| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೧೦. ಪಾಪನಿವಾರಿಯತ್ಥೇರಅಪದಾನಂ
10. Pāpanivāriyattheraapadānaṃ
೫೧.
51.
‘‘ಪಿಯದಸ್ಸಿಸ್ಸ ಭಗವತೋ, ಚಙ್ಕಮಂ ಸೋಧಿತಂ ಮಯಾ।
‘‘Piyadassissa bhagavato, caṅkamaṃ sodhitaṃ mayā;
ನಳಕೇಹಿ ಪಟಿಚ್ಛನ್ನಂ, ವಾತಾತಪನಿವಾರಣಂ॥
Naḷakehi paṭicchannaṃ, vātātapanivāraṇaṃ.
೫೨.
52.
‘‘ಪಾಪಂ ವಿವಜ್ಜನತ್ಥಾಯ, ಕುಸಲಸ್ಸುಪಸಮ್ಪದಾ।
‘‘Pāpaṃ vivajjanatthāya, kusalassupasampadā;
ಕಿಲೇಸಾನಂ ಪಹಾನಾಯ, ಪದಹಿಂ ಸತ್ಥು ಸಾಸನೇ॥
Kilesānaṃ pahānāya, padahiṃ satthu sāsane.
೫೩.
53.
‘‘ಇತೋ ಏಕಾದಸೇ ಕಪ್ಪೇ, ಅಗ್ಗಿದೇವೋತಿ ವಿಸ್ಸುತೋ।
‘‘Ito ekādase kappe, aggidevoti vissuto;
ಸತ್ತರತನಸಮ್ಪನ್ನೋ, ಚಕ್ಕವತ್ತೀ ಮಹಬ್ಬಲೋ॥
Sattaratanasampanno, cakkavattī mahabbalo.
೫೪.
54.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಪಾಪನಿವಾರಿಯೋ 1 ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā pāpanivāriyo 2 thero imā gāthāyo abhāsitthāti.
ಪಾಪನಿವಾರಿಯತ್ಥೇರಸ್ಸಾಪದಾನಂ ದಸಮಂ।
Pāpanivāriyattherassāpadānaṃ dasamaṃ.
ಹತ್ಥಿವಗ್ಗೋ ಬಾವೀಸತಿಮೋ।
Hatthivaggo bāvīsatimo.
ತಸ್ಸುದ್ದಾನಂ –
Tassuddānaṃ –
ಹತ್ಥಿ ಪಾನಧಿ ಸಚ್ಚಞ್ಚ, ಏಕಸಞ್ಞಿ ಚ ರಂಸಿಕೋ।
Hatthi pānadhi saccañca, ekasaññi ca raṃsiko;
ಸನ್ಧಿತೋ ತಾಲವಣ್ಟಞ್ಚ, ತಥಾ ಅಕ್ಕನ್ತಸಞ್ಞಕೋ।
Sandhito tālavaṇṭañca, tathā akkantasaññako;
ಸಪ್ಪಿ ಪಾಪನಿವಾರೀ ಚ, ಚತುಪ್ಪಞ್ಞಾಸ ಗಾಥಕಾತಿ॥
Sappi pāpanivārī ca, catuppaññāsa gāthakāti.
Footnotes:
