| Library / Tipiṭaka / තිපිටක • Tipiṭaka / ඛුද්දසික්ඛා-මූලසික්ඛා • Khuddasikkhā-mūlasikkhā |
1. පාරාජිකනිද්දෙසො
1. Pārājikaniddeso
පාරාජිකා ච චත්තාරොති –
Pārājikā ca cattāroti –
1.
1.
මග්ගත්තයෙ අනික්ඛිත්තසික්ඛො සන්ථතසන්ථතෙ;
Maggattaye anikkhittasikkho santhatasanthate;
අල්ලොකාසෙ නිමිත්තං සං, තිලමත්තම්පි සන්ථතං.
Allokāse nimittaṃ saṃ, tilamattampi santhataṃ.
2.
2.
අසන්ථතමුපාදිණ්ණං, පවෙසන්තො චුතොථ වා;
Asanthatamupādiṇṇaṃ, pavesanto cutotha vā;
පවෙසනට්ඨිතුද්ධාරපවිට්ඨක්ඛණසාදකො.
Pavesanaṭṭhituddhārapaviṭṭhakkhaṇasādako.
3.
3.
ආදියෙය්ය හරෙය්යාවහරෙය්ය ඉරියාපථං;
Ādiyeyya hareyyāvahareyya iriyāpathaṃ;
කොපෙය්ය ඨානා චාවෙය්ය, සඞ්කෙතං වීතිනාමයෙ.
Kopeyya ṭhānā cāveyya, saṅketaṃ vītināmaye.
4.
4.
අදින්නං ථෙය්යචිත්තෙන, භවෙ පාරාජිකොථ වා;
Adinnaṃ theyyacittena, bhave pārājikotha vā;
ථෙය්යාබලකුසච්ඡන්නපරිකප්පාවහාරකො;
Theyyābalakusacchannaparikappāvahārako;
භණ්ඩකාලග්ඝදෙසෙහි, පරිභොගෙත්ථ නිච්ඡයො.
Bhaṇḍakālagghadesehi, paribhogettha nicchayo.
5.
5.
මනුස්සවිග්ගහං චිච්ච, ජීවිතා වා වියොජයෙ;
Manussaviggahaṃ cicca, jīvitā vā viyojaye;
සත්ථහාරකං වාස්ස මරණචෙතනො උපනික්ඛිපෙ.
Satthahārakaṃ vāssa maraṇacetano upanikkhipe.
6.
6.
ගාහෙය්ය මරණූපායං, වදෙය්ය මරණෙ ගුණං;
Gāheyya maraṇūpāyaṃ, vadeyya maraṇe guṇaṃ;
චුතො පයොගා සාහත්ථිනිස්සග්ගාණත්තිථාවරා.
Cuto payogā sāhatthinissaggāṇattithāvarā.
7.
7.
ඉද්ධිවිජ්ජාමයා කාලවත්ථාවුධිරියාපථා;
Iddhivijjāmayā kālavatthāvudhiriyāpathā;
ක්රියාවිසෙසො ඔකාසො, ඡ ආණත්තිනියාමකා.
Kriyāviseso okāso, cha āṇattiniyāmakā.
8.
8.
ඣානාදිභෙද නොසන්තමත්තනත්තුපනායිකං;
Jhānādibheda nosantamattanattupanāyikaṃ;
කත්වා කොට්ඨාසමෙකෙකං, පච්චුප්පන්නභවස්සිතං.
Katvā koṭṭhāsamekekaṃ, paccuppannabhavassitaṃ.
9.
9.
අඤ්ඤාපදෙසරහිතං , දීපෙන්තොනධිමානිකො;
Aññāpadesarahitaṃ , dīpentonadhimāniko;
කායෙන වාචා විඤ්ඤත්ති-පථෙ ඤාතෙ චුතො භවෙ.
Kāyena vācā viññatti-pathe ñāte cuto bhave.
10.
10.
පාරාජිකෙතෙ චත්තාරො, අසංවාසා යථා පුරෙ;
Pārājikete cattāro, asaṃvāsā yathā pure;
අභබ්බා භික්ඛුභාවාය, සීසච්ඡින්නොව ජීවිතුං.
Abhabbā bhikkhubhāvāya, sīsacchinnova jīvituṃ.
11.
11.
පරියායො ච ආණත්ති, තතියෙ දුතියෙ පන;
Pariyāyo ca āṇatti, tatiye dutiye pana;
ආණත්තියෙව සෙසෙසු, ද්වයමෙතං න ලබ්භති.
Āṇattiyeva sesesu, dvayametaṃ na labbhati.
12.
12.
සෙවෙතුකාමතාචිත්තං , මග්ගෙ මග්ගප්පවෙසනං;
Sevetukāmatācittaṃ , magge maggappavesanaṃ;
ඉමං මෙථුනධම්මස්ස, ආහු අඞ්ගද්වයං බුධා.
Imaṃ methunadhammassa, āhu aṅgadvayaṃ budhā.
13.
13.
මනුස්සසං තථාසඤ්ඤී, ථෙය්යචිත්තඤ්ච වත්ථුනො;
Manussasaṃ tathāsaññī, theyyacittañca vatthuno;
ගරුතා අවහාරො ච, අදින්නාදානහෙතුයො.
Garutā avahāro ca, adinnādānahetuyo.
14.
14.
පාණො මානුස්සකො පාණ-සඤ්ඤිතා ඝාතචෙතනා;
Pāṇo mānussako pāṇa-saññitā ghātacetanā;
පයොගො තෙන මරණං, පඤ්චෙතෙ වධහෙතුයො.
Payogo tena maraṇaṃ, pañcete vadhahetuyo.
15.
15.
අසන්තතා අත්තනි පාපමිච්ඡතා-
Asantatā attani pāpamicchatā-
යාරොචනා තස්ස මනුස්සජාතිතා;
Yārocanā tassa manussajātitā;
නාඤ්ඤාපදෙසො ච තදෙව ජානනං,
Nāññāpadeso ca tadeva jānanaṃ,
පඤ්චෙත්ථ අඞ්ගානි අසන්තදීපනෙ.
Pañcettha aṅgāni asantadīpane.
16.
16.
අසාධාරණා චත්තාරො, භික්ඛුනීනමභබ්බකා;
Asādhāraṇā cattāro, bhikkhunīnamabhabbakā;
එකාදස ච විබ්භන්තා, භික්ඛුනී මුදුපිට්ඨිකො.
Ekādasa ca vibbhantā, bhikkhunī mudupiṭṭhiko.
17.
17.
ලම්බී මුඛෙන ගණ්හන්තො, අඞ්ගජාතං පරස්ස ච;
Lambī mukhena gaṇhanto, aṅgajātaṃ parassa ca;
තත්ථෙවාභිනිසීදන්තො, චත්තාරො අනුලොමිකා.
Tatthevābhinisīdanto, cattāro anulomikā.
18.
18.
මග්ගෙ මග්ගප්පවෙසනා, මෙථුනස්ස ඉධාගතා;
Magge maggappavesanā, methunassa idhāgatā;
චත්තාරොති චතුබ්බීස, සමොධානා පරාජිකාති.
Cattāroti catubbīsa, samodhānā parājikāti.
