| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೧೦. ಪಾಪನಿವಾರಿಯತ್ಥೇರಅಪದಾನಂ
10. Pāpanivāriyattheraapadānaṃ
೪೪.
44.
‘‘ತಿಸ್ಸಸ್ಸ ತು ಭಗವತೋ, ದೇವದೇವಸ್ಸ ತಾದಿನೋ।
‘‘Tissassa tu bhagavato, devadevassa tādino;
ಏಕಚ್ಛತ್ತಂ ಮಯಾ ದಿನ್ನಂ, ವಿಪ್ಪಸನ್ನೇನ ಚೇತಸಾ॥
Ekacchattaṃ mayā dinnaṃ, vippasannena cetasā.
೪೫.
45.
‘‘ನಿವುತಂ ಹೋತಿ ಮೇ ಪಾಪಂ, ಕುಸಲಸ್ಸುಪಸಮ್ಪದಾ।
‘‘Nivutaṃ hoti me pāpaṃ, kusalassupasampadā;
ಆಕಾಸೇ ಛತ್ತಂ ಧಾರೇನ್ತಿ, ಪುಬ್ಬಕಮ್ಮಸ್ಸಿದಂ ಫಲಂ॥
Ākāse chattaṃ dhārenti, pubbakammassidaṃ phalaṃ.
೪೬.
46.
‘‘ಚರಿಮಂ ವತ್ತತೇ ಮಯ್ಹಂ, ಭವಾ ಸಬ್ಬೇ ಸಮೂಹತಾ।
‘‘Carimaṃ vattate mayhaṃ, bhavā sabbe samūhatā;
ಧಾರೇಮಿ ಅನ್ತಿಮಂ ದೇಹಂ, ಸಮ್ಮಾಸಮ್ಬುದ್ಧಸಾಸನೇ॥
Dhāremi antimaṃ dehaṃ, sammāsambuddhasāsane.
೪೭.
47.
‘‘ದ್ವೇನವುತೇ ಇತೋ ಕಪ್ಪೇ, ಯಂ ಛತ್ತಮದದಿಂ ತದಾ।
‘‘Dvenavute ito kappe, yaṃ chattamadadiṃ tadā;
ದುಗ್ಗತಿಂ ನಾಭಿಜಾನಾಮಿ, ಛತ್ತದಾನಸ್ಸಿದಂ ಫಲಂ॥
Duggatiṃ nābhijānāmi, chattadānassidaṃ phalaṃ.
೪೮.
48.
‘‘ದ್ವೇಸತ್ತತಿಮ್ಹಿತೋ ಕಪ್ಪೇ, ಅಟ್ಠಾಸಿಂಸು ಜನಾಧಿಪಾ।
‘‘Dvesattatimhito kappe, aṭṭhāsiṃsu janādhipā;
ಮಹಾನಿದಾನನಾಮೇನ, ರಾಜಾನೋ ಚಕ್ಕವತ್ತಿನೋ॥
Mahānidānanāmena, rājāno cakkavattino.
೪೯.
49.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಪಾಪನಿವಾರಿಯೋ 1 ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā pāpanivāriyo 2 thero imā gāthāyo abhāsitthāti;
ಪಾಪನಿವಾರಿಯತ್ಥೇರಸ್ಸಾಪದಾನಂ ದಸಮಂ।
Pāpanivāriyattherassāpadānaṃ dasamaṃ.
ಕಣಿಕಾರಪುಪ್ಫಿಯವಗ್ಗೋ ಏಕವೀಸತಿಮೋ।
Kaṇikārapupphiyavaggo ekavīsatimo.
ತಸ್ಸುದ್ದಾನಂ –
Tassuddānaṃ –
ಕಣಿಕಾರೋ ಮಿನೇಲಞ್ಚ, ಕಿಙ್ಕಣಿ ತರಣೇನ ಚ।
Kaṇikāro minelañca, kiṅkaṇi taraṇena ca;
ನಿಗ್ಗುಣ್ಡಿಪುಪ್ಫೀ ದಕದೋ, ಸಲಲೋ ಚ ಕುರಣ್ಡಕೋ।
Nigguṇḍipupphī dakado, salalo ca kuraṇḍako;
ಆಧಾರಕೋ ಪಾಪವಾರೀ, ಅಟ್ಠತಾಲೀಸ ಗಾಥಕಾತಿ॥
Ādhārako pāpavārī, aṭṭhatālīsa gāthakāti.
Footnotes:
