| Library / Tipiṭaka / तिपिटक • Tipiṭaka / अपदानपाळि • Apadānapāḷi |
१०. पापनिवारियत्थेरअपदानं
10. Pāpanivāriyattheraapadānaṃ
५१.
51.
‘‘पियदस्सिस्स भगवतो, चङ्कमं सोधितं मया।
‘‘Piyadassissa bhagavato, caṅkamaṃ sodhitaṃ mayā;
नळकेहि पटिच्छन्नं, वातातपनिवारणं॥
Naḷakehi paṭicchannaṃ, vātātapanivāraṇaṃ.
५२.
52.
‘‘पापं विवज्जनत्थाय, कुसलस्सुपसम्पदा।
‘‘Pāpaṃ vivajjanatthāya, kusalassupasampadā;
किलेसानं पहानाय, पदहिं सत्थु सासने॥
Kilesānaṃ pahānāya, padahiṃ satthu sāsane.
५३.
53.
‘‘इतो एकादसे कप्पे, अग्गिदेवोति विस्सुतो।
‘‘Ito ekādase kappe, aggidevoti vissuto;
सत्तरतनसम्पन्नो, चक्कवत्ती महब्बलो॥
Sattaratanasampanno, cakkavattī mahabbalo.
५४.
54.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा पापनिवारियो 1 थेरो इमा गाथायो अभासित्थाति।
Itthaṃ sudaṃ āyasmā pāpanivāriyo 2 thero imā gāthāyo abhāsitthāti.
पापनिवारियत्थेरस्सापदानं दसमं।
Pāpanivāriyattherassāpadānaṃ dasamaṃ.
हत्थिवग्गो बावीसतिमो।
Hatthivaggo bāvīsatimo.
तस्सुद्दानं –
Tassuddānaṃ –
हत्थि पानधि सच्चञ्च, एकसञ्ञि च रंसिको।
Hatthi pānadhi saccañca, ekasaññi ca raṃsiko;
सन्धितो तालवण्टञ्च, तथा अक्कन्तसञ्ञको।
Sandhito tālavaṇṭañca, tathā akkantasaññako;
सप्पि पापनिवारी च, चतुप्पञ्ञास गाथकाति॥
Sappi pāpanivārī ca, catuppaññāsa gāthakāti.
Footnotes:
