| Library / Tipiṭaka / திபிடக • Tipiṭaka / கு²த்³த³ஸிக்கா²-மூலஸிக்கா² • Khuddasikkhā-mūlasikkhā |
2. ஸங்கா⁴தி³ஸேஸனித்³தே³ஸோ
2. Saṅghādisesaniddeso
க³ருகா நவாதி –
Garukānavāti –
19.
19.
மோசேதுகாமதா ஸுக்க-ஸ்ஸுபக்கம்ம விமோசயங்;
Mocetukāmatā sukka-ssupakkamma vimocayaṃ;
அஞ்ஞத்ர ஸுபினந்தேன, ஸமணோ க³ருகங் பு²ஸே.
Aññatra supinantena, samaṇo garukaṃ phuse.
20.
20.
இத்தி²ஸஞ்ஞீ மனுஸ்ஸித்தி²ங், காயஸங்ஸக்³க³ராக³வா;
Itthisaññī manussitthiṃ, kāyasaṃsaggarāgavā;
ஸம்பு²ஸந்தோ உபக்கம்ம, ஸமணோ க³ருகங் பு²ஸே.
Samphusanto upakkamma, samaṇo garukaṃ phuse.
21.
21.
ததா² ஸுணந்திங் விஞ்ஞுஞ்ச, மக்³க³ங் வாரப்³ப⁴ மேது²னங்;
Tathā suṇantiṃ viññuñca, maggaṃ vārabbha methunaṃ;
து³ட்டு²ல்லவாசாராகே³ன, ஓபா⁴ஸெத்வா க³ருங் பு²ஸே.
Duṭṭhullavācārāgena, obhāsetvā garuṃ phuse.
22.
22.
வத்வாத்தகாமுபட்டா²ன-வண்ணங் மேது²னராகி³னோ;
Vatvāttakāmupaṭṭhāna-vaṇṇaṃ methunarāgino;
வாசா மேது²னயுத்தேன, க³ருங் மேது²னயாசனே.
Vācā methunayuttena, garuṃ methunayācane.
23.
23.
படிக்³க³ஹெத்வா ஸந்தே³ஸங், இத்தி²யா புரிஸஸ்ஸ வா;
Paṭiggahetvā sandesaṃ, itthiyā purisassa vā;
வீமங்ஸித்வா ஹரங் பச்சா, ஸமணோ க³ருகங் பு²ஸே.
Vīmaṃsitvā haraṃ paccā, samaṇo garukaṃ phuse.
24.
24.
ஸங்யாசிதபரிக்கா²ரங், கத்வாதே³ஸிதவத்து²கங்;
Saṃyācitaparikkhāraṃ, katvādesitavatthukaṃ;
குடிங் பமாணாதிக்கந்தங், அத்துத்³தே³ஸங் க³ருங் பு²ஸே.
Kuṭiṃ pamāṇātikkantaṃ, attuddesaṃ garuṃ phuse.
25.
25.
மஹல்லகங் விஹாரங் வா, கத்வாதே³ஸிதவத்து²கங்;
Mahallakaṃ vihāraṃ vā, katvādesitavatthukaṃ;
அத்தனோ வஸனத்தா²ய, ஸமணோ க³ருகங் பு²ஸே.
Attano vasanatthāya, samaṇo garukaṃ phuse.
26.
26.
அமூலகேன சோதெ³ந்தோ, சோதா³பெந்தோவ வத்து²னா;
Amūlakena codento, codāpentova vatthunā;
அந்திமேன ச சாவேதுங், ஸுணமானங் க³ருங் பு²ஸே.
Antimena ca cāvetuṃ, suṇamānaṃ garuṃ phuse.
27.
27.
அஞ்ஞஸ்ஸ கிரியங் தி³ஸ்வா, தேன லேஸேன சோத³யங்;
Aññassa kiriyaṃ disvā, tena lesena codayaṃ;
வத்து²னா அந்திமேனாஞ்ஞங், சாவேதுங் க³ருகங் பு²ஸே.
Vatthunā antimenāññaṃ, cāvetuṃ garukaṃ phuse.
28.
28.
சா²தே³தி ஜானமாபன்னங், பரிவஸெய்ய தாவதா;
Chādeti jānamāpannaṃ, parivaseyya tāvatā;
சரெய்ய ஸங்கே⁴ மானத்தங், பரிவுத்தோ² ச² ரத்தியோ.
Careyya saṅghe mānattaṃ, parivuttho cha rattiyo.
சிண்ணமானத்தமப்³பெ⁴ய்ய, தங் ஸங்கோ⁴ வீஸதீக³ணோ.
Ciṇṇamānattamabbheyya, taṃ saṅgho vīsatīgaṇo.
29.
29.
ஆபத்தினுக்கி²த்தமனந்தராய
Āpattinukkhittamanantarāya
பஹுத்ததாயோ தத²ஸஞ்ஞிதா ச;
Pahuttatāyo tathasaññitā ca;
சா²தே³துகாமோ அத² சா²த³னாதி,
Chādetukāmo atha chādanāti,
ச²ன்னா த³ஸங்கெ³ஹ்யருணுக்³க³மம்ஹீதி.
Channā dasaṅgehyaruṇuggamamhīti.
