| Library / Tipiṭaka / තිපිටක • Tipiṭaka / අපදානපාළි • Apadānapāḷi |
10. පාපනිවාරියත්ථෙරඅපදානං
10. Pāpanivāriyattheraapadānaṃ
44.
44.
‘‘තිස්සස්ස තු භගවතො, දෙවදෙවස්ස තාදිනො;
‘‘Tissassa tu bhagavato, devadevassa tādino;
එකච්ඡත්තං මයා දින්නං, විප්පසන්නෙන චෙතසා.
Ekacchattaṃ mayā dinnaṃ, vippasannena cetasā.
45.
45.
‘‘නිවුතං හොති මෙ පාපං, කුසලස්සුපසම්පදා;
‘‘Nivutaṃ hoti me pāpaṃ, kusalassupasampadā;
ආකාසෙ ඡත්තං ධාරෙන්ති, පුබ්බකම්මස්සිදං ඵලං.
Ākāse chattaṃ dhārenti, pubbakammassidaṃ phalaṃ.
46.
46.
‘‘චරිමං වත්තතෙ මය්හං, භවා සබ්බෙ සමූහතා;
‘‘Carimaṃ vattate mayhaṃ, bhavā sabbe samūhatā;
ධාරෙමි අන්තිමං දෙහං, සම්මාසම්බුද්ධසාසනෙ.
Dhāremi antimaṃ dehaṃ, sammāsambuddhasāsane.
47.
47.
‘‘ද්වෙනවුතෙ ඉතො කප්පෙ, යං ඡත්තමදදිං තදා;
‘‘Dvenavute ito kappe, yaṃ chattamadadiṃ tadā;
දුග්ගතිං නාභිජානාමි, ඡත්තදානස්සිදං ඵලං.
Duggatiṃ nābhijānāmi, chattadānassidaṃ phalaṃ.
48.
48.
‘‘ද්වෙසත්තතිම්හිතො කප්පෙ, අට්ඨාසිංසු ජනාධිපා;
‘‘Dvesattatimhito kappe, aṭṭhāsiṃsu janādhipā;
මහානිදානනාමෙන, රාජානො චක්කවත්තිනො.
Mahānidānanāmena, rājāno cakkavattino.
49.
49.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා පාපනිවාරියො 1 ථෙරො ඉමා ගාථායො අභාසිත්ථාති;
Itthaṃ sudaṃ āyasmā pāpanivāriyo 2 thero imā gāthāyo abhāsitthāti;
පාපනිවාරියත්ථෙරස්සාපදානං දසමං.
Pāpanivāriyattherassāpadānaṃ dasamaṃ.
කණිකාරපුප්ඵියවග්ගො එකවීසතිමො.
Kaṇikārapupphiyavaggo ekavīsatimo.
තස්සුද්දානං –
Tassuddānaṃ –
කණිකාරො මිනෙලඤ්ච, කිඞ්කණි තරණෙන ච;
Kaṇikāro minelañca, kiṅkaṇi taraṇena ca;
නිග්ගුණ්ඩිපුප්ඵී දකදො, සලලො ච කුරණ්ඩකො;
Nigguṇḍipupphī dakado, salalo ca kuraṇḍako;
ආධාරකො පාපවාරී, අට්ඨතාලීස ගාථකාති.
Ādhārako pāpavārī, aṭṭhatālīsa gāthakāti.
Footnotes:
