| Library / Tipiṭaka / তিপিটক • Tipiṭaka / সুত্তনিপাত-অট্ঠকথা • Suttanipāta-aṭṭhakathā |
পারাযনত্থুতিগাথাৰণ্ণনা
Pārāyanatthutigāthāvaṇṇanā
ইতো পরং সঙ্গীতিকারা দেসনং থোমেন্তা ‘‘ইদমৰোচ ভগৰা’’তিআদিমাহংসু। তত্থ ইদমৰোচাতি ইদং পরাযনং অৰোচ। পরিচারকসোল়সানন্তি বাৰরিস্স পরিচারকেন পিঙ্গিযেন সহ সোল়সন্নং বুদ্ধস্স ৰা ভগৰতো পরিচারকানং সোল়সন্নন্তি পরিচারকসোল়সন্নং। তে এৰ চ ব্রাহ্মণা। তত্থ সোল়সপরিসা পন পুরতো চ পচ্ছতো চ ৰামপস্সতো চ দক্খিণপস্সতো চ ছ ছ যোজনানি নিসিন্না উজুকেন দ্ৰাদসযোজনিকা অহোসি। অজ্ঝিট্ঠোতি যাচিতো অত্থমঞ্ঞাযাতি পাল়িঅত্থমঞ্ঞায। ধম্মমঞ্ঞাযাতি পাল়িমঞ্ঞায। পারাযনন্তি এৰং ইমস্স ধম্মপরিযাযস্স অধিৰচনং আরোপেত্ৰা তেসং ব্রাহ্মণানং নামানি কিত্তযন্তা ‘‘অজিতো তিস্সমেত্তেয্যো…পে॰… বুদ্ধসেট্ঠং উপাগমু’’ন্তি আহংসু।
Ito paraṃ saṅgītikārā desanaṃ thomentā ‘‘idamavoca bhagavā’’tiādimāhaṃsu. Tattha idamavocāti idaṃ parāyanaṃ avoca. Paricārakasoḷasānanti bāvarissa paricārakena piṅgiyena saha soḷasannaṃ buddhassa vā bhagavato paricārakānaṃ soḷasannanti paricārakasoḷasannaṃ. Te eva ca brāhmaṇā. Tattha soḷasaparisā pana purato ca pacchato ca vāmapassato ca dakkhiṇapassato ca cha cha yojanāni nisinnā ujukena dvādasayojanikā ahosi. Ajjhiṭṭhoti yācito atthamaññāyāti pāḷiatthamaññāya. Dhammamaññāyāti pāḷimaññāya. Pārāyananti evaṃ imassa dhammapariyāyassa adhivacanaṃ āropetvā tesaṃ brāhmaṇānaṃ nāmāni kittayantā ‘‘ajito tissametteyyo…pe… buddhaseṭṭhaṃ upāgamu’’nti āhaṃsu.
১১৩১-৭. তত্থ সম্পন্নচরণন্তি নিব্বানপদট্ঠানভূতেন পাতিমোক্খসীলাদিনা সম্পন্নং। ইসিন্তি মহেসিং। সেসং পাকটমেৰ। ততো পরং ব্রহ্মচরিযমচরিংসূতি মগ্গব্রহ্মচরিযং অচরিংসু। তস্মা পারাযনন্তি তস্স পারভূতস্স নিব্বানস্স অযনন্তি ৰুত্তং হোতি।
1131-7. Tattha sampannacaraṇanti nibbānapadaṭṭhānabhūtena pātimokkhasīlādinā sampannaṃ. Isinti mahesiṃ. Sesaṃ pākaṭameva. Tato paraṃ brahmacariyamacariṃsūti maggabrahmacariyaṃ acariṃsu. Tasmā pārāyananti tassa pārabhūtassa nibbānassa ayananti vuttaṃ hoti.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / খুদ্দকনিকায • Khuddakanikāya / সুত্তনিপাতপাল়ি • Suttanipātapāḷi / পারাযনত্থুতিগাথা • Pārāyanatthutigāthā
