| Library / Tipiṭaka / តិបិដក • Tipiṭaka / នេត្តិប្បករណ-ដីកា • Nettippakaraṇa-ṭīkā |
១៥. បរិក្ខារហារវិភង្គវណ្ណនា
15. Parikkhārahāravibhaṅgavaṇṇanā
៤៩. ‘‘ហិនោតី’’តិ បទស្ស អត្ថំ ទស្សេន្តោ ‘‘ការណភាវំ គច្ឆតី’’តិ អាហ អនេកត្ថត្តា ធាតូនំ។ ឯតីតិ អាគច្ឆតិ, ឧប្បជ្ជតីតិ អត្ថោ។
49.‘‘Hinotī’’ti padassa atthaṃ dassento ‘‘kāraṇabhāvaṃ gacchatī’’ti āha anekatthattā dhātūnaṃ. Etīti āgacchati, uppajjatīti attho.
អវិជ្ជាយបិ ហេតុភាវេតិ ឯត្ថ អវិជ្ជា អនន្តរាយ អវិជ្ជាយ អនន្តរសមនន្តរូបនិស្សយនត្ថិវិគតាសេវនបច្ចយេហិ, អនន្តរាយ បន សហជាតាយ សហជាតអញ្ញមញ្ញនិស្សយសម្បយុត្តអត្ថិអវិគតហេតុបច្ចយេហិ, អសហជាតាយ ឧបនិស្សយកោដិយា ឯវ បច្ចយោ ហោតីតិ វេទិតព្ពំ។ អត្តនោ ផលំ ករោតីតិ ការណន្តិ អាហ ‘‘ការណភាវោ ច ផលាបេក្ខាយា’’តិ។
Avijjāyapi hetubhāveti ettha avijjā anantarāya avijjāya anantarasamanantarūpanissayanatthivigatāsevanapaccayehi, anantarāya pana sahajātāya sahajātaaññamaññanissayasampayuttaatthiavigatahetupaccayehi, asahajātāya upanissayakoṭiyā eva paccayo hotīti veditabbaṃ. Attano phalaṃ karotīti kāraṇanti āha ‘‘kāraṇabhāvo ca phalāpekkhāyā’’ti.
និព្ពត្តិអត្ថោ ផលត្ថោ ផលសង្ខាតោ អត្ថោ។
Nibbattiattho phalattho phalasaṅkhāto attho.
យោ សភាវោតិ បុញ្ញាទិអភិសង្ខារានំ យោ អភិសង្ខរណសភាវោ, សោ ហេតុ។ សេសបទេសូតិ វិញ្ញាណាទិបទេសុ។ យថាវុត្តប្បភេទោតិ ‘‘អសាធារណលក្ខណោ ហេតូ’’តិអាទិនា វុត្តប្បភេទោ។ យោ កោចិ បច្ចយោតិ ជនកាទិភេទំ យំ កិញ្ចិ ការណំ។ អភិសង្ខរណតោតិ បច្ចក្ខតោ, បរម្បរាយ ច និព្ពត្តនតោ។
Yo sabhāvoti puññādiabhisaṅkhārānaṃ yo abhisaṅkharaṇasabhāvo, so hetu. Sesapadesūti viññāṇādipadesu. Yathāvuttappabhedoti ‘‘asādhāraṇalakkhaṇo hetū’’tiādinā vuttappabhedo. Yo kocipaccayoti janakādibhedaṃ yaṃ kiñci kāraṇaṃ. Abhisaṅkharaṇatoti paccakkhato, paramparāya ca nibbattanato.
បរិក្ខារហារវិភង្គវណ្ណនា និដ្ឋិតា។
Parikkhārahāravibhaṅgavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / ខុទ្ទកនិកាយ • Khuddakanikāya / នេត្តិប្បករណបាឡិ • Nettippakaraṇapāḷi / ១៥. បរិក្ខារហារវិភង្គោ • 15. Parikkhārahāravibhaṅgo
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / នេត្តិប្បករណ-អដ្ឋកថា • Nettippakaraṇa-aṭṭhakathā / ១៥. បរិក្ខារហារវិភង្គវណ្ណនា • 15. Parikkhārahāravibhaṅgavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / ខុទ្ទកនិកាយ (ដីកា) • Khuddakanikāya (ṭīkā) / នេត្តិវិភាវិនី • Nettivibhāvinī / ១៥. បរិក្ខារហារវិភង្គវិភាវនា • 15. Parikkhārahāravibhaṅgavibhāvanā
