇa-aṭṭhakathā |
૭. પરિયાપન્નકથાવણ્ણના
7. Pariyāpannakathāvaṇṇanā
૭૦૩-૭૦૫. ઇદાનિ પરિયાપન્નકથા નામ હોતિ. તત્થ યસ્મા કામરાગો કામધાતું અનુસેતિ, કામધાતુપરિયાપન્નોતિ ચ વુચ્ચતિ, તસ્મા રૂપરાગારૂપરાગાપિ રૂપધાતુઅરૂપધાતુયો અનુસેન્તિ. રૂપધાતુઅરૂપધાતુપરિયાપન્નાયેવ ચ નામ હોન્તીતિ યેસં લદ્ધિ, સેય્યથાપિ અન્ધકાનઞ્ચેવ સમ્મિતિયાનઞ્ચ; તે સન્ધાય રૂપરાગોતિ પુચ્છા સકવાદિસ્સ, પટિઞ્ઞા ઇતરસ્સ . તત્થ અનુસેતીતિ યથા કામરાગો કામવિતક્કસઙ્ખાતં કામધાતું સહજાતવસેન અનુસેતિ, કિં તે એવં રૂપરાગો રૂપધાતુન્તિ પુચ્છતિ. પરિયાપન્નોતિ યથા ચ સો તિવિધાય કામધાતુયા કિલેસકામવસેન પરિયાપન્નત્તા કામધાતુપરિયાપન્નો, કિં તે એવં રૂપરાગોપિ રૂપધાતુપરિયાપન્નોતિ પુચ્છતિ. ઇતરો પનસ્સ અધિપ્પાયં અસલ્લક્ખેન્તો કેવલં લદ્ધિવસેન આમન્તાતિ પટિજાનાતિ. અથ નં તમત્થં સલ્લક્ખાપેતું કુસલવિપાકકિરિયસઙ્ખાતેહિ સમાપત્તેસિયાદીહિ સંસન્દિત્વા પુચ્છિતું સમાપત્તેસિયોતિઆદિમાહ. સેસમેત્થ યથાપાળિમેવ નિય્યાતિ. નનુ કામરાગોતિઆદિવચનમ્પિ કામરાગસ્સેવ કામધાતુયં અનુસયભાવં પરિયાપન્નતઞ્ચ દીપેતિ, ન ઇતરેસં ઇતરધાતૂસૂતિ.
703-705. Idāni pariyāpannakathā nāma hoti. Tattha yasmā kāmarāgo kāmadhātuṃ anuseti, kāmadhātupariyāpannoti ca vuccati, tasmā rūparāgārūparāgāpi rūpadhātuarūpadhātuyo anusenti. Rūpadhātuarūpadhātupariyāpannāyeva ca nāma hontīti yesaṃ laddhi, seyyathāpi andhakānañceva sammitiyānañca; te sandhāya rūparāgoti pucchā sakavādissa, paṭiññā itarassa . Tattha anusetīti yathā kāmarāgo kāmavitakkasaṅkhātaṃ kāmadhātuṃ sahajātavasena anuseti, kiṃ te evaṃ rūparāgo rūpadhātunti pucchati. Pariyāpannoti yathā ca so tividhāya kāmadhātuyā kilesakāmavasena pariyāpannattā kāmadhātupariyāpanno, kiṃ te evaṃ rūparāgopi rūpadhātupariyāpannoti pucchati. Itaro panassa adhippāyaṃ asallakkhento kevalaṃ laddhivasena āmantāti paṭijānāti. Atha naṃ tamatthaṃ sallakkhāpetuṃ kusalavipākakiriyasaṅkhātehi samāpattesiyādīhi saṃsanditvā pucchituṃ samāpattesiyotiādimāha. Sesamettha yathāpāḷimeva niyyāti. Nanu kāmarāgotiādivacanampi kāmarāgasseva kāmadhātuyaṃ anusayabhāvaṃ pariyāpannatañca dīpeti, na itaresaṃ itaradhātūsūti.
પરિયાપન્નકથાવણ્ણના.
Pariyāpannakathāvaṇṇanā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / કથાવત્થુપાળિ • Kathāvatthupāḷi / (૧૪૨) ૭. પરિયાપન્નકથા • (142) 7. Pariyāpannakathā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૭. પરિયાપન્નકથાવણ્ણના • 7. Pariyāpannakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૭. પરિયાપન્નકથાવણ્ણના • 7. Pariyāpannakathāvaṇṇanā
