| Library / Tipiṭaka / तिपिटक • Tipiṭaka / पाचित्यादियोजनापाळि • Pācityādiyojanāpāḷi |
(२) पाराजिकादिपञ्हावण्णना
(2) Pārājikādipañhāvaṇṇanā
४८०. सन्थतपेय्यालञ्चाति पठमपाराजिकविभङ्गे (पारा॰ ६५) वुत्तं सन्थतपेय्यालञ्च।
480.Santhatapeyyālañcāti paṭhamapārājikavibhaṅge (pārā. 65) vuttaṃ santhatapeyyālañca.
लिङ्गपरिवत्तं सन्धायाति सति लिङ्गे परिवत्ते पटिग्गहणस्स विजहनं सन्धाय वुत्तं।
Liṅgaparivattaṃ sandhāyāti sati liṅge parivatte paṭiggahaṇassa vijahanaṃ sandhāya vuttaṃ.
योति भिक्खु, परिणामेतीति सम्बन्धो। अत्तनो अत्थायाति योजना।
Yoti bhikkhu, pariṇāmetīti sambandho. Attano atthāyāti yojanā.
अस्साति गाथाय। काकउहदन्ति काकेहि करीसुस्सग्गं। कद्दममक्खितन्ति कद्दमेन मक्खितं। कायगतानेव हुत्वाति सम्बन्धो।
Assāti gāthāya. Kākauhadanti kākehi karīsussaggaṃ. Kaddamamakkhitanti kaddamena makkhitaṃ. Kāyagatāneva hutvāti sambandho.
हीति वित्थारो। अनरियं तं इत्थिं वा तं पुरिसं वा हनेय्याति योजना। लिङ्गपरिवत्तेन हेतुभूतेन इत्थिभूतं, पुरिसभूतञ्चाति सम्बन्धो। इत्थिभूतन्ति च इत्थी हुत्वा भूतं, इत्थिभावं वा पत्तं।
Hīti vitthāro. Anariyaṃ taṃ itthiṃ vā taṃ purisaṃ vā haneyyāti yojanā. Liṅgaparivattena hetubhūtena itthibhūtaṃ, purisabhūtañcāti sambandho. Itthibhūtanti ca itthī hutvā bhūtaṃ, itthibhāvaṃ vā pattaṃ.
मिगसिङ्गतापससीहकुमारादीनं तिरच्छानगतमातापितरो वियाति योजना। मिगसिङ्गतापसोति मिगसिङ्गनामको (जा॰ अट्ठ॰ ५.१७.९६ आदयो) तापसो। सीहकुमारोति सीहबाहुकुमारो। आदिसद्देन भूरिदत्तादयो सङ्गण्हाति।
Migasiṅgatāpasasīhakumārādīnaṃ tiracchānagatamātāpitaro viyāti yojanā. Migasiṅgatāpasoti migasiṅganāmako (jā. aṭṭha. 5.17.96 ādayo) tāpaso. Sīhakumāroti sīhabāhukumāro. Ādisaddena bhūridattādayo saṅgaṇhāti.
कुरुन्दियं आगतन्ति सम्बन्धो।
Kurundiyaṃ āgatanti sambandho.
‘‘सच्चं भणन्तोति गाथाया’’ति पदं ‘‘सच्चं भासतो लहुकापत्ति होती’’ति एत्थ इतिसद्देन सम्बन्धितब्बं। ‘‘सच्चं भणन्तो’’ति गाथाय इति अत्थोति योजना।
‘‘Saccaṃ bhaṇantoti gāthāyā’’ti padaṃ ‘‘saccaṃ bhāsato lahukāpatti hotī’’ti ettha itisaddena sambandhitabbaṃ. ‘‘Saccaṃ bhaṇanto’’ti gāthāya iti atthoti yojanā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / परिवारपाळि • Parivārapāḷi / २. पाराजिकादिपञ्हा • 2. Pārājikādipañhā
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / परिवार-अट्ठकथा • Parivāra-aṭṭhakathā / (२) पाराजिकादिपञ्हावण्णना • (2) Pārājikādipañhāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / पाराजिकादिपञ्हवण्णना • Pārājikādipañhavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / पाराजिकादिपञ्हावण्णना • Pārājikādipañhāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / पाराजिकादिपञ्हावण्णना • Pārājikādipañhāvaṇṇanā
