| Library / Tipiṭaka / ติปิฎก • Tipiṭaka / ธมฺมปทปาฬิ • Dhammapadapāḷi |
๙. ปาปวโคฺค
9. Pāpavaggo
๑๑๖.
116.
อภิตฺถเรถ กลฺยาเณ, ปาปา จิตฺตํ นิวารเย;
Abhittharetha kalyāṇe, pāpā cittaṃ nivāraye;
ทนฺธญฺหิ กโรโต ปุญฺญํ, ปาปสฺมิํ รมตี มโนฯ
Dandhañhi karoto puññaṃ, pāpasmiṃ ramatī mano.
๑๑๗.
117.
น ตมฺหิ ฉนฺทํ กยิราถ, ทุโกฺข ปาปสฺส อุจฺจโยฯ
Na tamhi chandaṃ kayirātha, dukkho pāpassa uccayo.
๑๑๘.
118.
ตมฺหิ ฉนฺทํ กยิราถ, สุโข ปุญฺญสฺส อุจฺจโยฯ
Tamhi chandaṃ kayirātha, sukho puññassa uccayo.
๑๑๙.
119.
ปาโปปิ ปสฺสติ ภทฺรํ, ยาว ปาปํ น ปจฺจติ;
Pāpopi passati bhadraṃ, yāva pāpaṃ na paccati;
๑๒๐.
120.
ภโทฺรปิ ปสฺสติ ปาปํ, ยาว ภทฺรํ น ปจฺจติ;
Bhadropi passati pāpaṃ, yāva bhadraṃ na paccati;
ยทา จ ปจฺจติ ภทฺรํ, อถ ภโทฺร ภทฺรานิ 7 ปสฺสติฯ
Yadā ca paccati bhadraṃ, atha bhadro bhadrāni 8 passati.
๑๒๑.
121.
อุทพินฺทุนิปาเตน, อุทกุโมฺภปิ ปูรติ;
Udabindunipātena, udakumbhopi pūrati;
๑๒๒.
122.
มาวมเญฺญถ ปุญฺญสฺส, น มนฺตํ อาคมิสฺสติ;
Māvamaññetha puññassa, na mantaṃ āgamissati;
อุทพินฺทุนิปาเตน, อุทกุโมฺภปิ ปูรติ;
Udabindunipātena, udakumbhopi pūrati;
ธีโร ปูรติ ปุญฺญสฺส, โถกํ โถกมฺปิ อาจินํฯ
Dhīro pūrati puññassa, thokaṃ thokampi ācinaṃ.
๑๒๓.
123.
วาณิโชว ภยํ มคฺคํ, อปฺปสโตฺถ มหทฺธโน;
Vāṇijova bhayaṃ maggaṃ, appasattho mahaddhano;
วิสํ ชีวิตุกาโมว, ปาปานิ ปริวชฺชเยฯ
Visaṃ jīvitukāmova, pāpāni parivajjaye.
๑๒๔.
124.
ปาณิมฺหิ เจ วโณ นาสฺส, หเรยฺย ปาณินา วิสํ;
Pāṇimhi ce vaṇo nāssa, hareyya pāṇinā visaṃ;
นาพฺพณํ วิสมเนฺวติ, นตฺถิ ปาปํ อกุพฺพโตฯ
Nābbaṇaṃ visamanveti, natthi pāpaṃ akubbato.
๑๒๕.
125.
โย อปฺปทุฎฺฐสฺส นรสฺส ทุสฺสติ, สุทฺธสฺส โปสสฺส อนงฺคณสฺส;
Yo appaduṭṭhassa narassa dussati, suddhassa posassa anaṅgaṇassa;
ตเมว พาลํ ปเจฺจติ ปาปํ, สุขุโม รโช ปฎิวาตํว ขิโตฺตฯ
Tameva bālaṃ pacceti pāpaṃ, sukhumo rajo paṭivātaṃva khitto.
๑๒๖.
126.
คพฺภเมเก อุปฺปชฺชนฺติ, นิรยํ ปาปกมฺมิโน;
Gabbhameke uppajjanti, nirayaṃ pāpakammino;
สคฺคํ สุคติโน ยนฺติ, ปรินิพฺพนฺติ อนาสวาฯ
Saggaṃ sugatino yanti, parinibbanti anāsavā.
๑๒๗.
127.
น อนฺตลิเกฺข น สมุทฺทมเชฺฌ, น ปพฺพตานํ วิวรํ ปวิสฺส 17;
Na antalikkhe na samuddamajjhe, na pabbatānaṃ vivaraṃ pavissa 18;
๑๒๘.
128.
น อนฺตลิเกฺข น สมุทฺทมเชฺฌ, น ปพฺพตานํ วิวรํ ปวิสฺส;
Na antalikkhe na samuddamajjhe, na pabbatānaṃ vivaraṃ pavissa;
น วิชฺชตี โส ชคติปฺปเทโส, ยตฺถฎฺฐิตํ 23 นปฺปสเหยฺย มจฺจุฯ
Na vijjatī so jagatippadeso, yatthaṭṭhitaṃ 24 nappasaheyya maccu.
ปาปวโคฺค นวโม นิฎฺฐิโตฯ
Pāpavaggo navamo niṭṭhito.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ธมฺมปท-อฎฺฐกถา • Dhammapada-aṭṭhakathā / ๙. ปาปวโคฺค • 9. Pāpavaggo
