| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
36. бхзсаж̇ж̇анид̣̇д̣̇зсаван̣н̣анаа
36. Bhesajjaniddesavaṇṇanā
274-5. сахад̇хамминам̣ лаб̣бхам̣ бхзсаж̇ж̇агаран̣анд̇и самб̣анд̇хо. на гзвалам̣ бан̃жаннам̣ сахад̇хаммигаанам̣язва бхигкаажарияавин̃н̃ад̇д̇исагзхи бхзсаж̇ж̇агаран̣ам̣ лаб̣бхад̇и, ат̇а ко абарзсамби бан̃жаннам̣ лаб̣бхад̇и, д̇з д̣̇ассзнд̇о ‘‘бид̇ууна’’нд̇иаад̣̇имааха. бид̇уунанд̇и маад̇аабид̇уунанд̇и ад̇т̇о. яз маад̇аабид̇аро ж̇аг̇г̇анд̇и убадтаханд̇и, д̇з д̇ад̣̇убадтаагаа наама. бхигкум̣ зва ниссааяа ж̇ийванд̇о бхигкуниссид̇аго наама. баб̣б̣аж̇ж̇аабзгко ‘‘бхан̣д̣уу’’д̇и вужжад̇и.
274-5. Sahadhamminaṃ labbhaṃ bhesajjakaraṇanti sambandho. Na kevalaṃ pañcannaṃ sahadhammikānaṃyeva bhikkhācariyaviññattisakehi bhesajjakaraṇaṃ labbhati, atha kho aparesampi pañcannaṃ labbhati, te dassento ‘‘pitūna’’ntiādimāha. Pitūnanti mātāpitūnanti attho. Ye mātāpitaro jagganti upaṭṭhahanti, te tadupaṭṭhākā nāma. Bhikkhuṃ eva nissāya jīvanto bhikkhunissitako nāma. Pabbajjāpekkho ‘‘bhaṇḍū’’ti vuccati.
276. абарзсамби д̣̇асаннам̣ гаад̇ум̣ ваддад̇и, д̇з д̣̇ассзд̇ум̣ ‘‘махаажуул̣абид̇аа’’д̇иаад̣̇имааха. зд̇т̇а (баараа. адта. 2.185-187) бана махаабид̇аа жуул̣абид̇аа махаамаад̇аа жуул̣амаад̇аа махаабхаад̇аа жуул̣абхаад̇аа махаабхаг̇иний жуул̣абхаг̇инийд̇и имзхи адтахи аад̣̇и-сад̣̇д̣̇зна бид̇убхаг̇инин̃жа маад̇убхаад̇иган̃жа г̇ахзд̇ваа д̣̇аса. зд̇зсам̣ бана сагзна бхзсаж̇ж̇зна гаад̇аб̣б̣ам̣. ад̇д̇анияз жа асад̇ийд̇и баатасзсо.
276. Aparesampi dasannaṃ kātuṃ vaṭṭati, te dassetuṃ ‘‘mahācūḷapitā’’tiādimāha. Ettha (pārā. aṭṭha. 2.185-187) pana mahāpitā cūḷapitā mahāmātā cūḷamātā mahābhātā cūḷabhātā mahābhaginī cūḷabhaginīti imehi aṭṭhahi ādi-saddena pitubhaginiñca mātubhātikañca gahetvā dasa. Etesaṃ pana sakena bhesajjena kātabbaṃ. Attaniye ca asatīti pāṭhaseso.
277. на гзвалан̃жа зд̇зсам̣ д̣̇асаннам̣, имзхи самб̣анд̇хаанам̣ буд̇д̇анад̇д̇аад̣̇ийнам̣ яаавасад̇д̇амаа гулабариваддаа гаад̇ум̣ ваддад̇ийд̇и д̣̇ассанад̇т̇ам̣ ‘‘гулад̣̇уусанаа’’д̇иаад̣̇имааха. ан̃н̃оби (баараа. адта. 2.285-287) яо ааг̇анд̇уго ваа жоро ваа яуд̣̇д̇хабарааж̇ид̇о ваа иссаро н̃аад̇агзхи барижжад̇д̇о ваа г̇амияамануссо ваа г̇илаано худ̇ваа вихаарам̣ бависад̇и, саб̣б̣зсамби абажжаасийсанд̇зна бхзсаж̇ж̇ам̣ гаад̇аб̣б̣ам̣.
277. Na kevalañca etesaṃ dasannaṃ, imehi sambandhānaṃ puttanattādīnaṃ yāvasattamā kulaparivaṭṭā kātuṃ vaṭṭatīti dassanatthaṃ ‘‘kuladūsanā’’tiādimāha. Aññopi (pārā. aṭṭha. 2.285-287) yo āgantuko vā coro vā yuddhaparājito vā issaro ñātakehi pariccatto vā gamiyamanusso vā gilāno hutvā vihāraṃ pavisati, sabbesampi apaccāsīsantena bhesajjaṃ kātabbaṃ.
278. маад̇аа (баараа. адта. 2.185-187) бид̇аа д̇ад̣̇убадтааго бхигкуниссид̇аго бан̣д̣убалаасо взяяааважжагарод̇и имзсам̣ чаннам̣ анаамадтабин̣д̣абаад̇о аваарид̇од̇и ад̇т̇о. гин̃жа бхияяо – д̣̇аамаригажорасса жа иссарияасса жа д̣̇аад̇умаваарид̇од̇и ад̇т̇о.
278. Mātā (pārā. aṭṭha. 2.185-187) pitā tadupaṭṭhāko bhikkhunissitako paṇḍupalāso veyyāvaccakaroti imesaṃ channaṃ anāmaṭṭhapiṇḍapāto avāritoti attho. Kiñca bhiyyo – dāmarikacorassa ca issariyassa ca dātumavāritoti attho.
279. д̇зсанд̇и (баараа. адта. 2.185-187) г̇ахадтаанам̣. саасаног̇ад̇ханд̇и рад̇анабарид̇д̇ааадаанаадияабарид̇д̇аад̣̇ибарид̇д̇ам̣ бхан̣ид̇аб̣б̣анд̇и ад̇т̇о.
279.Tesanti (pārā. aṭṭha. 2.185-187) gahaṭṭhānaṃ. Sāsanogadhanti ratanaparittaāṭānāṭiyaparittādiparittaṃ bhaṇitabbanti attho.
280. ‘‘ааг̇анд̇ваа (баараа. адта. 2.185-187) сийлам̣ д̣̇зд̇у, д̇хамман̃жа барид̇д̇ан̃жа бхаасад̇уу’’д̇и гзнажи бзсид̇од̇и самб̣анд̇хо. д̣̇аад̇ум̣ вад̇д̇унд̇и сийлам̣ д̣̇аад̇ум̣, д̇хамман̃жа барид̇д̇ан̃жа вад̇д̇ум̣ лаб̣бхад̇ийд̇и ад̇т̇о. бхзсаж̇ж̇авинижчаяо.
280. ‘‘Āgantvā (pārā. aṭṭha. 2.185-187) sīlaṃ detu, dhammañca parittañca bhāsatū’’ti kenaci pesitoti sambandho. Dātuṃ vattunti sīlaṃ dātuṃ, dhammañca parittañca vattuṃ labbhatīti attho. Bhesajjavinicchayo.
бхзсаж̇ж̇анид̣̇д̣̇зсаван̣н̣анаа нидтид̇аа.
Bhesajjaniddesavaṇṇanā niṭṭhitā.
