| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
35. баригкааранид̣̇д̣̇зсаван̣н̣анаа
35. Parikkhāraniddesavaṇṇanā
259-60. чад̇д̇з анд̇о б̣ахи жа бан̃жаван̣н̣зхи суд̇д̇зхи сиб̣б̣ид̇ун̃жа бан̣н̣з г̇иригуудаад̣дхажанд̣̇аад̣̇им̣ чинд̣̇ид̇ун̃жа на ваддад̇ийд̇и самб̣анд̇хо. чад̇д̇зд̇и д̇аалабан̣н̣з чад̇д̇з. г̇иригуудам̣ наама магарад̣̇анд̇агам̣, аад̣̇и-сад̣̇д̣̇зна д̇аад̣̇исам̣ ан̃н̃ам̣ вигаараруубам̣ сан̇г̇ахид̇ам̣. гхадаганд̇и г̇зхад̇т̇амбхзсу вияа гаяирамаанам̣ гхадагам̣. д̣̇ан̣д̣зд̇и чад̇д̇ад̣̇ан̣д̣з. лзкаад̇и д̇ахим̣ д̇ахим̣ д̣̇иннаа лзкаа. саад̣̇исанд̇и д̣̇ийгхзна нид̣̇д̣̇идтам̣. б̣унд̣̇амхи муулз.
259-60. Chatte anto bahi ca pañcavaṇṇehi suttehi sibbituñca paṇṇe girikūṭaaḍḍhacandādiṃ chindituñca na vaṭṭatīti sambandho. Chatteti tālapaṇṇe chatte. Girikūṭaṃ nāma makaradantakaṃ, ādi-saddena tādisaṃ aññaṃ vikārarūpaṃ saṅgahitaṃ. Ghaṭakanti gehatthambhesu viya kayiramānaṃ ghaṭakaṃ. Daṇḍeti chattadaṇḍe. Lekhāti tahiṃ tahiṃ dinnā lekhā. Sādisanti dīghena niddiṭṭhaṃ. Bundamhi mūle.
261. т̇ирад̇т̇ам̣ чад̇д̇з згаван̣н̣зна сиб̣б̣ид̇ум̣ ваа бан̃ж̇арам̣ винанд̇хид̇ум̣ ваа ваддад̇ийд̇и самб̣анд̇хо. сиб̣б̣ид̇унд̇и анд̇о б̣ахи жа сиб̣б̣ид̇ум̣. згаван̣н̣знаад̇и нийлаад̣̇инаа згаван̣н̣зна. бан̃ж̇аранд̇и чад̇д̇ад̣̇ан̣д̣аг̇аахагасалаагабан̃ж̇арам̣. т̇ирад̇т̇анд̇и иминаа на ван̣н̣амадтад̇т̇ааяаад̇и д̣̇ассзд̇и. б̣анд̇хид̇ум̣ д̣̇ан̣д̣з лзкаа ваддад̇ийд̇и самб̣анд̇хо. б̣анд̇хид̇унд̇и ваад̇аббахаарзна ажаланад̇т̇ам̣ чад̇д̇аман̣д̣алигам̣ раж̇ж̇угзхи г̇ахзд̇ваа б̣анд̇ханад̇т̇ааяа. лзкааваад̇и валаяамива уггирид̇ваа гад̇аа лзкаа зва. ваддад̇ийд̇и яад̣̇иби на б̣анд̇хад̇и, раж̇ж̇угзхи б̣анд̇хид̇ум̣ яуд̇д̇адтаанад̇д̇аа ваддад̇и.
261. Thiratthaṃ chatte ekavaṇṇena sibbituṃ vā pañjaraṃ vinandhituṃ vā vaṭṭatīti sambandho. Sibbitunti anto bahi ca sibbituṃ. Ekavaṇṇenāti nīlādinā ekavaṇṇena. Pañjaranti chattadaṇḍagāhakasalākapañjaraṃ. Thiratthanti iminā na vaṇṇamaṭṭhatthāyāti dasseti. Bandhituṃ daṇḍe lekhā vaṭṭatīti sambandho. Bandhitunti vātappahārena acalanatthaṃ chattamaṇḍalikaṃ rajjukehi gahetvā bandhanatthāya. Lekhāvāti valayamiva ukkiritvā katā lekhā eva. Vaṭṭatīti yadipi na bandhati, rajjukehi bandhituṃ yuttaṭṭhānattā vaṭṭati.
262. жийварз анд̇з вааби баддамукз вааби взн̣иби ваа сан̇калигааби ваа ан̃н̃ам̣ сууживигаарам̣ ваа баал̣иган̣н̣игааад̣̇игам̣ габбаб̣инд̣̇увигаарамби ваа на жа габбад̇ийд̇и самб̣анд̇хо. анд̇зд̇и жийварабарияанд̇з, ануваад̇зд̇и вуд̇д̇ам̣ ход̇и. баддамукзд̇и баддагодияам̣, д̣̇виннам̣ баддаанам̣ сан̇гхадид̇адтаанам̣ санд̇хааязд̇ам̣ вуд̇д̇ам̣. взн̣ийд̇и варагасийсаагаарзна сиб̣б̣анам̣. сан̇калигаад̇и б̣ил̣аалаб̣анд̇ханаагаарзна сиб̣б̣анам̣. ан̃н̃ам̣ сууживигаарам̣ ваад̇и жийвараман̣д̣анад̇т̇ааяа гаяирамаанам̣ ан̃н̃ам̣ яам̣ гин̃жи суужигаммавигаарам̣ ваа. дийгааяам̣ бана ‘‘сад̇абад̣̇исад̣̇исам̣ ан̃н̃ам̣ ваа сууживигаарам̣ на габбад̇ий’’д̇и сааман̃н̃зна вуд̇д̇ам̣. ‘‘жийвараман̣д̣анад̇т̇ааяа наанаасуд̇д̇агзхи сад̇абад̣̇исад̣̇исам̣ сиб̣б̣анд̇аа ааг̇анд̇угабаддам̣ табзнд̇и, ан̃н̃амби яам̣ гин̃жи суужигаммавигаарам̣ гаронд̇и, саб̣б̣ам̣ на ваддад̇ий’’д̇и адтагат̇ааяам̣ вуд̇д̇ад̇д̇аа бана наанааван̣н̣зхи ваа ход̇у, згаван̣н̣зна ваа ход̇у, жийвараман̣д̣анад̇т̇ааяа сам̣сиб̣б̣анд̇аанам̣ суужигаммавигаарам̣ санд̇хааяа вуд̇д̇анд̇и жийварзсу паалид̇адтаанасса т̇ирабхаавад̇т̇ам̣ сад̇абад̣̇исад̣̇исамби сиб̣б̣ид̇ум̣ ваддад̇ийд̇и амхаагам̣ канд̇и. баал̣и-сад̣̇д̣̇зна, ган̣н̣ига-сад̣̇д̣̇зна жа габба-сад̣̇д̣̇алобзна ваа убажаарзна ваа баал̣игаббаад̣̇аяова г̇ахид̇аа. баал̣и жа ган̣н̣игаа жа баал̣иган̣н̣игааяо, д̇аа аад̣̇и яасса ан̃н̃асса д̇аад̣̇исассаад̇и виг̇г̇ахо. д̇ад̇т̇а нийлаавал̣иаад̣̇исан̣таанааяа б̣инд̣̇убанд̇ияаа яат̇аа собхад̇и, д̇ат̇аа гаяирамаано баал̣игаббо. д̇ат̇зва б̣инд̣̇усамуухз гад̇т̇ажи д̣̇ассзд̇ваа гаяирамаано ган̣н̣игагаббо.
262. Cīvare ante vāpi paṭṭamukhe vāpi veṇipi vā saṅkhalikāpi vā aññaṃ sūcivikāraṃ vā pāḷikaṇṇikaādikaṃ kappabinduvikārampi vā na ca kappatīti sambandho. Anteti cīvarapariyante, anuvāteti vuttaṃ hoti. Paṭṭamukheti paṭṭakoṭiyaṃ, dvinnaṃ paṭṭānaṃ saṅghaṭitaṭṭhānaṃ sandhāyetaṃ vuttaṃ. Veṇīti varakasīsākārena sibbanaṃ. Saṅkhalikāti biḷālabandhanākārena sibbanaṃ. Aññaṃ sūcivikāraṃ vāti cīvaramaṇḍanatthāya kayiramānaṃ aññaṃ yaṃ kiñci sūcikammavikāraṃ vā. Ṭīkāyaṃ pana ‘‘satapadisadisaṃ aññaṃ vā sūcivikāraṃ na kappatī’’ti sāmaññena vuttaṃ. ‘‘Cīvaramaṇḍanatthāya nānāsuttakehi satapadisadisaṃ sibbantā āgantukapaṭṭaṃ ṭhapenti, aññampi yaṃ kiñci sūcikammavikāraṃ karonti, sabbaṃ na vaṭṭatī’’ti aṭṭhakathāyaṃ vuttattā pana nānāvaṇṇehi vā hotu, ekavaṇṇena vā hotu, cīvaramaṇḍanatthāya saṃsibbantānaṃ sūcikammavikāraṃ sandhāya vuttanti cīvaresu phālitaṭṭhānassa thirabhāvatthaṃ satapadisadisampi sibbituṃ vaṭṭatīti amhākaṃ khanti. Pāḷi-saddena, kaṇṇika-saddena ca kappa-saddalopena vā upacārena vā pāḷikappādayova gahitā. Pāḷi ca kaṇṇikā ca pāḷikaṇṇikāyo, tā ādi yassa aññassa tādisassāti viggaho. Tattha nīlāvaḷiādisaṇṭhānāya bindupantiyā yathā sobhati, tathā kayiramāno pāḷikappo. Tatheva bindusamūhe katthaci dassetvā kayiramāno kaṇṇikakappo.
263. г̇ан̣тибаасагабаддаад̇и г̇ан̣тино жа баасагасса жа бад̇идтаанадтаанз табзд̇аб̣б̣аа баддаа. ваддад̇ийд̇и зд̇т̇а ‘‘г̇ан̣тибаасагаа’’д̇и гад̇ваа ‘‘жад̇угон̣аава вадданд̇ий’’д̇и ад̇т̇ад̇о важанам̣ вибаллаасзд̇ваа яож̇зд̇аб̣б̣ам̣. аг̇гхияанд̇и жзд̇ияасан̣таанзна сиб̣б̣анам̣. муулз жа аг̇г̇з жа згасад̣̇исам̣ гад̇ваа муг̇г̇араагаарзна сиб̣б̣анам̣ муг̇г̇аро. вигааранд̇и вигааро, лин̇г̇авибаллаасзна вуд̇д̇ам̣. зд̇т̇аад̇и г̇ан̣тибаасагабаддзсу.
263.Gaṇṭhipāsakapaṭṭāti gaṇṭhino ca pāsakassa ca patiṭṭhānaṭṭhāne ṭhapetabbā paṭṭā. Vaṭṭatīti ettha ‘‘gaṇṭhipāsakā’’ti katvā ‘‘catukoṇāva vaṭṭantī’’ti atthato vacanaṃ vipallāsetvā yojetabbaṃ. Agghiyanti cetiyasaṇṭhānena sibbanaṃ. Mūle ca agge ca ekasadisaṃ katvā muggarākārena sibbanaṃ muggaro. Vikāranti vikāro, liṅgavipallāsena vuttaṃ. Etthāti gaṇṭhipāsakapaṭṭesu.
264. гон̣асуд̇д̇аад̇и набум̣саганид̣̇д̣̇зсо, г̇ан̣тибаасагабаддаанам̣ гон̣зхи нийхадасуд̇д̇агодияо. бийл̣агаад̇и д̇ааниязва нивад̇д̇зд̇ваа бийл̣агаагаарзна гад̇аани. д̣̇увин̃н̃зяяааваад̇и д̇зсам̣ анд̇зсу згаваарам̣ г̇ан̣тигаран̣зна ваа буна нивад̇д̇зд̇ваа сиб̣б̣анзна ваа д̣̇увин̃н̃зяяаа зва. г̇анд̇хам̣ д̇злам̣ ваад̇и г̇анд̇хам̣ ваа д̇злам̣ ваа. ган̃жигабидтакалигааад̣̇ийниби вадданд̇и.
264.Koṇasuttāti napuṃsakaniddeso, gaṇṭhipāsakapaṭṭānaṃ koṇehi nīhaṭasuttakoṭiyo. Pīḷakāti tāniyeva nivattetvā pīḷakākārena katāni. Duviññeyyāvāti tesaṃ antesu ekavāraṃ gaṇṭhikaraṇena vā puna nivattetvā sibbanena vā duviññeyyā eva. Gandhaṃ telaṃ vāti gandhaṃ vā telaṃ vā. Kañcikapiṭṭhakhalikaādīnipi vaṭṭanti.
265. ман̣инаад̇и масаараг̇аллаад̣̇ибаасаан̣зна. на жа гхаддзяяаад̇и нзва гхаддзяяа. ан̃н̃зна ваад̇и муг̇г̇арамусалаад̣̇инаа. ам̣саб̣ад̣̇д̇хагагааяаб̣анд̇ханаани бана д̇ат̇аа гаад̇ум̣ ваддад̇и. д̣̇он̣ияам̣ гад̇ваа на жа гхам̣сзяяаад̇и баггараж̇анаагиран̣ад̣̇он̣ияам̣ табзд̇ваа бхуумияам̣ ж̇ан̣н̣угаани ниханд̇ваа ид̇о жид̇о жа аавиж̇жхид̇ваа нзва гхам̣сзяяаад̇и ад̇т̇о.
265.Maṇināti masāragallādipāsāṇena. Na ca ghaṭṭeyyāti neva ghaṭṭeyya. Aññena vāti muggaramusalādinā. Aṃsabaddhakakāyabandhanāni pana tathā kātuṃ vaṭṭati. Doṇiyaṃ katvā na ca ghaṃseyyāti pakkarajanākiraṇadoṇiyaṃ ṭhapetvā bhūmiyaṃ jaṇṇukāni nihantvā ito cito ca āvijjhitvā neva ghaṃseyyāti attho.
266-7. ган̣н̣агон̣агасуд̇д̇аанийд̇и жийварараж̇анагаалз лаг̇г̇анад̇т̇ааяа ануваад̇з жад̇уусу гон̣зсу жа баасагам̣ гад̇ваа б̣анд̇хид̇аани суд̇д̇аани, яаани ‘‘ануж̇аанаами, бхигкавз, ган̣н̣асуд̇д̇ага’’нд̇и (махаава. 344) звам̣ анун̃н̃аад̇аани. ган̣н̣асан̇каад̇аа гон̣аа ган̣н̣агон̣агаа, д̇зсу суд̇д̇аани. г̇ан̣тигабаасагабаддзсу бана ган̣н̣агон̣агасуд̇д̇аанам̣ д̣̇увин̃н̃зяяаанамзва габбияад̇аа хздтаа вуд̇д̇аад̇и жийварз рад̇д̇зязва д̇зсам̣ чинд̣̇ид̇аб̣б̣ад̇аа над̇т̇и, ган̣н̣агон̣агасуд̇д̇аанам̣ чинд̣̇ид̇аб̣б̣ад̇ааяа вуд̇д̇ад̇д̇аа ануваад̇зхи нигкамид̇асуд̇д̇ааниби чинд̣̇ид̇аб̣б̣аанийд̇и взд̣̇ид̇аб̣б̣ам̣. д̇хаммагаран̣з чад̇д̇аваддияам̣ лзкам̣ табзд̇ваа лзкаа на ваддад̇ийд̇и яож̇анаа. чад̇д̇аваддияанд̇и чад̇д̇асса мукаваддияам̣. лзкаад̇и убари ваа хздтаа ваа гужчияам̣ ваа ан̃н̃аа лзкаа. гун̃жигааяа жа бибпалз жа ман̣игаа жа бийл̣агаа жа на вадданд̇ийд̇и самб̣анд̇хо. ман̣игаад̇и згаа ваддаман̣и. бийл̣агаад̇и саасабамад̇д̇игаа муд̇д̇арааж̇исад̣̇исаа б̣ахуваддалзкаа. д̣̇ан̣д̣амхийд̇и бибпалад̣̇ан̣д̣агз.
266-7.Kaṇṇakoṇakasuttānīti cīvararajanakāle lagganatthāya anuvāte catūsu koṇesu ca pāsakaṃ katvā bandhitāni suttāni, yāni ‘‘anujānāmi, bhikkhave, kaṇṇasuttaka’’nti (mahāva. 344) evaṃ anuññātāni. Kaṇṇasaṅkhātā koṇā kaṇṇakoṇakā, tesu suttāni. Gaṇṭhikapāsakapaṭṭesu pana kaṇṇakoṇakasuttānaṃ duviññeyyānameva kappiyatā heṭṭhā vuttāti cīvare ratteyeva tesaṃ chinditabbatā natthi, kaṇṇakoṇakasuttānaṃ chinditabbatāya vuttattā anuvātehi nikkhamitasuttānipi chinditabbānīti veditabbaṃ. Dhammakaraṇe chattavaṭṭiyaṃ lekhaṃ ṭhapetvā lekhā na vaṭṭatīti yojanā. Chattavaṭṭiyanti chattassa mukhavaṭṭiyaṃ. Lekhāti upari vā heṭṭhā vā kucchiyaṃ vā aññā lekhā. Kuñcikāya ca pipphale ca maṇikā ca pīḷakā ca na vaṭṭantīti sambandho. Maṇikāti ekā vaṭṭamaṇi. Pīḷakāti sāsapamattikā muttarājisadisā bahuvaṭṭalekhā. Daṇḍamhīti pipphaladaṇḍake.
268-9. аран̣ияам̣ маалаад̣̇и жа бад̇д̇аман̣д̣алз бхид̇д̇игамман̃жа на ваддад̇ийд̇и самб̣анд̇хид̇аб̣б̣ам̣. аран̣ияанд̇и уд̇д̇арааран̣и ад̇харааран̣и аран̣ид̇хануган̃жа сааман̃н̃зна г̇ахид̇ам̣. бад̇д̇аман̣д̣алзд̇и д̇ибусийсаад̣̇имаяз бад̇д̇аман̣д̣алз. зд̇т̇а бана магарад̣̇ан̣д̣агам̣ ваддад̇и. хздтаад̇и гад̇д̇араяадтияаа хздтаа. уд̣̇д̇ханд̇и д̇ассааязва убари.
268-9. Araṇiyaṃ mālādi ca pattamaṇḍale bhittikammañca na vaṭṭatīti sambandhitabbaṃ. Araṇiyanti uttarāraṇi adharāraṇi araṇidhanukañca sāmaññena gahitaṃ. Pattamaṇḍaleti tipusīsādimaye pattamaṇḍale. Ettha pana makaradaṇḍakaṃ vaṭṭati. Heṭṭhāti kattarayaṭṭhiyā heṭṭhā. Uddhanti tassāyeva upari.
270-3. саммун̃ж̇анимхийд̇и саммун̃ж̇анияаа лин̇г̇авибаллаасо. аваарид̇анд̇и ид̇т̇ируубам̣ бана ваарид̇ам̣. сован̣н̣амаяамбийд̇и суван̣н̣амаяамби. висаан̣анаал̣и наама висаан̣амаяаа наал̣и. зд̇т̇а бана авуд̇д̇ааниби яаани гаанижи аараган̣д̣агад̣̇анд̇агадтачзд̣̇анабаанийяагхадабаанийяаул̣ун̇гажун̣н̣абхааж̇анаад̣̇ийни вуд̇д̇аанам̣ ануломаанийд̇и взд̣̇ид̇аб̣б̣аани. яо банзд̇т̇а винаяан̃н̃уу д̇аад̣̇исам̣ баригкаарам̣ д̣̇исваа чинд̣̇зяяа ваа чинд̣̇аабзяяа ваа, анубаваж̇ж̇о сод̇и взд̣̇ид̇аб̣б̣анд̇и.
270-3.Sammuñjanimhīti sammuñjaniyā liṅgavipallāso. Avāritanti itthirūpaṃ pana vāritaṃ. Sovaṇṇamayampīti suvaṇṇamayampi. Visāṇanāḷi nāma visāṇamayā nāḷi. Ettha pana avuttānipi yāni kānici ārakaṇḍakadantakaṭṭhachedanapānīyaghaṭapānīyauḷuṅkacuṇṇabhājanādīni vuttānaṃ anulomānīti veditabbāni. Yo panettha vinayaññū tādisaṃ parikkhāraṃ disvā chindeyya vā chindāpeyya vā, anupavajjo soti veditabbanti.
баригкааранид̣̇д̣̇зсаван̣н̣анаа нидтид̇аа.
Parikkhāraniddesavaṇṇanā niṭṭhitā.
