| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
35. баригкааранид̣̇д̣̇зсаван̣н̣анаа
35. Parikkhāraniddesavaṇṇanā
259-260. г̇иригууданд̇и магарад̣̇анд̇агам̣. сиб̣б̣ид̇ун̃жа чинд̣̇ид̇ун̃жа на ваддад̇ийд̇и саб̣б̣ад̇т̇а яож̇анаа. д̣̇ан̣д̣зд̇и чад̇д̇ад̣̇ан̣д̣з.
259-260.Girikūṭanti makaradantakaṃ. Sibbituñca chindituñca na vaṭṭatīti sabbattha yojanā. Daṇḍeti chattadaṇḍe.
261. сиб̣б̣ид̇ум̣ ваа бан̃ж̇арам̣ винанд̇хид̇ум̣ ваа т̇ирад̇т̇ам̣ чад̇д̇з б̣анд̇хид̇ум̣ д̣̇ан̣д̣з лзкаа ваддад̇ийд̇и самб̣анд̇хо. сажз вуд̇д̇аббагаарам̣ агаббияачад̇д̇ам̣ лабхад̇и, гхадагамби ваал̣аруубамби чинд̣̇ид̇ваа д̇хаарзд̇аб̣б̣ам̣, лзкааби гхам̣сзд̇ваа абанзд̇аб̣б̣аа, суд̇д̇агзна ваа д̣̇ан̣д̣о взтзд̇аб̣б̣о.
261. Sibbituṃ vā pañjaraṃ vinandhituṃ vā thiratthaṃ chatte bandhituṃ daṇḍe lekhā vaṭṭatīti sambandho. Sace vuttappakāraṃ akappiyachattaṃ labhati, ghaṭakampi vāḷarūpampi chinditvā dhāretabbaṃ, lekhāpi ghaṃsetvā apanetabbā, suttakena vā daṇḍo veṭhetabbo.
262. ануваад̇ам̣ санд̇хааяа ‘‘анд̇з ваа’’д̇и вуд̇д̇ам̣. д̣̇виннам̣ баддаанам̣ сан̇гхадид̇адтаанам̣ санд̇хааяа ‘‘баддамукз ваабий’’д̇и вуд̇д̇ам̣. варагасийсаагаарзна сиб̣б̣анам̣ санд̇хааяа ‘‘взн̣игаа’’д̇и жа сад̇абад̣̇аагаарзна сиб̣б̣анам̣ санд̇хааяа ‘‘сан̇калигааби ваа’’д̇и жа вуд̇д̇ам̣. сад̇абад̣̇исад̣̇исам̣ ан̃н̃ам̣ ваа сууживигаарам̣ на габбад̇и, багад̇исуужигаммамзва ваддад̇ийд̇и ад̇т̇о. баал̣иган̣н̣игааад̣̇игам̣ жийварз на жа габбад̇ийд̇и самб̣анд̇хо.
262. Anuvātaṃ sandhāya ‘‘ante vā’’ti vuttaṃ. Dvinnaṃ paṭṭānaṃ saṅghaṭitaṭṭhānaṃ sandhāya ‘‘paṭṭamukhe vāpī’’ti vuttaṃ. Varakasīsākārena sibbanaṃ sandhāya ‘‘veṇikā’’ti ca satapadākārena sibbanaṃ sandhāya ‘‘saṅkhalikāpi vā’’ti ca vuttaṃ. Satapadisadisaṃ aññaṃ vā sūcivikāraṃ na kappati, pakatisūcikammameva vaṭṭatīti attho. Pāḷikaṇṇikaādikaṃ cīvare na ca kappatīti sambandho.
263-4. жад̇угон̣аава (баараа. адта. 1.85) габбарзд̇и самб̣анд̇хо. аг̇гхиганд̇и аг̇гхияам̣ жзд̇ияасад̣̇исам̣. зд̇т̇аад̇и г̇ан̣тибаасагабаддз. гон̣асуд̇д̇аа жа бийл̣агаад̇и на гзвалам̣ жад̇угон̣аа г̇ан̣тигабаасагабаддаава габбанд̇и, ат̇а ко д̣̇увин̃н̃зяяаа гон̣асуд̇д̇абийл̣агаа жа габбарзд̇и ад̇т̇о. г̇анд̇хам̣ д̇злам̣ ваад̇и г̇анд̇хам̣ ваа д̇злам̣ ваа.
263-4. Catukoṇāva (pārā. aṭṭha. 1.85) kappareti sambandho. Agghikanti agghiyaṃ cetiyasadisaṃ. Etthāti gaṇṭhipāsakapaṭṭe. Koṇasuttā ca pīḷakāti na kevalaṃ catukoṇā gaṇṭhikapāsakapaṭṭāva kappanti, atha kho duviññeyyā koṇasuttapīḷakā ca kappareti attho. Gandhaṃ telaṃ vāti gandhaṃ vā telaṃ vā.
265. рад̇д̇анд̇и (баараа. адта. 1.85) раж̇ид̇ам̣. ан̃н̃зна ваад̇и муг̇г̇араад̣̇инаа ваа. гад̇ваад̇и табзд̇ваа. бахаарз на жа мудтинаад̇и мудтинаа на бахаарзяяаад̇и ад̇т̇о.
265.Rattanti (pārā. aṭṭha. 1.85) rajitaṃ. Aññena vāti muggarādinā vā. Katvāti ṭhapetvā. Pahāre na ca muṭṭhināti muṭṭhinā na pahāreyyāti attho.
266-7. чад̇д̇аваддияам̣ (баараа. адта. 1.85) лзкам̣ табзд̇ваа д̇хаммагаран̣з лзкаа на ваддад̇ийд̇и самб̣анд̇хо. гун̃жигааяа жа бибпалз жа ман̣игаа жа бийл̣агаа жа на ваддад̇ийд̇и самб̣анд̇хо. д̇ад̇т̇а ман̣игаад̇и згаа зва ваддаман̣игаа. бийл̣агаа муд̇д̇арааж̇исад̣̇исаа б̣ахуу.
266-7. Chattavaṭṭiyaṃ (pārā. aṭṭha. 1.85) lekhaṃ ṭhapetvā dhammakaraṇe lekhā na vaṭṭatīti sambandho. Kuñcikāya ca pipphale ca maṇikā ca pīḷakā ca na vaṭṭatīti sambandho. Tattha maṇikāti ekā eva vaṭṭamaṇikā. Pīḷakā muttarājisadisā bahū.
268-9. маалаад̣̇яаран̣ияанд̇и (баараа. адта. 1.85) аран̣ияам̣ маалаад̣̇и ван̣н̣амадтам̣ на ваддад̇ийд̇и самб̣анд̇хо. звам̣ саб̣б̣ад̇т̇а. д̇ибусийсамаяз бад̇д̇аман̣д̣алз бхид̇д̇игамман̃жа на ваддад̇ийд̇и ад̇т̇о. хид̇ваад̇и табзд̇ваа. суужисан̣д̣аасаго (баараа. адта. 1.85) наама суужим̣ д̣ам̣саабзд̇ваа гхам̣сид̇ум̣ гад̇о д̣̇аарумаяо. ‘‘ануж̇аанаами, бхигкавз, магарад̣̇анд̇агам̣ чинд̣̇ид̇у’’нд̇и (жуул̣ава. 253) вуд̇д̇ад̇д̇аа бад̇д̇аман̣д̣алз магарад̣̇анд̇агам̣ ваддад̇и, ан̃н̃ам̣ бхид̇д̇игаммаад̣̇ивигаарамзва на ваддад̇и, д̇асмаа г̇иригуудам̣ бад̇д̇аман̣д̣алз табзд̇ваа авасзсз на ваддад̇ийд̇и взд̣̇ид̇аб̣б̣ам̣.
268-9.Mālādyaraṇiyanti (pārā. aṭṭha. 1.85) araṇiyaṃ mālādi vaṇṇamaṭṭhaṃ na vaṭṭatīti sambandho. Evaṃ sabbattha. Tipusīsamaye pattamaṇḍale bhittikammañca na vaṭṭatīti attho. Hitvāti ṭhapetvā. Sūcisaṇḍāsako (pārā. aṭṭha. 1.85) nāma sūciṃ ḍaṃsāpetvā ghaṃsituṃ kato dārumayo. ‘‘Anujānāmi, bhikkhave, makaradantakaṃ chinditu’’nti (cūḷava. 253) vuttattā pattamaṇḍale makaradantakaṃ vaṭṭati, aññaṃ bhittikammādivikārameva na vaṭṭati, tasmā girikūṭaṃ pattamaṇḍale ṭhapetvā avasese na vaṭṭatīti veditabbaṃ.
272. сзнаасанзд̇и (баараа. адта. 1.85) баасаад̣̇аад̣̇исзнаасанзд̇и ад̇т̇о.
272.Senāsaneti (pārā. aṭṭha. 1.85) pāsādādisenāsaneti attho.
273. бумид̇т̇ируубарахид̇анд̇и бурисаруубаид̇т̇ируубарахид̇анд̇и ад̇т̇о. баригкааравинижчаяо.
273.Pumitthirūparahitanti purisarūpaitthirūparahitanti attho. Parikkhāravinicchayo.
баригкааранид̣̇д̣̇зсаван̣н̣анаа нидтид̇аа.
Parikkhāraniddesavaṇṇanā niṭṭhitā.
