| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā |
೫. ಪರಿಭೋಗಮಯಪುಞ್ಞಕಥಾವಣ್ಣನಾ
5. Paribhogamayapuññakathāvaṇṇanā
೪೮೫. ತಸ್ಸಾ ಲದ್ಧಿಯಾತಿ ಪಞ್ಚನ್ನಂ ವಿಞ್ಞಾಣಾನಂ ಸಮೋಧಾನಂ ಹೋತೀತಿ ಲದ್ಧಿಯಾ। ಏತೇಸನ್ತಿ ವತ್ತಮಾನಚಿತ್ತಪರಿಭೋಗಮಯಪುಞ್ಞಾನಂ।
485. Tassā laddhiyāti pañcannaṃ viññāṇānaṃ samodhānaṃ hotīti laddhiyā. Etesanti vattamānacittaparibhogamayapuññānaṃ.
೪೮೬. ಅಯಂ ವಾದೋ ಹೀಯತಿ ಪರಿಭೋಗಸ್ಸೇವ ಅಭಾವತೋ। ಚಾಗಚೇತನಾಯ ಏವ ಪುಞ್ಞಭಾವೋ, ನ ಚಿತ್ತವಿಪ್ಪಯುತ್ತಸ್ಸ। ಏವನ್ತಿ ಇಮಿನಾ ಪಕಾರೇನ, ಅಪರಿಭುತ್ತೇ ದೇಯ್ಯಧಮ್ಮೇ ಪುಞ್ಞಭಾವೇನಾತಿ ಅತ್ಥೋ। ಅಪರಿಭುತ್ತೇ ದೇಯ್ಯಧಮ್ಮೇ ಪುಞ್ಞಭಾವತೋ ಏವ ಹಿ ಪುಥುಜ್ಜನಕಾಲೇ ದಿನ್ನಂ ಅರಹಾ ಹುತ್ವಾ ಪರಿಭುಞ್ಜನ್ತೇ ತಮ್ಪಿ ಪುಥುಜ್ಜನೇ ದಾನಮೇವಾತಿ ನಿಚ್ಛಿತಂ। ಪರವಾದೀಪಟಿಕ್ಖೇಪಮುಖೇನ ಸಕವಾದಂ ಪತಿಟ್ಠಾಪೇತಿ ಪಠಮೋ ಅತ್ಥವಿಕಪ್ಪೋ, ದುತಿಯೋ ಪನ ಉಜುಕಮೇವ ಸಕವಾದಂ ಪತಿಟ್ಠಾಪೇತೀತಿ ಅಯಮೇತೇಸಂ ವಿಸೇಸೋ।
486. Ayaṃ vādo hīyati paribhogasseva abhāvato. Cāgacetanāya eva puññabhāvo, na cittavippayuttassa. Evanti iminā pakārena, aparibhutte deyyadhamme puññabhāvenāti attho. Aparibhutte deyyadhamme puññabhāvato eva hi puthujjanakāle dinnaṃ arahā hutvā paribhuñjante tampi puthujjane dānamevāti nicchitaṃ. Paravādīpaṭikkhepamukhena sakavādaṃ patiṭṭhāpeti paṭhamo atthavikappo, dutiyo pana ujukameva sakavādaṃ patiṭṭhāpetīti ayametesaṃ viseso.
ಪರಿಭೋಗಮಯಪುಞ್ಞಕಥಾವಣ್ಣನಾ ನಿಟ್ಠಿತಾ।
Paribhogamayapuññakathāvaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೬೭) ೫. ಪರಿಭೋಗಮಯಪುಞ್ಞಕಥಾ • (67) 5. Paribhogamayapuññakathā
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೫. ಪರಿಭೋಗಮಯಪುಞ್ಞಕಥಾವಣ್ಣನಾ • 5. Paribhogamayapuññakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೫. ಪರಿಭೋಗಮಯಪುಞ್ಞಕಥಾವಣ್ಣನಾ • 5. Paribhogamayapuññakathāvaṇṇanā
