| Library / Tipiṭaka / တိပိဋက • Tipiṭaka / ပဉ္စပကရဏ-အဋ္ဌကထာ • Pañcapakaraṇa-aṭṭhakathā |
၂၂. ဗာဝီသတိမဝဂ္ဂော
22. Bāvīsatimavaggo
၁. ပရိနိဗ္ဗာနကထာဝဏ္ဏနာ
1. Parinibbānakathāvaṇṇanā
၈၉၂. ဣဒာနိ ပရိနိဗ္ဗာနကထာ နာမ ဟောတိ။ တတ္ထ ‘‘ယသ္မာ အရဟာ သဗ္ဗညုဝိသယေ အပ္ပဟီနသံယောဇနောဝ ပရိနိဗ္ဗာယတိ, တသ္မာ အတ္ထိ ကိဉ္စိ သံယောဇနံ အပ္ပဟာယ ပရိနိဗ္ဗာန’’န္တိ ယေသံ လဒ္ဓိ, သေယ္ယထာပိ အန္ဓကာနံ; တေ သန္ဓာယ ပုစ္ဆာ သကဝာဒိသ္သ, ပဋိညာ ဣတရသ္သ။ သေသမေတ္ထ ဟေဋ္ဌာ ဝုတ္တနယမေဝာတိ။
892. Idāni parinibbānakathā nāma hoti. Tattha ‘‘yasmā arahā sabbaññuvisaye appahīnasaṃyojanova parinibbāyati, tasmā atthi kiñci saṃyojanaṃ appahāya parinibbāna’’nti yesaṃ laddhi, seyyathāpi andhakānaṃ; te sandhāya pucchā sakavādissa, paṭiññā itarassa. Sesamettha heṭṭhā vuttanayamevāti.
ပရိနိဗ္ဗာနကထာဝဏ္ဏနာ။
Parinibbānakathāvaṇṇanā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၂၀၈) ၁. ပရိနိဗ္ဗာနကထာ • (208) 1. Parinibbānakathā
