| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៤. បរប្បសាទកត្ថេរអបទានំ
4. Parappasādakattheraapadānaṃ
២០.
20.
‘‘ឧសភំ បវរំ វីរំ, មហេសិំ វិជិតាវិនំ;
‘‘Usabhaṃ pavaraṃ vīraṃ, mahesiṃ vijitāvinaṃ;
សុវណ្ណវណ្ណំ សម្ពុទ្ធំ, កោ ទិស្វា នប្បសីទតិ។
Suvaṇṇavaṇṇaṃ sambuddhaṃ, ko disvā nappasīdati.
២១.
21.
‘‘ហិមវាវាបរិមេយ្យោ, សាគរោវ ទុរុត្តរោ;
‘‘Himavāvāparimeyyo, sāgarova duruttaro;
តថេវ ឈានំ ពុទ្ធស្ស, កោ ទិស្វា នប្បសីទតិ។
Tatheva jhānaṃ buddhassa, ko disvā nappasīdati.
២២.
22.
‘‘វសុធា យថាប្បមេយ្យា, ចិត្តា វនវដំសកា;
‘‘Vasudhā yathāppameyyā, cittā vanavaṭaṃsakā;
តថេវ សីលំ ពុទ្ធស្ស, កោ ទិស្វា នប្បសីទតិ។
Tatheva sīlaṃ buddhassa, ko disvā nappasīdati.
២៣.
23.
តថេវ ញាណំ ពុទ្ធស្ស, កោ ទិស្វា នប្បសីទតិ។
Tatheva ñāṇaṃ buddhassa, ko disvā nappasīdati.
២៤.
24.
‘‘ឥមាហិ ចតុគាថាហិ, ព្រាហ្មណោ សេនសវ្ហយោ;
‘‘Imāhi catugāthāhi, brāhmaṇo senasavhayo;
ពុទ្ធសេដ្ឋំ ថវិត្វាន, សិទ្ធត្ថំ អបរាជិតំ។
Buddhaseṭṭhaṃ thavitvāna, siddhatthaṃ aparājitaṃ.
២៥.
25.
‘‘ចតុន្នវុតិកប្បានិ, ទុគ្គតិំ នុបបជ្ជថ;
‘‘Catunnavutikappāni, duggatiṃ nupapajjatha;
២៦.
26.
‘‘ចតុន្នវុតិតោ កប្បេ, ថវិត្វា លោកនាយកំ;
‘‘Catunnavutito kappe, thavitvā lokanāyakaṃ;
២៧.
27.
‘‘ចាតុទ្ទសម្ហិ កប្បម្ហិ, ចតុរោ អាសុមុគ្គតា;
‘‘Cātuddasamhi kappamhi, caturo āsumuggatā;
សត្តរតនសម្បន្នា, ចក្កវត្តី មហព្ពលា។
Sattaratanasampannā, cakkavattī mahabbalā.
២៨.
28.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា បរប្បសាទកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā parappasādako thero imā gāthāyo abhāsitthāti.
បរប្បសាទកត្ថេរស្សាបទានំ ចតុត្ថំ។
Parappasādakattherassāpadānaṃ catutthaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៤. បរប្បសាទកត្ថេរអបទានវណ្ណនា • 4. Parappasādakattheraapadānavaṇṇanā
