| Library / Tipiṭaka / திபிடக • Tipiṭaka / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā |
35. பரினிப்³பா³னஞாணனித்³தே³ஸவண்ணனா
35. Parinibbānañāṇaniddesavaṇṇanā
86. பரினிப்³பா³னஞாணனித்³தே³ஸே இதா⁴தி இமஸ்மிங் ஸாஸனே. ஸம்பஜானோதி ஸாத்த²கஸம்பஜஞ்ஞங், ஸப்பாயஸம்பஜஞ்ஞங், கோ³சரஸம்பஜஞ்ஞங், அஸம்மோஹஸம்பஜஞ்ஞந்தி இமேஹி சதூஹி ஸம்பஜஞ்ஞேஹி ஸம்பஜானோ. பவத்தந்தி ஸப்³ப³த்த² யதா²னுரூபங் பரியுட்டா²னபவத்தஞ்ச அனுஸயப்பவத்தஞ்ச. பரியாதி³யதீதி உபசாரப்பனாவஸேன வுத்தேஸு விக்க²ம்ப⁴னவஸேன, விபஸ்ஸனாவஸேன வுத்தேஸு தத³ங்க³வஸேன, மக்³க³வஸேன வுத்தேஸு ஸமுச்சே²த³வஸேன கே²பேதி அப்பவத்தங் கரோதி. பெய்யாலமுகே²ன ஹி து³தியாதி³ஜா²னஸமாபத்திமஹாவிபஸ்ஸனாமக்³கா³ ஸங்கி²த்தா. யஸ்மா ஏதங் பச்சவெக்க²ந்தஸ்ஸ பவத்தங் ஞாணங் பரினிப்³பா³னே ஞாணங் நாம ஹோதி, தஸ்மா விக்க²ம்ப⁴னபரினிப்³பா³னங் தத³ங்க³பரினிப்³பா³னங் ஸமுச்சே²த³பரினிப்³பா³னந்திபி வுத்தமேவ ஹோதி. ஏதேஹி கிலேஸபரினிப்³பா³னபச்சவெக்க²ணஞாணங் வுத்தங். அத² வா பனாதிஆதீ³ஹி க²ந்த⁴பரினிப்³பா³னபச்சவெக்க²ணஞாணங் நித்³தி³ஸதி. அனுபாதி³ஸேஸாய நிப்³பா³னதா⁴துயாதி து³விதா⁴ ஹி நிப்³பா³னதா⁴து ஸஉபாதி³ஸேஸா ச அனுபாதி³ஸேஸா ச. தத்த² உபாதீ³யதே ‘‘அஹங் மமா’’தி பு⁴ஸங் க³ண்ஹீயதீதி உபாதி³, க²ந்த⁴பஞ்சகஸ்ஸேதங் அதி⁴வசனங். உபாதி³யேவ ஸேஸோ அவஸிட்டோ²தி உபாதி³ஸேஸோ, ஸஹ உபாதி³ஸேஸேன வத்ததீதி ஸஉபாதி³ஸேஸா. நத்தெ²த்த² உபாதி³ஸேஸோதி அனுபாதி³ஸேஸா. ஸஉபாதி³ஸேஸா பட²மங் வுத்தா. அயங் பன அனுபாதி³ஸேஸா. தாய அனுபாதி³ஸேஸாய நிப்³பா³னதா⁴துயா. சக்கு²பவத்தந்தி சக்கு²பவத்தி சக்கு²ஸமுதா³சாரோ. பரியாதி³யதீதி கே²பீயதி மத்³தீ³யதீதி. ஏஸ நயோ ஸேஸேஸு.
86. Parinibbānañāṇaniddese idhāti imasmiṃ sāsane. Sampajānoti sātthakasampajaññaṃ, sappāyasampajaññaṃ, gocarasampajaññaṃ, asammohasampajaññanti imehi catūhi sampajaññehi sampajāno. Pavattanti sabbattha yathānurūpaṃ pariyuṭṭhānapavattañca anusayappavattañca. Pariyādiyatīti upacārappanāvasena vuttesu vikkhambhanavasena, vipassanāvasena vuttesu tadaṅgavasena, maggavasena vuttesu samucchedavasena khepeti appavattaṃ karoti. Peyyālamukhena hi dutiyādijhānasamāpattimahāvipassanāmaggā saṃkhittā. Yasmā etaṃ paccavekkhantassa pavattaṃ ñāṇaṃ parinibbāne ñāṇaṃ nāma hoti, tasmā vikkhambhanaparinibbānaṃ tadaṅgaparinibbānaṃ samucchedaparinibbānantipi vuttameva hoti. Etehi kilesaparinibbānapaccavekkhaṇañāṇaṃ vuttaṃ. Atha vā panātiādīhi khandhaparinibbānapaccavekkhaṇañāṇaṃ niddisati. Anupādisesāya nibbānadhātuyāti duvidhā hi nibbānadhātu saupādisesā ca anupādisesā ca. Tattha upādīyate ‘‘ahaṃ mamā’’ti bhusaṃ gaṇhīyatīti upādi, khandhapañcakassetaṃ adhivacanaṃ. Upādiyeva seso avasiṭṭhoti upādiseso, saha upādisesena vattatīti saupādisesā. Natthettha upādisesoti anupādisesā. Saupādisesā paṭhamaṃ vuttā. Ayaṃ pana anupādisesā. Tāya anupādisesāya nibbānadhātuyā. Cakkhupavattanti cakkhupavatti cakkhusamudācāro. Pariyādiyatīti khepīyati maddīyatīti. Esa nayo sesesu.
பரினிப்³பா³னஞாணனித்³தே³ஸவண்ணனா நிட்டி²தா.
Parinibbānañāṇaniddesavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / படிஸம்பி⁴தா³மக்³க³பாளி • Paṭisambhidāmaggapāḷi / 35. பரினிப்³பா³னஞாணனித்³தே³ஸோ • 35. Parinibbānañāṇaniddeso
