| Library / Tipiṭaka / திபிடக • Tipiṭaka / கு²த்³த³ஸிக்கா²-மூலஸிக்கா² • Khuddasikkhā-mūlasikkhā |
1. பாராஜிகனித்³தே³ஸோ
1. Pārājikaniddeso
பாராஜிகா ச சத்தாரோதி –
Pārājikā ca cattāroti –
1.
1.
மக்³க³த்தயே அனிக்கி²த்தஸிக்கோ² ஸந்த²தஸந்த²தே;
Maggattaye anikkhittasikkho santhatasanthate;
அல்லோகாஸே நிமித்தங் ஸங், திலமத்தம்பி ஸந்த²தங்.
Allokāse nimittaṃ saṃ, tilamattampi santhataṃ.
2.
2.
அஸந்த²தமுபாதி³ண்ணங், பவேஸந்தோ சுதோத² வா;
Asanthatamupādiṇṇaṃ, pavesanto cutotha vā;
பவேஸனட்டி²துத்³தா⁴ரபவிட்ட²க்க²ணஸாத³கோ.
Pavesanaṭṭhituddhārapaviṭṭhakkhaṇasādako.
3.
3.
ஆதி³யெய்ய ஹரெய்யாவஹரெய்ய இரியாபத²ங்;
Ādiyeyya hareyyāvahareyya iriyāpathaṃ;
கோபெய்ய டா²னா சாவெய்ய, ஸங்கேதங் வீதினாமயே.
Kopeyya ṭhānā cāveyya, saṅketaṃ vītināmaye.
4.
4.
அதி³ன்னங் தெ²ய்யசித்தேன, ப⁴வே பாராஜிகோத² வா;
Adinnaṃ theyyacittena, bhave pārājikotha vā;
தெ²ய்யாப³லகுஸச்ச²ன்னபரிகப்பாவஹாரகோ;
Theyyābalakusacchannaparikappāvahārako;
ப⁴ண்ட³காலக்³க⁴தே³ஸேஹி, பரிபோ⁴கெ³த்த² நிச்ச²யோ.
Bhaṇḍakālagghadesehi, paribhogettha nicchayo.
5.
5.
மனுஸ்ஸவிக்³க³ஹங் சிச்ச, ஜீவிதா வா வியோஜயே;
Manussaviggahaṃ cicca, jīvitā vā viyojaye;
ஸத்த²ஹாரகங் வாஸ்ஸ மரணசேதனோ உபனிக்கி²பே.
Satthahārakaṃ vāssa maraṇacetano upanikkhipe.
6.
6.
கா³ஹெய்ய மரணூபாயங், வதெ³ய்ய மரணே கு³ணங்;
Gāheyya maraṇūpāyaṃ, vadeyya maraṇe guṇaṃ;
சுதோ பயோகா³ ஸாஹத்தி²னிஸ்ஸக்³கா³ணத்திதா²வரா.
Cuto payogā sāhatthinissaggāṇattithāvarā.
7.
7.
இத்³தி⁴விஜ்ஜாமயா காலவத்தா²வுதி⁴ரியாபதா²;
Iddhivijjāmayā kālavatthāvudhiriyāpathā;
க்ரியாவிஸேஸோ ஓகாஸோ, ச² ஆணத்தினியாமகா.
Kriyāviseso okāso, cha āṇattiniyāmakā.
8.
8.
ஜா²னாதி³பே⁴த³ நோஸந்தமத்தனத்துபனாயிகங்;
Jhānādibheda nosantamattanattupanāyikaṃ;
கத்வா கொட்டா²ஸமேகேகங், பச்சுப்பன்னப⁴வஸ்ஸிதங்.
Katvā koṭṭhāsamekekaṃ, paccuppannabhavassitaṃ.
9.
9.
அஞ்ஞாபதே³ஸரஹிதங் , தீ³பெந்தோனதி⁴மானிகோ;
Aññāpadesarahitaṃ , dīpentonadhimāniko;
காயேன வாசா விஞ்ஞத்தி-பதே² ஞாதே சுதோ ப⁴வே.
Kāyena vācā viññatti-pathe ñāte cuto bhave.
10.
10.
பாராஜிகேதே சத்தாரோ, அஸங்வாஸா யதா² புரே;
Pārājikete cattāro, asaṃvāsā yathā pure;
அப⁴ப்³பா³ பி⁴க்கு²பா⁴வாய, ஸீஸச்சி²ன்னோவ ஜீவிதுங்.
Abhabbā bhikkhubhāvāya, sīsacchinnova jīvituṃ.
11.
11.
பரியாயோ ச ஆணத்தி, ததியே து³தியே பன;
Pariyāyo ca āṇatti, tatiye dutiye pana;
ஆணத்தியேவ ஸேஸேஸு, த்³வயமேதங் ந லப்³ப⁴தி.
Āṇattiyeva sesesu, dvayametaṃ na labbhati.
12.
12.
ஸேவேதுகாமதாசித்தங் , மக்³கே³ மக்³க³ப்பவேஸனங்;
Sevetukāmatācittaṃ , magge maggappavesanaṃ;
இமங் மேது²னத⁴ம்மஸ்ஸ, ஆஹு அங்க³த்³வயங் பு³தா⁴.
Imaṃ methunadhammassa, āhu aṅgadvayaṃ budhā.
13.
13.
மனுஸ்ஸஸங் ததா²ஸஞ்ஞீ, தெ²ய்யசித்தஞ்ச வத்து²னோ;
Manussasaṃ tathāsaññī, theyyacittañca vatthuno;
க³ருதா அவஹாரோ ச, அதி³ன்னாதா³னஹேதுயோ.
Garutā avahāro ca, adinnādānahetuyo.
14.
14.
பாணோ மானுஸ்ஸகோ பாண-ஸஞ்ஞிதா கா⁴தசேதனா;
Pāṇo mānussako pāṇa-saññitā ghātacetanā;
பயோகோ³ தேன மரணங், பஞ்சேதே வத⁴ஹேதுயோ.
Payogo tena maraṇaṃ, pañcete vadhahetuyo.
15.
15.
அஸந்ததா அத்தனி பாபமிச்ச²தா-
Asantatā attani pāpamicchatā-
யாரோசனா தஸ்ஸ மனுஸ்ஸஜாதிதா;
Yārocanā tassa manussajātitā;
நாஞ்ஞாபதே³ஸோ ச ததே³வ ஜானநங்,
Nāññāpadeso ca tadeva jānanaṃ,
பஞ்செத்த² அங்கா³னி அஸந்ததீ³பனே.
Pañcettha aṅgāni asantadīpane.
16.
16.
அஸாதா⁴ரணா சத்தாரோ, பி⁴க்கு²னீனமப⁴ப்³ப³கா;
Asādhāraṇā cattāro, bhikkhunīnamabhabbakā;
ஏகாத³ஸ ச விப்³ப⁴ந்தா, பி⁴க்கு²னீ முது³பிட்டி²கோ.
Ekādasa ca vibbhantā, bhikkhunī mudupiṭṭhiko.
17.
17.
லம்பீ³ முகே²ன க³ண்ஹந்தோ, அங்க³ஜாதங் பரஸ்ஸ ச;
Lambī mukhena gaṇhanto, aṅgajātaṃ parassa ca;
தத்தே²வாபி⁴னிஸீத³ந்தோ, சத்தாரோ அனுலோமிகா.
Tatthevābhinisīdanto, cattāro anulomikā.
18.
18.
மக்³கே³ மக்³க³ப்பவேஸனா, மேது²னஸ்ஸ இதா⁴க³தா;
Magge maggappavesanā, methunassa idhāgatā;
சத்தாரோதி சதுப்³பீ³ஸ, ஸமோதா⁴னா பராஜிகாதி.
Cattāroti catubbīsa, samodhānā parājikāti.
