| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
១០. បាបនិវារិយត្ថេរអបទានំ
10. Pāpanivāriyattheraapadānaṃ
៥១.
51.
‘‘បិយទស្សិស្ស ភគវតោ, ចង្កមំ សោធិតំ មយា;
‘‘Piyadassissa bhagavato, caṅkamaṃ sodhitaṃ mayā;
នឡកេហិ បដិច្ឆន្នំ, វាតាតបនិវារណំ។
Naḷakehi paṭicchannaṃ, vātātapanivāraṇaṃ.
៥២.
52.
‘‘បាបំ វិវជ្ជនត្ថាយ, កុសលស្សុបសម្បទា;
‘‘Pāpaṃ vivajjanatthāya, kusalassupasampadā;
កិលេសានំ បហានាយ, បទហិំ សត្ថុ សាសនេ។
Kilesānaṃ pahānāya, padahiṃ satthu sāsane.
៥៣.
53.
‘‘ឥតោ ឯកាទសេ កប្បេ, អគ្គិទេវោតិ វិស្សុតោ;
‘‘Ito ekādase kappe, aggidevoti vissuto;
សត្តរតនសម្បន្នោ, ចក្កវត្តី មហព្ពលោ។
Sattaratanasampanno, cakkavattī mahabbalo.
៥៤.
54.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា បាបនិវារិយោ 1 ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā pāpanivāriyo 2 thero imā gāthāyo abhāsitthāti.
បាបនិវារិយត្ថេរស្សាបទានំ ទសមំ។
Pāpanivāriyattherassāpadānaṃ dasamaṃ.
ហត្ថិវគ្គោ ពាវីសតិមោ។
Hatthivaggo bāvīsatimo.
តស្សុទ្ទានំ –
Tassuddānaṃ –
ហត្ថិ បានធិ សច្ចញ្ច, ឯកសញ្ញិ ច រំសិកោ;
Hatthi pānadhi saccañca, ekasaññi ca raṃsiko;
សន្ធិតោ តាលវណ្ដញ្ច, តថា អក្កន្តសញ្ញកោ;
Sandhito tālavaṇṭañca, tathā akkantasaññako;
សប្បិ បាបនិវារី ច, ចតុប្បញ្ញាស គាថកាតិ។
Sappi pāpanivārī ca, catuppaññāsa gāthakāti.
Footnotes:
