| Library / Tipiṭaka / તિપિટક • Tipiṭaka / પઞ્ચપકરણ-અટ્ઠકથા • Pañcapakaraṇa-aṭṭhakathā |
૮. અબ્યાકતકથાવણ્ણના
8. Abyākatakathāvaṇṇanā
૭૦૬-૭૦૮. ઇદાનિ અબ્યાકતકથા નામ હોતિ. તત્થ વિપાકકિરિયરૂપનિબ્બાનસઙ્ખાતં ચતુબ્બિધં અબ્યાકતં અવિપાકત્તા અબ્યાકતન્તિ વુત્તં. દિટ્ઠિગતં ‘‘સસ્સતો લોકોતિ ખો, વચ્છ, અબ્યાકતમેત’’ન્તિ (સં॰ નિ॰ ૪.૪૧૬ થોકં વિસદિસં) સસ્સતાદિભાવેન અકથિતત્તા. યેસં પન ઇમં વિભાગં અગ્ગહેત્વા પુરિમાબ્યાકતં વિય દિટ્ઠિગતમ્પિ અબ્યાકતન્તિ લદ્ધિ, સેય્યથાપિ અન્ધકાનઞ્ચેવ ઉત્તરાપથકાનઞ્ચ; તેસં તં વિભાગં દસ્સેતું દિટ્ઠિગતં અબ્યાકતન્તિ પુચ્છા સકવાદિસ્સ, પટિઞ્ઞા ઇતરસ્સ. સેસમેત્થ યથાપાળિમેવ નિય્યાતીતિ.
706-708. Idāni abyākatakathā nāma hoti. Tattha vipākakiriyarūpanibbānasaṅkhātaṃ catubbidhaṃ abyākataṃ avipākattā abyākatanti vuttaṃ. Diṭṭhigataṃ ‘‘sassato lokoti kho, vaccha, abyākatameta’’nti (saṃ. ni. 4.416 thokaṃ visadisaṃ) sassatādibhāvena akathitattā. Yesaṃ pana imaṃ vibhāgaṃ aggahetvā purimābyākataṃ viya diṭṭhigatampi abyākatanti laddhi, seyyathāpi andhakānañceva uttarāpathakānañca; tesaṃ taṃ vibhāgaṃ dassetuṃ diṭṭhigataṃ abyākatanti pucchā sakavādissa, paṭiññā itarassa. Sesamettha yathāpāḷimeva niyyātīti.
અબ્યાકતકથાવણ્ણના.
Abyākatakathāvaṇṇanā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / કથાવત્થુપાળિ • Kathāvatthupāḷi / (૧૪૩) ૮. અબ્યાકતકથા • (143) 8. Abyākatakathā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૮. અબ્યાકતકથાવણ્ણના • 8. Abyākatakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૮. અબ્યાકતકથાવણ્ણના • 8. Abyākatakathāvaṇṇanā
