| Library / Tipiṭaka / តិបិដក • Tipiṭaka / កថាវត្ថុបាឡិ • Kathāvatthupāḷi |
២២. ពាវីសតិមវគ្គោ
22. Bāvīsatimavaggo
(២០៨) ១. បរិនិព្ពានកថា
(208) 1. Parinibbānakathā
៨៩២. អត្ថិ កិញ្ចិ សំយោជនំ អប្បហាយ បរិនិព្ពានន្តិ? អាមន្តា។ អត្ថិ កិញ្ចិ សក្កាយទិដ្ឋិំ អប្បហាយ…បេ.… អនោត្តប្បំ អប្បហាយ បរិនិព្ពានន្តិ? ន ហេវំ វត្តព្ពេ…បេ.…។
892. Atthi kiñci saṃyojanaṃ appahāya parinibbānanti? Āmantā. Atthi kiñci sakkāyadiṭṭhiṃ appahāya…pe… anottappaṃ appahāya parinibbānanti? Na hevaṃ vattabbe…pe….
អត្ថិ កិញ្ចិ សំយោជនំ អប្បហាយ បរិនិព្ពានន្តិ? អាមន្តា។ អរហា សរាគោ…បេ.… សកិលេសោតិ? ន ហេវំ វត្តព្ពេ…បេ.… ននុ អរហា និរាគោ…បេ.… និក្កិលេសោតិ? អាមន្តា។ ហញ្ចិ អរហា និរាគោ…បេ.… និក្កិលេសោ, នោ ច វត រេ វត្តព្ពេ – ‘‘អត្ថិ កិញ្ចិ សំយោជនំ អប្បហាយ បរិនិព្ពាន’’ន្តិ។
Atthi kiñci saṃyojanaṃ appahāya parinibbānanti? Āmantā. Arahā sarāgo…pe… sakilesoti? Na hevaṃ vattabbe…pe… nanu arahā nirāgo…pe… nikkilesoti? Āmantā. Hañci arahā nirāgo…pe… nikkileso, no ca vata re vattabbe – ‘‘atthi kiñci saṃyojanaṃ appahāya parinibbāna’’nti.
៨៩៣. ន វត្តព្ពំ – ‘‘អត្ថិ កិញ្ចិ សំយោជនំ អប្បហាយ បរិនិព្ពាន’’ន្តិ? អាមន្តា ។ អរហា សព្ពំ ពុទ្ធវិសយំ ជានាតីតិ? ន ហេវំ វត្តព្ពេ។ តេន ហិ អត្ថិ កិញ្ចិ សំយោជនំ អប្បហាយ បរិនិព្ពានន្តិ។
893. Na vattabbaṃ – ‘‘atthi kiñci saṃyojanaṃ appahāya parinibbāna’’nti? Āmantā . Arahā sabbaṃ buddhavisayaṃ jānātīti? Na hevaṃ vattabbe. Tena hi atthi kiñci saṃyojanaṃ appahāya parinibbānanti.
បរិនិព្ពានកថា និដ្ឋិតា។
Parinibbānakathā niṭṭhitā.
Related texts:
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ១. បរិនិព្ពានកថាវណ្ណនា • 1. Parinibbānakathāvaṇṇanā
