| Library / Tipiṭaka / តិបិដក • Tipiṭaka / កង្ខាវិតរណី-បុរាណ-ដីកា • Kaṅkhāvitaraṇī-purāṇa-ṭīkā |
១២. បរិណាមនសិក្ខាបទវណ្ណនា
12. Pariṇāmanasikkhāpadavaṇṇanā
ឯកោ ភិក្ខុ ឧក្ខិត្តកស្ស ទាតុកាមោ ហោតិ, តស្ស ទានំ និវារេត្វា អញ្ញស្ស ទាបេតិ, អនាបត្តិ។ តថា សទ្ធាទេយ្យវិនិបាតនំ ករោន្តស្ស ទាបេតិ, អត្តនោ និស្សិតកា ឥត្ថន្នាមស្ស បត្តំ ទាតុកាមា អាបុច្ឆន្តិ, ‘‘វិសភាគោ ឯសោ, សភាគស្ស ទេហី’’តិ វទតិ។ អនាបត្តិ អត្តនោ ភារភូតត្តា។ តស្ស បន ទាតុកាមំ អញ្ញស្ស ទាបេតិ , អាបត្តិ ឯវ។ សព្ពត្ថ អាបុច្ឆិត្វា ទាតុកាមំ យថាសុខំ វិចារេតុំ លភតិ។
Eko bhikkhu ukkhittakassa dātukāmo hoti, tassa dānaṃ nivāretvā aññassa dāpeti, anāpatti. Tathā saddhādeyyavinipātanaṃ karontassa dāpeti, attano nissitakā itthannāmassa pattaṃ dātukāmā āpucchanti, ‘‘visabhāgo eso, sabhāgassa dehī’’ti vadati. Anāpatti attano bhārabhūtattā. Tassa pana dātukāmaṃ aññassa dāpeti , āpatti eva. Sabbattha āpucchitvā dātukāmaṃ yathāsukhaṃ vicāretuṃ labhati.
បរិណាមនសិក្ខាបទវណ្ណនា និដ្ឋិតា។
Pariṇāmanasikkhāpadavaṇṇanā niṭṭhitā.
សហធម្មិកវគ្គោ អដ្ឋមោ។
Sahadhammikavaggo aṭṭhamo.
