| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā |
೫. ಪರಿಭೋಗಮಯಪುಞ್ಞಕಥಾವಣ್ಣನಾ
5. Paribhogamayapuññakathāvaṇṇanā
೪೮೩. ಪರಿಭೋಗಮಯಂ ನಾಮ ಚಿತ್ತವಿಪ್ಪಯುತ್ತಂ ಪುಞ್ಞಂ ಅತ್ಥೀತಿ ಲದ್ಧಿ। ತಞ್ಹಿ ತೇ ಸನ್ಧಾಯ ಪರಿಭೋಗಮಯಂ ಪುಞ್ಞಂ ಪವಡ್ಢತೀತಿ ವದನ್ತೀತಿ ಅಧಿಪ್ಪಾಯೋ।
483. Paribhogamayaṃ nāma cittavippayuttaṃ puññaṃ atthīti laddhi. Tañhi te sandhāya paribhogamayaṃ puññaṃ pavaḍḍhatīti vadantīti adhippāyo.
೪೮೫. ತಸ್ಸಾಪಿ ವಸೇನಾತಿ ತಸ್ಸಾಪಿ ಲದ್ಧಿಯಾ ವಸೇನ। ಪಞ್ಚವಿಞ್ಞಾಣಾನಂ ವಿಯ ಏತೇಸಮ್ಪಿ ಸಮೋಧಾನಂ ಸಿಯಾತಿ ಪಟಿಜಾನಾತೀತಿ ವದನ್ತಿ। ಪಞ್ಚವಿಞ್ಞಾಣಫಸ್ಸಾದೀನಮೇವ ಪನ ಸಮೋಧಾನಂ ಸನ್ಧಾಯ ಪಟಿಜಾನಾತೀತಿ ಅಧಿಪ್ಪಾಯೋ।
485. Tassāpi vasenāti tassāpi laddhiyā vasena. Pañcaviññāṇānaṃ viya etesampi samodhānaṃ siyāti paṭijānātīti vadanti. Pañcaviññāṇaphassādīnameva pana samodhānaṃ sandhāya paṭijānātīti adhippāyo.
೪೮೬. ಅಪರಿಭುತ್ತೇಪೀತಿ ಇಮಿನಾ ‘‘ಪಟಿಗ್ಗಾಹಕೋ ಪಟಿಗ್ಗಹೇತ್ವಾ ನ ಪರಿಭುಞ್ಜತಿ ಛಡ್ಡೇತೀ’’ತಿಆದಿಕಂ ದಸ್ಸೇತಿ। ಅಪರಿಭುತ್ತೇ ದೇಯ್ಯಧಮ್ಮೇ ಪುಞ್ಞಭಾವತೋ ಪರಿಭೋಗಮಯಂ ಪುಞ್ಞಂ ಪವಡ್ಢತೀತಿ ಅಯಂ ವಾದೋ ಹೀಯತಿ। ತಸ್ಮಿಞ್ಚ ಹೀನೇ ಸಕವಾದೀವಾದೋ ಬಲವಾ। ಚಾಗಚೇತನಾಯ ಏವ ಹಿ ಪುಞ್ಞಭಾವೋ ಏವಂ ಸಿದ್ಧೋ ಹೋತೀತಿ ಅಧಿಪ್ಪಾಯೋ। ಅಪರಿಭುತ್ತೇಪಿ ದೇಯ್ಯಧಮ್ಮೇ ಪುಞ್ಞಭಾವೇ ಚಾಗಚೇತನಾಯ ಏವ ಪುಞ್ಞಭಾವೋತಿ ಆಹ ‘‘ಸಕವಾದೀವಾದೋವ ಬಲವಾ’’ತಿ।
486. Aparibhuttepīti iminā ‘‘paṭiggāhako paṭiggahetvā na paribhuñjati chaḍḍetī’’tiādikaṃ dasseti. Aparibhutte deyyadhamme puññabhāvato paribhogamayaṃ puññaṃ pavaḍḍhatīti ayaṃ vādo hīyati. Tasmiñca hīne sakavādīvādo balavā. Cāgacetanāya eva hi puññabhāvo evaṃ siddho hotīti adhippāyo. Aparibhuttepi deyyadhamme puññabhāve cāgacetanāya eva puññabhāvoti āha ‘‘sakavādīvādova balavā’’ti.
ಪರಿಭೋಗಮಯಪುಞ್ಞಕಥಾವಣ್ಣನಾ ನಿಟ್ಠಿತಾ।
Paribhogamayapuññakathāvaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೬೭) ೫. ಪರಿಭೋಗಮಯಪುಞ್ಞಕಥಾ • (67) 5. Paribhogamayapuññakathā
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೫. ಪರಿಭೋಗಮಯಪುಞ್ಞಕಥಾವಣ್ಣನಾ • 5. Paribhogamayapuññakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೫. ಪರಿಭೋಗಮಯಪುಞ್ಞಕಥಾವಣ್ಣನಾ • 5. Paribhogamayapuññakathāvaṇṇanā
